Chanakya Niti : జీవితంలో ప్రతి ఒక్కరికీ ఏవేవో కలలు ఉంటాయి. కొన్ని లక్ష్యాలు ఉంటాయి. వాటిని చేరుకోవాలంటే యవ్వనంలో మనం వేసే అడుగు కీలకంగా మారుతుంది. యవ్వన దశలో మనం కష్టపడే తీరు, ప్రయాణించే మార్గం మన జీవితాన్ని మార్గనిర్దేశం చేస్తుంది. చెడు అలవాట్లతో తప్పటడుగు వేస్తే జీవితంలో అనుకున్న లక్ష్యాలను చేరుకునే అవకాశం ఉండదు. అందుకే యవ్వనంలో సమయాన్ని గౌరవించడం చాలా అవసరం.

Chanakya Niti : యవ్వనంలో గుర్తుపెట్టుకోవాల్సిన విషయాలు..

1) కష్టపడి పనిచేయడం: యవ్వనంలో కష్టపడి పనిచేస్తే వృద్ధాప్యంలో ఎవరి మీద ఆధారపడకుండా జీవించవచ్చు. కష్టపడి పనిచేయడానికి ఎప్పుడూ భయపడకూడదు. భయపడేవారు జీవితంలో ఎప్పటికీ విజయం సాధించలేరు

2) సోమరితనం : జీవితంలో సోమరితనం ఉంటే అవకాశాలు పొందలేం. సోమరితనం ఉంటే యవ్వనంలో విడిచిపెట్టేయండి. తద్వారా అవకాశాలను పొంది సద్వినియోగం చేసుకోండి. సోమరితనం వీడి జీవితంలో ముందుకు సాగిపోతే అన్ని రంగాల్లో విజయం చేకూరే అవకాశం ఉంటుంది.

3) జ్ఙానం సంపాదించడం : జీవితంలో ఎదుగుతున్న కొద్దీ మనం జ్ఞానం కూడా అభివృద్ధి చేసుకోవాలి. మనకు తెలిసిన విషయాలతో ముందుకు వెళ్లిపోవాలని అనుకోకూడదు. విజయం సాధించాలంటే జ్ఞానం అవసరం. జీవితంలో మీరు అనుకున్న లక్ష్యాలను చేరుకోవాలంటే జ్ఞానం పెంపొందించుకోవడం అవసరం అనే విషయాన్ని గుర్తుపెట్టుకోండి

4) సమయాన్ని వృధా చేయకపోవడం : జీవితంలో అనుకున్న లక్ష్యాలను చేరుకోవాలంటే సమయం వృధా చేయకూడదు. యవ్వనంలో చాలా మంది స్నేహితులతో గడపాలని, టూర్లు వెళ్లాలని, సినిమాలు చూడాలని భావిస్తుంటారు. కానీ గడిచిన కాలం తిరిగి రాదనే విషయం గుర్తుపెట్టుకోండి. సమయం విలువ తెలుసుకుని ముందుకు సాగిపోతే విజయాలు వాటంతట అవే మనల్ని వెతుక్కుంటూ వస్తాయి.

5) చెడు అలవాట్లను మానాలి : చాలామంది యవ్వనంలో చెడు అలవాట్లు అలవర్చుకుంటారు. దీంతో వాళ్ల జీవితం అంధకారం వైపు మళ్లుతుంది. ముఖ్యంగా మద్యపానం, ధూమపానం, అమ్మాయిల వెంట పడటం, జూదం లాంటివి మానుకోవాలి.