No Cost EMI : నో కాస్ట్ EMI అనగానే అబ్బా అనుకోకండి..వారి మోసం తెలిస్తే వామ్మో అనాల్సిందే !!

No Cost EMI : ఆన్‌లైన్ షాపింగ్ ప్లాట్‌ఫారమ్‌లలో మనకు తరచుగా వినిపించే ఆకర్షణీయమైన పదం ‘నో కాస్ట్ ఇఎంఐ’ (No Cost EMI). వడ్డీ లేకుండా వస్తువును కొనుగోలు చేయవచ్చనే ఉద్దేశంతో చాలామంది దీనిని ఎంచుకుంటారు. అయితే ఈ ఆఫర్ వెనుక దాగి ఉన్న అసలు నిజాలు తెలిస్తే షాక్ అవ్వాల్సిందే!

నో కాస్ట్ EMI అసలు రంగు – ఆకర్షణీయమైన ఆఫర్ వెనుక దాగి ఉన్న నిజాలు!

వడ్డీ లేకపోవడం కేవలం ఒక మాయా. చాలామంది ‘నో కాస్ట్ EMI’ అంటే అసలు వడ్డీ ఉండదని భావిస్తారు, కానీ వాస్తవానికి బ్యాంకులు లేదా ఆర్థిక సంస్థలు వడ్డీ లేకుండా రుణాలు ఇవ్వవు. ఇక్కడ రెండు రకాల పద్ధతులు ఉంటాయి. మొదటిది, వస్తువు యొక్క అసలు ధరపై ఇచ్చే డిస్కౌంట్‌ను తగ్గించి, ఆ మొత్తాన్ని వడ్డీగా బ్యాంకుకు చెల్లిస్తారు. అంటే, మీరు వస్తువును పూర్తి నగదుతో కొంటే వచ్చే ‘క్యాష్ డిస్కౌంట్’ను ఇక్కడ కోల్పోతారు. రెండోది, వడ్డీ మొత్తాన్ని ముందే వస్తువు ధరలో కలిపి ఉంచుతారు. ఫలితంగా, వడ్డీ లేదని మనం అనుకున్నా, పరోక్షంగా ఆ భారాన్ని మనమే భరిస్తున్నామని నిపుణులు హెచ్చరిస్తున్నారు.

నో కాస్ట్ EMI అనగానే అబ్బా అనుకోకండి..వారి మోసం తెలిస్తే వామ్మో అనాల్సిందే !!

అదనపు ఛార్జీలు మరియు GST భారం:

నో కాస్ట్ EMIలో వస్తువు ధరతో పాటు మరికొన్ని దాగి ఉన్న ఖర్చులు Hidden Charges ఉంటాయి. దాదాపు అన్ని బ్యాంకులు ఈ సదుపాయంపై ప్రాసెసింగ్ ఫీజును వసూలు చేస్తాయి. దీనికి తోడు, వడ్డీ భాగంపై 18% GST అదనంగా చెల్లించాల్సి ఉంటుంది. ఉదాహరణకు, మీరు ఒక ఖరీదైన ఫోన్ కొన్నప్పుడు, నెలకు వడ్డీ పడకపోయినా, ప్రతి నెలా పడే GST మరియు ప్రారంభంలో చెల్లించే ప్రాసెసింగ్ ఫీజు కలిపితే, మీరు వస్తువు అసలు ధర కంటే ఎక్కువ మొత్తాన్నే చెల్లిస్తున్నట్లు లెక్క. ఇవన్నీ గమనించకుండా కేవలం నెలవారీ వాయిదా తక్కువగా ఉందని సంబరపడటం పొరపాటే అవుతుంది.

సిబిల్ స్కోర్ పై ప్రభావం:

ఎక్కువ వస్తువులను EMI పద్ధతిలో కొనడం వల్ల మీ క్రెడిట్ యుటిలైజేషన్ రేషియో CUR పెరుగుతుంది. అంటే మీ క్రెడిట్ కార్డు పరిమితిలో ఎక్కువ భాగాన్ని వాడటం వల్ల మీ సిబిల్ స్కోర్ CIBIL Score తగ్గే అవకాశం ఉంది. అలాగే, సులభంగా వాయిదాలు దొరుకుతున్నాయని అవసరం లేని వస్తువులను కూడా కొనడం వల్ల ఆర్థిక భారం పెరుగుతుంది. ఏదైనా నెలలో వాయిదా చెల్లించడం ఆలస్యమైతే, భారీగా పెనాల్టీలు మరియు వడ్డీ పడతాయి. అందుకే, ఏదైనా వస్తువు కొనేముందు దాని అసలు ధరను, EMI లో చెల్లించే మొత్తం ధరతో పోల్చి చూసుకోవాలని ఆర్థిక నిపుణులు సూచిస్తున్నారు.