Intinti Gruhalakshmi 18 Dec Today Episode : లాస్యతో పెళ్లిని ఎలాగైనా ఆపాలని అనుకున్న నందు.. తులసి కోసం నందు ఏం ప్లాన్ వేస్తాడు?

Intinti Gruhalakshmi 18 Dec Today Episode : ఇంటింటి గృహలక్ష్మి సీరియల్ లేటెస్ట్ ఎపిసోడ్ తాజాగా విడుదలైంది. ఈరోజు 18 డిసెంబర్ 2021, శనివారం ఎపిసోడ్ 506 హైలైట్స్ ఏంటో ఇప్పుడు చూద్దాం. ఆవేశంతో నందు.. తన పెళ్లి శుభలేఖను చించబోతాడు. దీంతో తులసి అడ్డుకుంటుంది. తప్పండి.. శుభలేఖను అలా చించకూడదు. మీకు గుర్తుందా.. అప్పట్లో మన శుభలేఖను అత్తయ్య గారు మంటల్లో వేశారు. అందుకేనేమో మన జీవితం ఇలా అయింది. కనీసం లాస్య జీవితం అయినా బాగుండాలి.. అని అంటుంది తులసి. నాకెందుకు ఈ విషయం చెప్పలేదు తులసి అంటాడు నందు. రెండు రోజుల్లో సర్జరీ అని నాకెందుకు చెప్పలేదు అంటాడు నందు. నేను మీకు చెబుదామనే అనుకున్నా కానీ… లాస్య ముఖంలో ఉన్న సంతోషం చూసి చెప్పలేకపోయాను అంటుంది తులసి.

ఎప్పుడు సర్జరీ అంటాడు నందు. మీరు పెళ్లిపీటలు ఎక్కే రోజునే నేను హాస్పిటల్ బెడ్ మీద ఉంటాను. ఆరోజే నాకు సర్జరీ అని చెబుతుంది తులసి. దీంతో నందు షాక్ అవుతాడు. నా పెళ్లికి నువ్వు వచ్చినా రాకున్నా.. నీకు ఆపరేషన్ జరిగినప్పుడు నేను నీ పక్కన ఉండాలి అంటాడు నందు. మీరు పక్కన ఉండి చేసేదేం ఉండదు అంటుంది తులసి. దీంతో నా పెళ్లికి ఇంకో ముహూర్తం దొరుకుతుందా అంటాడు నందు. నాకు నీకన్నా ఈ పెళ్లి అంత ముఖ్యమేమీ కాదంటాడు. దీంతో మళ్లీ మొదటికొచ్చారు ఏంటండి అంటుంది తులసి. ఈ విషయంలో మాత్రం నువ్వు ఎంత చెప్పినా వినను అంటాడు నందు. అక్కడి నుంచి వెళ్లిపోతాడు. ఆ తర్వాత తులసి బెడ్ మీద పడుకుంటుంది. శృతి వచ్చి తనను లేపుతుంది. సాయంత్రం అనగా పడుకున్నారు లేవండి అంటుంది. మనసు నిండా సమస్యలే ఆంటి.. అలసిపోతున్నారు అంటుంది శృతి.

భోం చేయండి అని ప్లేట్ పట్టుకొని తీసుకొస్తుంది శృతి. తినండి.. అని ప్లేట్ ఇస్తుంది. దీంతో తులసి భోజనం చేస్తుంది. బెడ్ మీద ఉన్న శుభలేఖను చూస్తుంది శృతి. ఆంటి ఆ శుభలేఖ అక్కడెందుకు అంటుంది శృతి. కానీ.. అది నన్నేం చేస్తుంది అంటుంది తులసి. దీంతో శృతి అక్కడి నుంచి వెళ్లిపోతుంది.

Intinti Gruhalakshmi 18 Dec Today Episode : తులసి ఆరోగ్యం గురించి టెన్షన్ పడ్డ తులసి తల్లి

ఇంతలో తులసికి తన తల్లి ఫోన్ చేస్తుంది. ఫోన్ లిఫ్ట్ చేస్తుంది. అమ్మ ఎలా ఉన్నావమ్మా అంటుంది. నీ కష్టాలు చూసి తట్టుకోలేకపోతున్నాను అమ్మా అంటుంది. నాకు క్యాన్సర్ ఉందనే విషయం చెప్పకపోవడం తప్పే అంటుంది. నన్ను చూడటానికి నువ్వు రాకూడదు అమ్మ. నీ అల్లుడు లాస్యను రెండు రోజుల్లో పెళ్లి చేసుకోబోతున్నాడు.. నువ్వు వచ్చావంటే అక్షింతలు వేయాల్సి ఉంటుంది.. అని చెబుతుంది తులసి.

మరోవైపు నందు, లాస్య.. ఇద్దరూ కారులో వెళ్తుంటారు. కాసేపు సరదాగా గడుపుదాం అంటే.. వద్దు ఇంటికి వెళ్దాం అంటాడు నందు. ఎందుకు అర్జెంట్ గా వెళ్లి తులసిని చూడాలా అంటుంది లాస్య. అదేం లేదు అంటాడు. దీంతో తను చెప్పిన చోటుకు తీసుకెళ్లు అంటుంది లాస్య.

మరోవైపు మీ అమ్మ గారు మీకోసం పంపించారు అని అంకిత ఏదో మూటను ఇస్తుంది. దాంట్లో అక్షింతలు ఉన్నాయని చెబుతుంది. నీ ఆరోగ్యం కుదుటపడటం కోసం మీ అమ్మ దేవుడికి మొక్కకుందట అని చెబుతుంది అంకిత. ఇంతలో లాస్య, నందు వస్తారు. అందరినీ పిలుస్తుంది లాస్య.

ముందు ఈ స్వీట్లు తీసుకోండి అంటుంది. ఏంటి విశేషం అంటుంది అనసూయ. నిన్న వెడ్డింగ్ కార్డుతో పాటు అందరి నోళ్లు నిన్న తీపి చేద్దామనుకున్నాను కానీ కుదరలేదు. అందుకే ఇప్పుడు స్వీట్లు తెచ్చాను అంటుంది. ఒక్కొక్కరికీ ఇవ్వబోతుంది కానీ.. ఎవ్వరూ తీసుకోరు.

మీరు ఎవ్వరు తినకున్నా.. తులసి మాత్రం తింటుంది.. అంటుంది లాస్య. అందరికంటే ముందు నువ్వు నోరు తీపి చేసుకోవాలి. ముందు నువ్వు తిను అంటుంది. మరి నువ్వు తిను కూడా తిను అంటుంది లాస్య. దీంతో కొంచెం స్వీట్ తీసుకొని తింటుంది తులసి.

కట్ చేస్తే.. అనసూయకు తన కొడుకు నందు, లాస్య మీద తీవ్రంగా కోపం వస్తుంది. ఓ పక్క తులసి ఆరోగ్యం బాగోలేకపోతే.. దీనికి పెళ్లి ఏర్పాట్లు చేయాలా అంటూ కోపం తెచ్చుకుంటుంది. ఇంతలో తులసి వచ్చి అనసూయ అనే మాటలకు నవ్వుకుంటుంది. ఏంటత్తయ్యా.. పెళ్లి పనులతో బిజీగా ఉన్నట్టున్నారు అంటుంది తులసి. ఆ తర్వాత ఏం జరుగుతుందో తెలియాలంటే తరువాయిభాగంలో చూడాల్సిందే.