Ram Charan : ఫ్లాప్ సెంటిమెంట్ నుండి రామ్ చ‌ర‌ణ్ గ‌ట్టెక్క‌నున్నాడా?

Ram Charan: సినిమా ప‌రిశ్ర‌మ‌లో చాలా మంది స్టార్స్‌కి కొన్ని సెంటిమెంట్స్ ఉంటాయి. కొన్ని సంద‌ర్భాల‌లో ఆ సెంటిమెంట్స్‌కి భ‌య‌ప‌డిన దాఖ‌లాలు కూడా ఉన్నాయి. ఇప్పుడు మెగా ప‌వ‌ర్ స్టార్ రామ్ చ‌ర‌ణ్‌ని ఓ సెంటిమెంట్ వ‌ణికిస్తుంది. రీసెంట్ గా “ఆర్ఆర్ఆర్” సినిమాతో బ్లాక్ బస్టర్ అందుకున్న మెగా పవర్ స్టార్ రామ్ చరణ్ “ఆచార్య” సినిమా తో డిజాస్టర్ అందుకున్నారు. తాజాగా ఇప్పుడు స్టార్ డైరెక్టర్ శంకర్ దర్శకత్వంలో రామ్ చరణ్ ఓ సినిమా చేస్తున్నారు. ఆర్సీ15 అనే టైటిల్ తో ఈ సినిమా త్వరలో ప్రేక్షకుల ముందుకు రానుంది. బాలీవుడ్ బ్యూటీ కియారా అద్వానీ ఈ సినిమాలో హీరోయిన్ గా నటిస్తోంది.

రాంచరణ్ కెరియర్ లో 15వ సినిమాగా తెరకెక్కనున్న ఈ సినిమా శ్రీ వెంకటేశ్వర క్రియేషన్స్ పతాకంపై రాబోతున్న 50వ ప్రాజెక్ట్ కూడా. అంజలి, శ్రీకాంత్ తదితరులు ఈ సినిమాలో ముఖ్య పాత్రలు పోషిస్తున్నారు. అయితే ఈ సినిమా ఫ‌లితంపై ఇప్పుడు అంద‌రిలో ఆస‌క్తి నెల‌కొంది. ఇక్క‌డే ఓ సెంటిమెంట్ కూడా హాట్ టాపిక్ అవుతుంది. టాలీవుడ్‌ స్టార్‌ రామ్ హీరోగా కోలీవుడ్‌ డైరెక్టర్‌ లింగుస్వామి రూపొందించిన చిత్రం జులై 14న విడుదల అయ్యింది. ఈ సినిమా మార్నింగ్ షో నుంచే డివైడ్ టాక్ తెచ్చుకుంది. ఈ నేపథ్యంలో తమిళ దర్శకులు నేరుగా మన హీరోలుతో రూపొందించిన చిత్రాల ఫ్లాప్ విష‌యంలో ఓ చర్చ న‌డుస్తుంది. ఇంతకు ముందు ప్రముఖ తమిళ దర్శకుడు మురగదాస్….మన స్టార్ హీరో మహేష్ తో స్పైడర్ చేసారు. ఆ సినిమా డిజాస్టర్ అయ్యింది.

Ram Charan : సెంటిమెంట్ బ్రేక్ చేస్తాడా?

అలాగే విజయ్ దేవరకొండతో తమిళ దర్శకుడు స్టైయిట్ తెలుగు సినిమా నోటా చేసారు. ఆ సినిమా డిజాస్టర్ అయ్యింది. ఇప్పుడు లింగుస్వామి మన స్టార్ రామ్ తో ది వారియర్ చేసారు. ఆ సినిమా కూడా కలెక్షన్స్ పరంగా భాక్సాఫీస్ దగ్గర ఫ్లాప్ అని తేలింది. ఇప్పుడు మరో తమిళ దర్శకుడు శంకర్, రామ్ చరణ్ కాంబోలో ఓ చిత్రం రూపొందుతోంది. ఈ సెంటిమెంట్ ని రామ్ చరణ్ బ్రేక్ చేస్తాడని అందరూ భావిస్తున్నారు. కాని శంక‌ర్ కి ఇటీవలి కాలంలో ఒక్కహిట్ లేదు. మ‌రి రామ్ చ‌ర‌ణ్‌తో హిట్ అనేది కొడ‌తాడా లేదా అనేది చ‌ర్చనీయాంశంగా మారింది.