Chandrababu : స్థానిక పోరులో సీట్లు వారికే.. చంద్రబాబు మాస్టర్ ప్లాన్‌తో పార్టీ నేతలకు దిమ్మతిరిగే క్లారిటీ..!

Authored By Tandu Ramalingaiah | The Telugu News | Published on: October 12, 2026, 2:30 pm
  •  Chandrababu : ఆంధ్రప్రదేశ్‌లో స్థానిక సంస్థల ఎన్నికలపై ముఖ్యమంత్రి, టీడీపీ అధినేత చంద్రబాబు నాయుడు కసరత్తు ముమ్మరం చేశారు. ఎన్నికల్లో…

Chandrababu  : ఆంధ్రప్రదేశ్‌లో స్థానిక సంస్థల ఎన్నికలపై ముఖ్యమంత్రి, టీడీపీ అధినేత చంద్రబాబు నాయుడు కసరత్తు ముమ్మరం చేశారు. ఎన్నికల్లో కూటమిని మరింత బలోపేతం చేసే లక్ష్యంతో కొత్త వ్యూహాలతో ముందుకు వెళ్లాలని పార్టీ నేతలకు స్పష్టమైన దిశానిర్దేశం చేశారు. క్షేత్రస్థాయిలో ప్రస్తుతం ఉన్న రాజకీయ పరిస్థితులు, పార్టీ బలం, నేతల పనితీరు వంటి అంశాలపై ఆరా తీసిన చంద్రబాబు.. స్థానిక ఎన్నికల్లో సీట్ల కేటాయింపు విషయంలో అనుసరించాల్సిన విధానంపైనా స్పష్టత ఇచ్చారు. మిత్రపక్షాలతో ఎలాంటి విభేదాలకు అవకాశం ఇవ్వకుండా పూర్తి సమన్వయంతో ముందుకు సాగాలని నేతలకు సూచించారు. కూటమిలోని పార్టీలన్నీ కలిసికట్టుగా పనిచేసి స్థానిక సంస్థల్లో సాధ్యమైనన్ని స్థానాలను గెలుచుకోవడమే లక్ష్యంగా పెట్టుకోవాలని చెప్పారు. స్థానిక ఎన్నికల్లో సాధించే బలమైన ఫలితాలు భవిష్యత్ ఎన్నికల్లోనూ కూటమికి రాజకీయంగా ఉపయోగపడతాయని చంద్రబాబు వివరించారు. పార్టీ ముఖ్య నేతలతో నిర్వహించిన వర్చువల్ సమావేశంలో స్థానిక ఎన్నికల వ్యూహంపై చంద్రబాబు విస్తృతంగా చర్చించారు. ఎన్నికల్లో అనుసరించాల్సిన ప్రచార విధానం, కూటమి పార్టీల మధ్య సమన్వయం, క్షేత్రస్థాయిలో పార్టీ శ్రేణుల పాత్రతో పాటు ప్రత్యర్థి పార్టీల ప్రచారాన్ని రాజకీయంగా ఎలా ఎదుర్కోవాలనే అంశాలపై నేతలకు సూచనలు చేశారు.

Chandrababu : స్థానిక పోరులో సీట్లు వారికే.. చంద్రబాబు మాస్టర్ ప్లాన్‌తో పార్టీ నేతలకు దిమ్మతిరిగే క్లారిటీ..!

Chandrababu : స్థానిక పోరులో సీట్లు వారికే.. చంద్రబాబు మాస్టర్ ప్లాన్‌తో పార్టీ నేతలకు దిమ్మతిరిగే క్లారిటీ..!

Chandrababu  బీసీలకు 40 శాతం వరకు సీట్లు.. రాష్ట్రవ్యాప్త ప్రచారానికి ప్లాన్

బీసీ రిజర్వేషన్ల విషయంలో కూటమి ప్రభుత్వం తీసుకున్న నిర్ణయాలను ప్రజల్లోకి బలంగా తీసుకెళ్లాలని చంద్రబాబు సూచించారు. అదే సమయంలో గత వైసీపీ ప్రభుత్వ హయాంలో బీసీలకు అన్యాయం జరిగిందనే తమ పార్టీ వాదనను ప్రజలకు వివరించాలని నేతలకు చెప్పారు. ఈ నేపథ్యంలో “జయహో బీసీ..! జనాభాలో సగం–కూటమి ఇచ్చింది బలం” పేరుతో రాష్ట్రవ్యాప్తంగా ప్రచార కార్యక్రమాలు నిర్వహించాలని దిశానిర్దేశం చేశారు. స్థానిక సంస్థల ఎన్నికల్లో బీసీలకు పార్టీ పరంగా 40 శాతం వరకు సీట్లు ఇచ్చేలా కసరత్తు చేస్తున్నట్లు చంద్రబాబు వెల్లడించారు. బీసీలకు 34 శాతానికి మించి స్థానాలు కల్పిస్తామని ఇప్పటికే ప్రకటించామని గుర్తుచేస్తూ.. పార్టీ స్థాయిలో మాత్రం 40 శాతం వరకు సీట్ల కేటాయింపునకు ప్రయత్నిస్తున్నట్లు వివరించారు. అభ్యర్థుల ఎంపిక విషయంలోనూ స్పష్టమైన ప్రమాణాలను పాటిస్తామని చంద్రబాబు తెలిపారు. ఎన్నికల్లో గెలిచే సామర్థ్యం, నిజాయితీ, సమర్థతతో పాటు సోషల్ రీ-ఇంజనీరింగ్ వంటి అంశాలను బేరీజు వేసుకున్న తర్వాతే అభ్యర్థులను ఎంపిక చేస్తామని స్పష్టం చేశారు.స్థానిక ఎన్నికల్లో పార్టీ నేతలు ఎలా పనిచేస్తున్నారనే అంశాన్ని కూడా ప్రత్యేకంగా పరిశీలిస్తామని చంద్రబాబు చెప్పారు. నేతల పనితీరుకు రేటింగ్స్ ఇస్తామని వెల్లడిస్తూ.. ప్రతి ఒక్కరూ బాధ్యతతో పనిచేయాలని సూచించారు. సిన్సియారిటీ లేకుండా కేవలం రాజకీయంగా డ్రామాలు చేసే వారితో పార్టీకి ఎలాంటి ప్రయోజనం ఉండదని, అలాంటి వారిని ఉపేక్షించే పరిస్థితి ఉండదని హెచ్చరించారు.

Chandrababu  50 రోజులే కీలకం.. ‘ట్రిపుల్ ఇంజన్ సర్కార్’ లక్ష్యంగా ప్రచారం

రాబోయే 50 రోజులు అత్యంత కీలకమని, ఈ విషయంలో ఎవరికీ మినహాయింపు ఉండదని చంద్రబాబు పార్టీ నేతలకు స్పష్టం చేశారు. గెలుపే లక్ష్యంగా ప్రతి ఒక్కరూ క్షేత్రస్థాయిలో పనిచేయాలని చెప్పారు. స్థానిక సంస్థల ఎన్నికలను తేలిగ్గా తీసుకోవద్దని, కూటమి రాజకీయ బలం మరింత పెరగాలంటే ఈ ఎన్నికల్లో మెరుగైన ఫలితాలు సాధించడం అత్యంత కీలకమని వివరించారు. కేంద్రం, రాష్ట్రంలో ఉన్న ప్రభుత్వాల సమన్వయంతో రాష్ట్రాన్ని అభివృద్ధి చేస్తున్నామని ప్రజల్లోకి తీసుకెళ్లాలని సూచించారు. స్థానిక సంస్థల ఎన్నికల్లోనూ కూటమి అభ్యర్థులను గెలిపించడం ద్వారా గ్రామాలు, పట్టణాల స్థాయిలోనూ అధికారాన్ని సాధించి ‘ట్రిపుల్ ఇంజన్ సర్కార్’ ఏర్పాటు కావాలనే నినాదంతో ముందుకు వెళ్లాలని చంద్రబాబు పేర్కొన్నారు.

ప్రజల్లో రాజకీయంగా తటస్థంగా ఉన్నవారిని కూటమి సానుభూతిపరులుగా మార్చాలని, అదే సమయంలో ప్రత్యర్థి పార్టీలకు మద్దతుగా ఉన్నవారిని కనీసం తటస్థులుగా మార్చగలిగే విధంగా పార్టీ కేడర్ పనిచేయాలని సూచించారు. ఇందుకోసం ప్రభుత్వం చేపట్టిన సంక్షేమం, అభివృద్ధి కార్యక్రమాలను ప్రజల్లోకి మరింత విస్తృతంగా తీసుకెళ్లాలని చెప్పారు. ప్రభుత్వం సంక్షేమ కార్యక్రమాల కోసం రూ.1.50 లక్షల కోట్లు ఖర్చు చేసిందని, అదే స్థాయిలో అభివృద్ధి పనులు కూడా చేపట్టిందని చంద్రబాబు పేర్కొన్నారు. ఎన్నికల సమయంలో ఇచ్చిన సూపర్ సిక్స్ హామీలను ‘సూపర్ హిట్’ చేశామనే విషయాన్ని ప్రజలకు వివరించాలని పార్టీ శ్రేణులకు సూచించారు. ప్రభుత్వ సంక్షేమం, అభివృద్ధి రెండింటినీ స్థానిక ఎన్నికల ప్రచారంలో ప్రధాన అంశాలుగా తీసుకెళ్లాలని స్పష్టం చేశారు.

Also Read :  Snigdha : నేను లెస్బియన్ కాదు.. నచ్చితే అమ్మాయినైనా పెళ్లి చేసుకుంటా”.. నటి స్నిగ్ధ క్లారిటీ

అదే సమయంలో కూటమి పార్టీల మధ్య సమన్వయం అత్యంత కీలకమని చంద్రబాబు మరోసారి గుర్తుచేశారు. రాష్ట్రస్థాయిలో కూటమి నాయకత్వం మధ్య ఎలాంటి సమన్వయం కొనసాగుతోందో, అదే తరహా ఐక్యత నియోజకవర్గాలు, మండలాలు, గ్రామాల స్థాయిలోనూ కనిపించాలని చెప్పారు. సీట్ల కేటాయింపు లేదా ఇతర అంశాల విషయంలో విభేదాలు, అపోహలకు అవకాశం ఇవ్వకుండా మిత్రపక్షాల నేతలు కలిసి ప్రచారం చేయాలని సూచించారు. మొత్తంగా స్థానిక సంస్థల ఎన్నికలను రాబోయే రాజకీయ పోరాటానికి కీలక మెట్టుగా చంద్రబాబు చూస్తున్నట్లు ఆయన వ్యాఖ్యల ద్వారా స్పష్టమవుతోంది. బీసీలకు 40 శాతం వరకు పార్టీ సీట్లు, అభ్యర్థుల ఎంపికలో గెలుపు సామర్థ్యం–నిజాయితీ–సమర్థతకు ప్రాధాన్యం, నేతల పనితీరుకు రేటింగ్స్, కూటమి పార్టీల మధ్య క్షేత్రస్థాయి సమన్వయం వంటి అంశాలతో ఎన్నికలకు సిద్ధం కావాలని పార్టీ నేతలకు ఆయన స్పష్టమైన కార్యాచరణను నిర్దేశించారు.

Tandu Ramalingaiah

Author Bio Info : Tandu Ramalingaiah is experienced in Media field. He worked in various Telugu media houses for about 15+ years. Iam worked as a Prajasakti Daily Newspaper , Surya Daily Newspaper , Namasthe Telangana Daily Newspaper News Reporter, Chief Editor, Digital Media Expert , Social Media Expert, Technical Expert and Digital Marketing Expert. As a News reporter, he wrote various articles on Human angle, Local news live reporting, special stories. He is also expert in news analyzing, proof editing and best title editing. He is the present Editor of thetelugunews.com | Contact Details : ramu@thetelugunews.com

Google The Telugu News మీకు నచ్చిన సైటుగా ఎంచుకోండి
WhatsApp