Minister Narayana : ఇచ్చిన హామీలన్నీ నెరవేరుస్తాం : మంత్రి నారాయణ

Minister Narayana : కూటమి ప్రభుత్వం ఇచ్చిన హామీలన్నీ నెరవేరుస్తాం అన్నారు ఏపీ మునిసిపల్ శాఖ మంత్రి నారాయణ. ప్రభుత్వం అధికారంలోకి వచ్చిన వెంటనే ప్రజలకు మేలు చేసే పాలన అందించేందుకు బడ్జెట్‌కు లోబడి అనేక సంక్షేమ కార్యక్రమాలు ప్రారంభించామని తెలిపారు. ముఖ్యంగా వృద్ధుల పెన్షన్లు పెంచడం, ఉచిత గ్యాస్ సిలిండర్ పంపిణీ, తల్లికి వందనం వంటి ప్రజా హిత కార్యక్రమాలను వేగంగా అమలు చేస్తున్నామని ఆయన వివరించారు.

Minister Narayana : ఇచ్చిన హామీలన్నీ నెరవేరుస్తాం : మంత్రి నారాయణ

Minister Narayana : ఆగస్టు 15 నుండి మహిళలకు ఫ్రీ బస్సు అమలు చేస్తున్నాం – మంత్రి నారాయణ

ఇక మహిళలకు ఉచిత బస్సు ప్రయాణ సదుపాయాన్ని ఆగస్టు 15 నుంచి ఖచ్చితంగా అమలు చేయబోతున్నట్లు తెలిపారు. ఇది మహిళలకు ఆర్థిక భారం తగ్గించడమే కాకుండా, వారు స్వేచ్ఛగా, భద్రతగా ప్రయాణించేలా సాయం చేస్తుందని చెప్పారు. ఈ హామీపై ప్రజల్లో విశ్వాసం పెరగడంతో పాటు, ప్రభుత్వం మాట తప్పదన్న నమ్మకం మరింత బలపడుతుందని మంత్రి అభిప్రాయపడ్డారు.

ప్రజల సమస్యలను దగ్గర నుంచి తెలుసుకోవడానికి తాము ఇంటింటికీ వెళ్లి విచారిస్తున్నామని, సమస్యలు తెలుసుకుని తక్షణ చర్యలు తీసుకుంటున్నామని మంత్రి నారాయణ పేర్కొన్నారు. అధికారంలోకి వచ్చిన 30 రోజులలోనే ప్రభుత్వం సాధించిన పురోగతిని చూస్తే, వాగ్దానాలు మాటలకే పరిమితం కాకుండా కార్యరూపం దాలుస్తున్నాయని స్పష్టమవుతుందన్నారు. ప్రజల భద్రత, సంక్షేమమే తమ ప్రభుత్వ ప్రధాన లక్ష్యమని ఆయన పునరుద్ఘాటించారు.