Bithiri Sathi : రేంజ్ రోవర్ కొనుగోలు చేసేంత రేంజ్ కి బిత్తిరి సత్తి ఎలా వచ్చాడు… ఇన్సిఫైరింగ్ లైఫ్ స్టోరీ
Authored By Prahbas Gilakathula
| The Telugu News |
Published on: October 6, 2022, 2:20 pm
Bithiri Sathi : చేవెళ్ల రవి… ఈ పేరుతో కంటే బిత్తిరి సత్తి అంటేనే అందరికీ అతడు గుర్తు. ఒక సామాన్య నిరుపేద కుటుంబంలో జన్మించిన కావలి రవికుమార్ అలియాస్ చేవెళ్ల రవి ఇప్పుడు బిత్తిరి సత్తిగా తెలుగు సినిమా పరిశ్రమలో అందరి దృష్టిని ఆకర్షిస్తున్నాడు. ఒక విధమైన స్లాంగ్ తో, ఒక విధమైన భాషతో బిత్తిరి సత్తి మంచి గుర్తింపును దక్కించుకున్నాడు. జక్కన్న రాజమౌళి దర్శకత్వంలో వచ్చిన ఆర్ఆర్ఆర్ సినిమా ప్రమోషన్ కార్యక్రమంలో ఇంటర్వ్యూ చేసి.. సర్కారు వారి పాట కోసం మహేష్ బాబు ఇంటర్వ్యూ చేసిన బిత్తిరి సత్తి ని ప్రేక్షకులు విపరీతంగా ఆదరించారు. ఒకప్పుడు 1000 నుండి 2000 రూపాయల కోసం ఎంతో కష్టపడ్డ బిత్తిరి సత్తి ఇప్పుడు ఏకంగా 60 నుండి 70 లక్షల కారు కొనుగోలు చేయడం అతని సక్సెస్ ని కనులకు కట్టినట్లుగా చూపిస్తుంది.
బిత్తిరి సత్తి గురించి పూర్తి వివరాల్లోకి వెళితే.. నరసింహ, యాదమ్మ దంపతులకు తెలంగాణ రాష్ట్రంలోని రంగారెడ్డి జిల్లా చేవెళ్ల మండలం పామెన గ్రామంలో 1979 ఏప్రిల్ 5వ తారీఖున జన్మించాడు. పాఠశాల వద్ద విద్య మొత్తం సొంత గ్రామంలోని చేశాడు. కాలేజీ కోసం చేవెళ్లకు వెళ్లాడు. చిన్నప్పటి నుండి సినిమాలపై ఆసక్తి ఉండడంతో 2003 వ సంవత్సరంలో సినిమా ఛాన్స్ ల కోసం ప్రయత్నాలు మొదలు పెట్టాడు. పలువురు దర్శకుల వద్ద అసిస్టెంట్ డైరెక్టర్ గా పని చేసిన బిత్తిరి సత్తి ఆ తర్వాత 2012లో జీ తెలుగులో ప్రసారమైన కామెడీ క్లబ్ అనే కార్యక్రమం ద్వారా బుల్లి తెర ప్రేక్షకుల ముందుకు వచ్చాడు. అదే సమయంలో జర్నలిజం కోర్స్ చేసి వి6 ఛానల్ లో కెరియర్ మొదలు పెట్టాడు. వి6 ఛానల్ లో తీన్మార్ న్యూస్ తో సావిత్రితో జతకట్టి సక్సెస్ అయ్యాడు.
Bithiri Sathi intersting life story
ఇద్దరి కాంబోలో వచ్చిన ఎన్నో ఎపిసోడ్స్ సూపర్ డూపర్ హిట్ అయ్యాయి. అందుకే బిత్తిరి సత్తికి ఏకంగా ఫిలిం స్టార్ రేంజ్ లో గుర్తింపు దక్కింది. అందుకే ఇప్పుడు ఫిల్మ్ స్టార్స్ కూడా ఆయనని చూసి ముక్కును వేలేసుకునే విధంగా ఇలా ఖరీదైన కారు కొనుగోలు చేశాడు. ఓపికతో కష్టపడితే కచ్చితంగా ఏదో ఒక సమయంలో సక్సెస్ అవ్వచ్చు అనేందుకు బిత్తిరి సత్తి ప్రత్యక్ష నిదర్శనం, ఉదాహరణ. లక్షలాది మంది ఇండస్ట్రీలో అడుగు పెట్టి వెనుతిరిగి పోతున్నారు. ఇలాంటి సమయంలో వారికి చేవెళ్ల రవి అలియాస్ బిత్తిరి సత్తి ఆదర్శమనడంలో సందేహం లేదు. ఇలా మరిన్ని సక్సెస్ లను బిత్తిరి సత్తి దక్కించుకోవాలని కోరుకుందాం. బిత్తిరి సత్తికి సినిమా డైరెక్షన్ చేయాలని కోరిక ఉంది త్వరలోనే అది తీరుతుందేమో చూడాలి. హీరోగా తుపాకి రాముడు అనే సినిమాతో వెండితెరపై సందడి చేసిన బిత్తిరి సత్తి కోతలు రాయుడు త్వరలో ప్రేక్షకుల ముందుకు వచ్చే అవకాశాలు ఉన్నాయి.
Also read
