Ariyana : అటు అరియానా ఇటు దేవీ నాగవల్లి.. ఒకేసారి కానిచ్చేశారు!!

Ariyana అరియానా Ariyana , దేవీ నాగవల్లి Devi Nagavalli బంధం బిగ్ బాస్ ఇంట్లో మొదలైంది. అరియానా యాంకరింగ్‌లో ఎదిగేందుకు దేవీ నాగవల్లితో ఎక్కువగా క్లోజ్‌గా ఉంటోందనే ఆరోపణలు కూడా వచ్చాయి. దేవీ నాగవల్లి అయితే బయటకు వచ్చాక ఏదో ఒక అవకాశం ఇప్పించగలదు అని ఆశించిందో ఏమో గానీ.. అరియానా మాత్రం దేవీ నాగవల్లితో ఎక్కువ సన్నిహితంగా ఉండేది. దేవీ నాగవల్లి ఎలిమినేట్ అయిన క్షణంలో చిన్న పిల్లలా వెక్కి వెక్కి ఏడ్చేసింది.

కొత్త కార్లతో దేవీ నాగవల్లి, అరియానా రచ్చ Ariyana

అలా అరియానా, దేవీ నాగవల్లి బంధం నేటికి కొనసాగుతూనే ఉంది. ఇద్దరూ కలిసి ఉంటారు.. పార్టీలు చేసుకుంటారు. ఒకరి ఇంటికి మరొకరు వెళ్తుంటారు. ఈ ఇద్దరూ కలిసి ఓ షార్ట్ ఫిలింలో కూడా నటించారు. మెసెజ్ ఓరియెంటెడ్ షార్ట్ ఫిలింలో ఈ ఇద్దరూ బాగానే చేశారు. అయితే తాజాగా ఈ ఇద్దరూ ఒకేసారి కొత్త కారును కొన్నారు. కలిసి అనుకుని కొన్నారో ఏమో గానీ.. ఒకేసారి కొనేశారు. దీంతో ఈ ఇద్దరూ కూడా ఇప్పుడు ఫుల్ ఖుషీలో ఉన్నారు.

దేవీ నాగవల్లి స్కోడా కారు కొంది. దాని విలువ దాదాపు 25 లక్షలు ఉన్నట్టు తెలుస్తోంది. ఇక అరియానా అయితే కియా కారును కొన్నట్టు కనిపిస్తోంది. మొత్తానికి ఈ ఇద్దరూ ఒకే రోజు ఒకేసారి కారును కొనేశారు. ఒకరినొకరు కంగ్రాట్స్ చెప్పుకుంటూ తెగ సంబరపడిపోయారు. మొత్తానికి బిగ్ బాస్ బాగానే కలిసి వచ్చినట్టుంది. కార్లు కూడా కొనేసి మెయింటైన్ చేసే వరకు వెళ్లారు. అరియానా పలు సినిమా ప్రాజెక్ట్‌లతో బిజీగా ఉండగా.. దేవీ నాగవల్లి మాత్రం ఇంకా ఆ టీవీ9లో వార్తలు చెబుతూనే ఉంది.