Dwakra Group : డ్వాక్రా మహిళలకు తీపి కబురు .. ఆ సమస్యలకు చెక్ .. ఇక పై 72 గంటల్లోనే అకౌంట్లో డబ్బులు .!
Authored By Sudheer Ramanujam
| The Telugu News | Updated on :
18 April 2026,
10:30 am 
Dwakra Group : డ్వాక్రా మహిళలకు తీపి కబురు .. ఆ సమస్యలకు చెక్ .. ఇక పై 72 గంటల్లోనే అకౌంట్లో డబ్బులు .!
Dwakra Group : ఆంధ్రప్రదేశ్ ప్రభుత్వం డ్వాక్రా మహిళల ఆర్థిక స్థితిని బలోపేతం చేయడానికి పలు సంక్షేమ పథకాలను అమలు చేస్తోంది. ముఖ్యంగా స్వయం సహాయక సంఘాల ద్వారా మహిళలకు రుణాలు అందించడం ఈ కార్యక్రమాలలో కీలక భాగం. అయితే బ్యాంకు లింకేజీ విషయంలో మహిళలు ఎదుర్కొంటున్న ఇబ్బందులు ప్రభుత్వ దృష్టికి వచ్చాయి. ఈ సమస్యలను పరిష్కరించేందుకు ప్రభుత్వం కీలక నిర్ణయాలు తీసుకుంటూ రుణాల మంజూరు ప్రక్రియను పూర్తిగా డిజిటలైజ్ చేయాలని నిర్ణయించింది.
AP government launches new app for women in Dwakra Group
Dwakra Group : బ్యాంకు లింకేజీ సమస్యలకు చెక్
గతంలో డ్వాక్రా మహిళలు రుణం పొందడానికి బ్యాంకుల చుట్టూ రోజుల తరబడి తిరగాల్సి వచ్చేది. పత్రాల సమర్పణ, ధృవీకరణ, అధికారుల అనుమతులు వంటి ప్రక్రియలు చాలా సమయం తీసుకునేవి. ఈ నేపథ్యంలో మహిళలు అనేక ఇబ్బందులు ఎదుర్కొనేవారు. ఈ సమస్యలకు చెక్ పెట్టేందుకు ప్రభుత్వం సరికొత్త విధానాన్ని అమలు చేయబోతోంది. రుణాల మంజూరులో పారదర్శకత పెంచడం ఆలస్యం తగ్గించడం ప్రధాన లక్ష్యంగా తీసుకుంది. ఈ దిశగా గ్రామీణ పేదరిక నిర్మూలన సొసైటీ (సెర్ప్) ప్రత్యేక మొబైల్ యాప్ను అభివృద్ధి చేసింది. ఈ యాప్ ద్వారా రుణాలకు సంబంధించిన మొత్తం ప్రక్రియను ఆన్లైన్లోనే పూర్తి చేయవచ్చు. దీంతో మధ్యవర్తుల పాత్ర తగ్గి, అవినీతి అవకాశాలు కూడా తగ్గుతాయని అధికారులు చెబుతున్నారు.
Dwakra Group : యూనిక్ ఐడీతో పారదర్శకత
రాష్ట్రంలో సుమారు 8.43 లక్షల స్వయం సహాయక సంఘాల్లో 85.75 లక్షల మంది డ్వాక్రా మహిళలు సెర్ప్ పరిధిలో ఉన్నారు. ప్రతి సంవత్సరం ఈ సంఘాల ద్వారా పెద్ద మొత్తంలో రుణాలు మంజూరు అవుతున్నాయి. అయితే గతంలో కొంతమంది బోగస్ సంఘాల పేరుతో రుణాలు పొందిన ఘటనలు వెలుగులోకి వచ్చాయి. ఈ అక్రమాలకు అడ్డుకట్ట వేయడానికి ప్రతి డ్వాక్రా సంఘానికి ప్రత్యేక యూనిక్ ఐడీ కేటాయించే నిర్ణయం తీసుకున్నారు. అంతేకాకుండా ప్రతి సభ్యురాలికీ ప్రత్యేక గుర్తింపు సంఖ్య ఇవ్వబడింది. ఇకపై ఈ యూనిక్ ఐడీల ఆధారంగానే రుణాలు మంజూరు చేయబడతాయి. దీని వల్ల నకిలీ సంఘాల సమస్య పూర్తిగా తొలగిపోతుందని అధికారులు విశ్వసిస్తున్నారు.
Dwakra Group : 72 గంటల్లో రుణ మంజూరు
కొత్త డిజిటల్ విధానంతో రుణం పొందే ప్రక్రియను సులభతరం చేశారు. గతంలో తీర్మానాలు రాయడం నుంచి బ్యాంక్ ఆమోదం పొందే వరకు అనేక దశలు ఉండేవి. కానీ ఇప్పుడు ఈ ప్రక్రియ మొత్తం యాప్ ద్వారానే జరుగుతుంది. సంఘానికి సంబంధించిన వివరాలు యాప్లో అందుబాటులో ఉంటాయి. రుణం తీసుకునే సభ్యుల వివరాలను నమోదు చేసి డిజిటల్ సంతకాలు సేకరిస్తారు. తర్వాత వీవోఏ, సీసీ, ఏపీఎం వంటి అధికారుల డిజిటల్ ఆమోదం తర్వాత ఫైల్ బ్యాంక్ మేనేజర్కు చేరుతుంది. అన్ని వివరాలు సరిచూసి రుణాన్ని మంజూరు చేస్తారు. ఈ మొత్తం ప్రక్రియను 72 గంటల్లో పూర్తి చేయాలనే లక్ష్యంతో ప్రభుత్వం చర్యలు తీసుకుంటోంది. ఇకపై మహిళలు తమ రుణ వివరాలను యాప్ ద్వారా సులభంగా తెలుసుకోవచ్చు. ఎంత రుణం తీసుకున్నారు ఎంత చెల్లించారు ఇంకా ఎంత బాకీ ఉందనే సమాచారం తక్షణమే అందుతుంది. ముఖ్యమంత్రి ఆమోదం లభించిన వెంటనే ఈ విధానం అమల్లోకి రానుంది. దీంతో డ్వాక్రా మహిళలకు మరింత సౌలభ్యం కలగనుంది.
Also read
