Pushpa First Day Collections : ఫస్ట్ డే కలెక్షన్లు తగ్గేదే లే.. అల్లు అర్జున్ కెరీర్ లోనే రికార్డు స్థాయి కలెక్షన్లు.. ఎంతో తెలుసా?
Pushpa First Day Collections : టాలీవుడ్ ఐకాన్ స్టార్ అల్లు అర్జున్, సుకుమార్ కాంబోలో వచ్చిన మూడో సినిమా పుష్ప. ఇప్పటికే ఈ కాంబోలో ఆర్య, ఆర్య 2 సినిమాలు వచ్చి బాక్సాఫీసును గడగడలాడించాయి. దాదాపు 12 ఏళ్ల గ్యాప్ తర్వాత మళ్లీ ఇద్దరూ జతకట్టారు. ఈసారి పుష్ప ది రైజ్ అంటూ ప్రేక్షకుల ముందుకు వచ్చారు. మూడు గంటల పాటు ప్రేక్షకులను మరోలోకానికి తీసుకెళ్లారు. పుష్పలో రెండో పార్ట్ కూడా ఉంది. ఇప్పటికే విడుదలైన ఫస్ట్ పార్ట్ అద్భుతంగా ఉందంటూ రెస్పాన్స్ వస్తోంది. తొలి రోజు ప్రపంచవ్యాప్తంగా విడుదలైన థియేటర్లు అన్నింట్లోనూ ఫుల్ రష్ ఉంది.
దీన్ని బట్టే చెప్పొచ్చు.. పుష్ప సినిమాకు ఏ రేంజ్ లో కలెక్షన్లు వస్తాయో. ప్రపంచవ్యాప్తంగా ఎక్కడ చూసినా ఇసుక వేస్తే రాలనంత జనం. దాదాపు ప్రపంచవ్యాప్తంగా 3000 థియేటర్లలో ఈ సినిమా రిలీజ్ అయింది అంటే అర్థం చేసుకోవచ్చు.. పుష్పకు ఎంత క్రేజ్ ఉందో.ఒక్క నైజాం, ఆంధ్రా ఏరియాలోనే 1150 థియేటర్లలో సినిమా రిలీజ్ అయింది. పక్క రాష్ట్రాలు అయిన కర్ణాటక, తమిళనాడు, కేరళ, మహారాష్ట్ర, నార్త్ ఇండియా అన్ని ప్రాంతాల్లో కలిపి మరో 1200 థియేటర్లలో సినిమా రిలీజ్ అయింది. విదేశాల్లో కనీసం 600 థియేటర్లలో రిలీజ్ అయింది.
allu arjun pushpa movie first day collections world wide
Pushpa First Day Collections : అడ్వాన్స్ బుకింగ్ కలెక్షన్లే 4 కోట్లు
పుష్ప సినిమాకు నైజాంలోనే అడ్వాన్స్ బుకింగ్ రూపంలోనే సుమారు 4 కోట్లు వచ్చినట్టు తెలుస్తోంది. ప్రీ రిలీజ్ బిజినెస్ విషయంలో నైజాంలో 36 కోట్లు, సీడెడ్ లో 18 కోట్ల బిజినెస్ జరిగింది. ఆంద్రా మొత్తంలో మరో సుమారు 50 కోట్ల వరకు బిజినెస్ జరిగింది.అంటే.. కేవలం ఏపీ తెలంగాణ మాత్రమే తీసుకుంటే.. 100 కోట్లకు పైగా ప్రీ రిలీజ్ బిజినెస్ జరిగింది.
వేరే రాష్ట్రాల్లో మరో 20 కోట్లు, విదేశాల్లో 13 కోట్ల బిజినెస్ జరిగింది. అంటే.. ప్రీ బిజినెస్ గానే.. పుష్ప సినిమాకు 130 కోట్లకు పైగా బిజినెస్ జరిగిందన్నమాట.ఇక ఫస్ట్ డే కలెక్షన్ల విషయానికి వస్తే.. కేవలం తెలుగు రాష్ట్రాల్లోనే సుమారు 30 కోట్ల రూపాయలను పుష్ప వసూలు చేసిందట. ఇతర రాష్ట్రాలు, ఓవర్సీస్ కలుపుకుంటే.. 40 కోట్లకు పైనే వసూళ్ల సాధించినట్టు తెలుస్తోంది.
Also read
