BalaKrishna : ఆగలేక పోతున్న బాలకృష్ణ… రెండు నెలల ముందే ‘షో 2’ ప్లాన్‌ చేస్తున్నారట

BalaKrishna : నందమూరి బాలకృష్ణ లో మరో యాంగిల్ చూపించిన కార్యక్రమం అన్ స్టాపబుల్‌. ఆహా ఓటీటీ లో స్ట్రీమింగ్ అయినా ఆ కార్యక్రమంలో నందమూరి బాలకృష్ణ తనలోని కొత్త రూపాన్ని చూపించడంతో పాటు తనలో ఈ యాంగిల్ కూడా ఉంది అని చెప్పకనే చెప్పాడు. మొదట్లో బాలకృష్ణ టాక్‌ షో ఏంటి అంటూ అంతా నోరెళ్లబెట్టారు. కానీ ఆయన తనదైన శైలిలో అన్ స్టాపబుల్‌ కార్యక్రమాన్ని ముందుకు తీసుకు వెళ్లి సూపర్హిట్ అవడంతో ప్రతి ఒక్కరు కూడా ఆశ్చర్యం వ్యక్తం చేశారు. నందమూరి బాలకృష్ణ ఏ రంగంలోకి దిగిన అద్భుతం అంటూ పొగడ్తల్లో ముంచెత్తారు. ప్రతి ఒక్కరు కూడా బాలకృష్ణ ను అభినందించారు.సినిమాకు సంబంధించిన డైలాగ్స్ ఏ విధంగా అయితే చెప్తారో అలాగే ఆయన నిర్వహించిన అన్ స్టాపబుల్‌ లో కూడా అలాగే మాట్లాడాడు.

ఆయన మాట్లాడిన మాటలు ప్రతి ఒక్కరికి ఆశ్చర్యాన్ని కలిగించాయి అనడంలో ఎలాంటి సందేహం లేదు. ఇక బాలకృష్ణ కూడా ఈ కార్యక్రమంపై చాలా అభిమానం పెంచుకున్నాడు. మొదట్లో 10 ఎపిసోడ్ ల వరకు కార్యక్రమం చేయాలనే ఉద్దేశంతో ఉన్నట్లు సమాచారం. కాని ఆ తర్వాత కార్యక్రమాన్ని పెంచారు. ఇప్పుడు కొనసాగింపు చేసేందుకు ఏర్పాట్లు జరుగుతున్నట్లుగా సమాచారం అందుతోంది. బాలకృష్ణ ప్రస్తుతం ఈ కార్యక్రమం యొక్క రెండవ సీజన్ కోసం ఆసక్తిగా ఎదురు చూస్తున్నట్లు సమాచారం అందుతోంది. ఆగస్టు లేదా సెప్టెంబర్ లో అన్ స్టాపబుల్‌ 2 ప్రారంభించాలని అనుకున్నారు.తాజాగా అందుతున్న సమాచారం ప్రకారం బాలకృష్ణ చాలా ఆసక్తిగా ఉండడం

పాటు ఆగలేకపోతున్న కారణంగా వెంటనే ప్రేక్షకుల ముందుకు తీసుకు వచ్చే ఉద్దేశంతో ఉన్నట్లుగా తెలుస్తోంది. జులై లేదా ఆగస్టులోనే కార్యక్రమాన్ని ప్రేక్షకుల ముందుకు తీసుకు వస్తారని సమాచారం అందుతోంది. గత ఏడాది చివర్లో కార్యక్రమం ప్రేక్షకుల ముందుకు వచ్చిన విషయం తెలిసిందే. సాధారణంగా ఇలాంటి కార్యక్రమాలకు మధ్య కనీసం ఏడాది కాలం ఉండేలా చూసుకుంటారు. కానీ నందమూరి బాలకృష్ణ ఆసక్తి మరియు ఈ కార్యక్రమానికి వచ్చిన ఆదరణ నేపథ్యంలో అర్ధ సంవత్సరం లోనే కార్యక్రమాన్ని సీజన్ 2 చేసే అవకాశాలు కనిపిస్తున్నాయి. ఈసారి అన్ స్టాపబుల్‌ సీజన్‌ లో 2 లో మెగాస్టార్ చిరంజీవి తో పాటు పలువురు ప్రముఖులు హాజరయ్యే అవకాశం ఉందని సమాచారం అందుతోంది.