Chammak Chandra : జబర్దస్త్ స్కిట్స్‌ ల్లో ఇప్పటికీ చమ్మక్ చంద్ర నంబర్ 1.. అతడి లోటు క్లియర్ గా తెలుస్తోంది

Chammak Chandra : ఈటీవీలో జబర్దస్త్ కార్యక్రమం ప్రారంభం అయ్యి పది సంవత్సరాలు కాబోతున్న విషయం తెలిసిందే. ఈ పది సంవత్సరాలకు చెందిన ఎపిసోడ్స్ అన్నీ కూడా యూట్యూబ్లో ఈటీవీ ఉంచింది. అన్ని జబర్దస్త్ స్కిట్స్ లో అత్యధిక వ్యూస్ సొంతం చేసుకున్న టీం లీడర్ స్కిట్ ఏదైనా ఉంది అంటే అది చమ్మక్ చంద్ర స్కిట్స్ మాత్రమే అంటూ ఈటీవీ వర్గాల వారు చెబుతున్నారు. మళ్లీ మళ్లీ రీ షేర్ చేసిన కూడా చమ్మక్ చంద్ర కామెడీ స్కిట్స్ మిలియన్స్ కొద్ది వ్యూస్ ని దక్కించుకుంటూనే ఉన్నాయి. హైపర్ ఆది ఆ తర్వాత స్థానంలో ఉన్నాడు. చమ్మక్ చంద్ర ఈటీవీ మల్లెమాల జబర్దస్త్ కార్యక్రమాన్ని వదిలేసి చాలా కాలమే అయింది, అయినప్పటికీ ఇంకా చమ్మక్ చంద్ర నే నెంబర్ వన్ గా ఉన్నాడు అంటే ప్రేక్షకులు అతడిని ఎంతగా కోరుకున్నారో అతడిని ఎంతగా అభిమానిస్తున్నారో అర్థం చేసుకోవచ్చు.

చమ్మక్ చంద్ర స్కిట్స్ ఒక టాబ్లెట్ మాదిరిగా బీపీ తగ్గిస్తుంది అంటూ చాలా మంది అప్పుడు ఇప్పుడు చెబుతూనే ఉంటారు. గతంలో చూసిన వాళ్లు మళ్లీ ఇప్పుడు యూట్యూబ్ ద్వారా చూసేందుకు.. ఈ టీవీలో అప్పుడప్పుడు రీ టెలికాస్ట్ అవుతుంటే చూసేందుకు రెడీ అవుతున్నారు అనడంలో ఎలాంటి సందేహం లేదు. జబర్దస్త్ ఈ స్థాయిలో ఉండడానికి కారణం చమ్మక్ చంద్ర అంటూ గతంలో పలువురు జబర్దస్త్ కమెడియన్స్ అభిప్రాయం వ్యక్తం చేశారు. కేవలం 10 నుండి 15 ఎపిసోడ్స్ మాత్రమే జబర్దస్త్ కార్యక్రమాన్ని నిర్వహించాలని మల్లెమాల వారు భావించారు, కానీ జబర్దస్త్ కార్యక్రమంలో చమ్మక్ చంద్ర లేడీ గెటప్ వేసి ఒక్క సారిగా అందరి దృష్టిని ఆకర్షించాడు.

Chammak Chandra is the number 1 star in jabardasth still now

రికార్డ్ స్థాయి రేటింగ్ దక్కడంతో ఈటీవీ వారు కానీ మల్లెమాల వారు కానీ జబర్దస్త్ ని ఆపేయాలని ఆలోచన చేయకుండా గత పది సంవత్సరాలుగా కంటిన్యూ చేస్తూనే ఉన్నారు. ఎంతో మంది కమెడియన్స్ జబర్దస్త్ లో వచ్చారు చేశారు, వెళ్లారు. చమ్మక్ చంద్ర కూడా సుదీర్ఘ కాలం పాటు జబర్దస్త్ లో కొనసాగి వెళ్లి పోయాడు. అయితే ఇప్పటికి కూడా ఆయనకు జబర్దస్త్ చమ్మక్ చంద్ర అన్నట్లుగానే పేరు ఉంది. ఆయన నటించిన కామెడీ స్కిట్స్ యూట్యూబ్లో విపరీతమైన ట్రెండ్ అవుతున్నాయి. ఒక్కొక్క కామెడీ స్కిట్ కి మిలియన్ల కొద్ది వ్యూస్ దక్కాయి. అందుకే చమ్మక్ చంద్ర వీడియోలు అత్యంత పాపులారిటీని సొంతం చేసుకున్న జబర్దస్త్ వీడియోలు గా పేరు దక్కించుకున్నాయి. ముందు ముందు హైపర్ ఆది వీడియోలు చమ్మక్ చంద్ర వీడియోలని బ్రేక్ చేస్తాయేమో చూడాలి.