Bandla Ganesh : పూరి-ఛార్మీ బంధంపై బండ్ల గణేష్ అసహనం.. అందుకే అలా అన్నాడా?
Bandla Ganesh : పూరి జగన్నాథ్ ఛార్మీ బంధం గురించి ఎప్పుడూ ఏదో ఒక రూమర్ వస్తుంటుంది. పూరి జగన్నాథ్ తన భార్య లావణ్యను వదిలేశాడని, చార్మీతో ఉంటున్నాడనే వార్తలు ఎక్కువగా వస్తుంటాయి. ఇక పూరి మొత్తంగా ముంబైకి మకాం మార్చేశాడని, అక్కడే ఛార్మీతో ఉంటున్నాడని అందరికీ తెలిసిందే. అయితే హైద్రాబాద్కు రావడం కూడా పూరి మానేసినట్టు కనిపిస్తోంది. కానీ తన కొడుకు ఆకాష్ సినిమా బాధ్యతలను మాత్రం పూరి చూసుకుంటున్నాడు. రొమాంటిక్ సినిమాకు నిర్మాత అవ్వడంతో దగ్గరుండి ప్రమోషన్స్ చేశాడు. కానీ ఆకాష్ నటించిన చోర్ బజార్ సినిమా ప్రమోషన్లలో మాత్రం పూరి కనిపించలేదు.
ఇక కన్న కొడుకు సినిమా ప్రీ రిలీజ్ ఈవెంట్ జరిగితే.. అతను రాలేదు. దీనిపై బండ్ల గణేష్ అసహనం వ్యక్తం చేశాడు. కన్న కొడుకు సినిమా ఫంక్షన్ ఉంటే రాలేకపోయావ్.. అంత బిజీగా ఏం ఉన్నావ్ అన్నా.. ముంబైలో ఏం చేస్తున్నావో నాకు తెలియడం లేదు.. మనం ఏం చేసినా కూడా పిల్లలే కోసం.. కన్న బిడ్డలను చూసుకోకపోతే ఇంకెందుకు అంటూ బండ్ల గణేష్ ఎమోషనల్ అయ్యాడు. పూరి జగన్నాథ్ను కార్నర్ చేశాడు బండ్లన్న. పూరి భార్య లావణ్య గురించి.. ఆమె సహనం, ఓర్పు, మంచిదనం గురించి ఎంతో గొప్పగా చెప్పాడు.సీతా దేవిని చూడలేదు కానీ ఆమెకున్నంత ఓర్పు ఉందని, కర్ణుడికి కన్న కుంతీదేవీకి ఉన్న సహనం, గొప్ప లక్షణాలున్నాయని చెప్పుకొచ్చాడు.
Bandla Ganesh Indirect Comments On Puri Jagannadh ANd Charmme Kaur In CHor Bazaar EVent
పూరి ఏదో పెద్ద దర్శకుడు అవుతాడని, ఇండస్ట్రీని దున్నేస్తాడని లావణ్య పెళ్లి చేసుకోలేదు.. జేబులో రెండొందల రూపాయలున్నప్పుడే చేసుకుంది.. సనత్ నగర్ గుళ్లో పెళ్లి చేసుకున్నారు.. పూరి పెద్ద దర్శకుడు అయ్యాక ఎంతో మంది వచ్చారు..కానీ వారికంటే ముందు లావణ్య వచ్చిందని పరోక్షంగా ఛార్మీని ఉద్దేశించి అన్నాడు. ర్యాంప్లు వ్యాంప్లు వస్తాయి పోతాయి.. కానీ తల్లిలాంటి లావణ్య మాత్రం ఎప్పటికీ ఉంటుంది.. ఆవిడను జాగ్రత్తగా చూసుకునే బాధ్యత ఆకాష్ది, పవిత్రది, పూరి అన్నది అంటూ బండ్ల గణేష్ ఎమోషనల్ అయ్యాడు. అలా బండ్ల గణేష్ మాట్లాడుతుంటే.. లావణ్య కంట్లోంచి నీరు వచ్చినంత పనైంది.
Also read
