Samantha : టాలీవుడ్ హీరోయిన్ సమంత – బాలీవుడ్‌ దర్శకుడు రాజు నిడుమోరుతో ప్రేమలో ఉందన్న వార్తలు సినీ వర్గాల్లో చర్చనీయాంశంగా మారిన సంగతి తెలిసిందే. ‘ఫ్యామిలీ మ్యాన్’ వెబ్ సిరీస్‌లో కలిసి పని చేసిన తర్వాత వారిద్దరి మధ్య సన్నిహితత పెరిగిందని, అప్పటి నుంచి వారి మధ్య ప్రత్యేక బంధం కొనసాగుతోందని మీడియాలో వార్తలు వస్తున్నాయి. సమంత నటించిన ‘సిటాడెల్’ సిరీస్‌కి కూడా రాజు నిడుమోరే దర్శకత్వం వహించడం, ఆమె నిర్మాతగా వ్యవహరించిన ‘శుభం’ సినిమాలో కూడా ఆయన కో-ప్రొడ్యూసర్‌గా ఉండటం ఈ వార్తలకు బలాన్ని చేకూర్చుతున్నాయి.

Samantha  నమ్మకం అనేది అన్నిటికంటే విలువైనది అంటూ డైరెక్టర్ నిడుమోరు భార్య శ్యామల ట్వీట్

ఇటీవల సమంత తన సోషల్ మీడియాలో రాజు నిడుమోరు భుజంపై వాలిన ఫొటోను పోస్ట్ చేయడం, తిరుపతిలో ఆమెను ఆయన కలిసి వెళ్లడం ఈ వార్తలకు మరింత ఊతమిచ్చాయి. దీంతో వీరిద్దరి మధ్య డేటింగ్ కొనసాగుతోందనే ప్రచారం జోరుగా నడుస్తోంది. ఇదే సమయంలో రాజు నిడుమోరు భార్య శ్యామల మాత్రం గతకొంతకాలంగా తన భర్త గురించి సోషల్ మీడియాలో ఎలాంటి పోస్టులు చేయకపోవడం గమనార్హం. గతంలో భర్త సినిమాలను ప్రమోట్ చేసిన శ్యామల, ఇప్పుడు పూర్తిగా మౌనంగా ఉండటం, విడాకుల దిశగా రాజు నిడుమోరు పయనిస్తున్నారన్న ఊహాగానాలకు బలం చేకూరుతోంది.

తాజాగా శ్యామల చేసిన పోస్ట్‌లు కూడా నెటిజన్ల దృష్టిని ఆకర్షించాయి. “నమ్మకం అన్నది కోల్పోతే తిరిగి పొందలేరు” అంటూ ఓ సందేశాన్ని షేర్ చేయడం, అంతకు ముందు “మంచి కర్మ సృష్టించండి” అంటూ పెట్టిన పోస్టులు ఆమె భావోద్వేగ పరిస్థితిని బాగా ప్రతిబింబిస్తున్నట్లు పలువురు భావిస్తున్నారు. వీటిని ఆమె భర్తపై ఉద్దేశించిందనే అర్థం నెటిజన్లు వేసుకుంటున్నారు. ప్రస్తుతం రాజు నిడుమోరు – సమంత మధ్య ఉన్న సంబంధం నిజమా? అనే దానిపై స్పష్టత లేదు కానీ, ఈ వ్యవహారం సినీ వర్గాల్లో, సోషల్ మీడియాలో హాట్ టాపిక్‌గా మారుతుంది.