Roja – Chandrababu : ఈసారి వాళ్లను కూడా జైలులో పెట్టిస్తా.. దమ్ముంటే ఆపుకో బాబు.. మంత్రి రోజా సవాల్
Roja – Chandrababu : ఏపీ మంత్రి రోజా గురించి ప్రత్యేకంగా చెప్పుకోవాల్సిన అవసరం లేదు. ఆమెను వైసీపీ ఫైర్ బ్రాండ్ అంటారు. దానికి కారణం.. ఆమె మాట్లాడే తీరు. ఏపీ సీఎం వైఎస్ జగన్ ను ఎవరైనా ఏమైనా అంటే చాలు.. ఇక మామూలుగా ఉండదు. రెచ్చిపోతారు రోజా. ఎదుటి వాళ్లు ఎంతటి వాళ్లు అయినా సరే ఏమాత్రం భయపడరు రోజా. అందుకే తనను ఫైర్ బ్రాండ్ అంటారు. తాజాగా మంత్రి రోజా.. బండారు సత్యనారాయణపై మండిపడ్డారు. ఆయన తనపై చేసిన వ్యాఖ్యలపై మరోసారి స్పందించారు రోజా. తన పరువుకు భంగం కలిగేలా ప్రవర్తించినందుకు ఆయనపై కోర్టులో డిఫమేషన్ సూట్ వేశారు రోజా.
అనంతరం మీడియాతో రోజా మాట్లాడుతూ.. మహిళ అంటే ఏదైనా అనొచ్చు అనుకునే మగవాడికి బుద్ధి చెప్పాలి. ఒక ఫేమస్ నటిని, ఫ్యామిలీ మహిళను ఈరోజు ఎదుర్కోలేక పిచ్చిపిచ్చిగా వాగుతున్న బండారు కానీ, భానుప్రకాష్ కానీ.. టీవీ5 రాజేందర్ కానీ ఎవ్వరైనా సరే వాళ్లను వదలను అని చెప్పాను. అదే విధంగా ఈరోజు నగరి కోర్టులో వాళ్ల మీద కేసు పెట్టడం జరిగిందన్నారు. క్రిమినల్ మోటివ్ తో నేను నా కుటుంబం సొసైటీలో తలెత్తుకొని తిరగకుండా సూసైడ్ చేసుకోవాలి.. లేదా మేము కనిపించకుండా పోవాలి అనే ఒక మోటివ్ తో ఒక ప్లాన్ గా ప్రెస్ మీట్లు పెట్టి నా క్యారెక్టర్ ను అసాసినేట్ చేసి నా గౌరవాన్ని భంగం కలిగించే విధంగా, నేను సొసైటీలో తిరగలేకుండా వాళ్లు మాట్లాడే మాటలు చాలా బాధాకరం. వీటిని ఎలాగైనా అరికట్టాలన్నారు.
Roja – Chandrababu : నాలాంటి వాళ్లకే ఇలా జరిగితే.. మామూలు మహిళలు ఇంకెంత భయపడాలి
నాలాంటి వాళ్లకే ఇలా జరిగితే.. మామూలు మహిళ ఎంత భయపడిపోతుంది. బెంబేలెత్తుతుంది. బయటికి రాకుండా ఏవిధంగా మహిళా సాధికారతకు భంగం కలుగుతుందో అర్థం చేసుకున్నాను కాబట్టే ఈరోజు నేను ఖచ్చితంగా న్యాయాన్ని నమ్ముతాను కాబట్టి న్యాయ పరంగా వాళ్ల మీద చర్యలు చేపట్టాను. ఖచ్చితంగా కోర్టు విచారణ జరిపి వారికి శిక్ష వేస్తుందని నేను మనస్ఫూర్తిగా నమ్ముతున్నాను అని మంత్రి రోజా ఆశాభావం వ్యక్తం చేశారు.