pushpa : పుష్పను ముందు వద్దనుకున్నారు.. ఇప్పుడు బాధపడుతున్నారు!

Pushpa : దర్శకుడు సుకుమార్ తెరకెక్కించిన పాన్ ఇండియన్ మూవీ పుష్ప ది రైజ్ గురించి ప్రత్యేకంగా పరిచయం అక్కరలేదనుకుంట. పాన్ ఇండియన్ మూవీగా రిలీజైన పుష్ప ఏకంగా పాన్ వరల్డ్‌గా మారిపోయింది. ఈ సినిమాలో అల్లు అర్జున్ చెప్పిన డైలాగ్స్, మాస్ లుక్స్, స్టెప్పులకు అందరు ఫిదా అయ్యారు. ఏకంగా ఇంటర్నేషనల్ క్రికెటర్స్ సైతం పుష్పను ఫాలో అవుతున్నారు. ఆస్ట్రేలియా క్రికెటర్ డేవిడ్ వార్నర్, వెస్టిండీస్ ప్లేయర్ బ్రావో, రవింద్ర జడేజా, ఇషాన్ కిషన్ లాంటి వారు శ్రీవల్లి పాటలో బన్నీ స్టెప్పులను కాపీ కొట్టారు. ఇక తగ్గేదేలే డైలాగ్ ఎంత ఫేమస్ అయ్యిందో అందరికీ తెలుసు. మీమ్స్ కూడా అంతే రేంజ్‌లో వస్తున్నాయి. కలెక్షన్ల పరంగానూ ఈ సినిమా దుమ్ములేపింది. బాలీవుడ్‌లో పుష్పను చూసి అక్కడి దర్శకనిర్మాతలు షాక్ అవుతున్నారట. అయితే, పుష్ప సినిమా కథను ముందుగా విని ఎవరెవరు వదులుకున్నారో ఇప్పుడు తెలుసుకుందాం.

పుష్ప సినిమా కోసం సుకుమార్ చాలామందిని అనుకున్నారట. హీరో దగ్గర నుంచి విలన్ పాత్ర వరకు పలువురిని సంప్రదించారట. ఈ జాబితాలో సూపర్ స్టార్ మహేష్ బాబు కూడా ఉన్నారు. 1 నేనొక్కడినే సినిమా తర్వాత మహేష్ బాబుతో ఓ మాస్ సినిమా చేయాలని సుకుమార్ భావించారట.. అదే పుష్ప. అయితే, మహేశ్ బాబు ఇతర సినిమాలతో బిజీగా ఉండటం, పైగా లుక్స్ పరంగానూ భిన్న అభిప్రాయాలు రావడంతో మహేష్ ఈ సినిమాను వదులుకోవడంతో పుష్ప మూవీ అల్లు అర్జున్ దగ్గరకు చేరింది.అదేవిధంగా హీరోయిన్‌ కోసం సమంతను అనుకున్నాడట సుకుమార్. గతంలో సుకుమార్ తీసిన రంగస్థలం సినిమాలో రామలక్ష్మీగా నటించి ఆకట్టుకుంది సమంత. దాంతో ఈ సినిమాలో శ్రీవల్లిగా చూపించాలని అనుకున్నారట. పలు కారణాల వల్ల సమంత నో చెప్పడంతో ఈ ప్రాజెక్ట్ లోకి రష్మిక వచ్చి చేరింది. పుష్పలో స్పెషల్ సాంగ్ లో స్టెప్పులేసి అలరించింది సమంత.

Pushpa : టాలీవుడ్ తో పాటు బాలీవుడ్, బెంగాళీ యాక్టర్స్ కూడా..

ఊ అంటావా మామ.. ఊఊ అంటావా మామ పాటకు ఎంత క్రేజ్ వచ్చిందో ప్రత్యేకంగా చెప్పాల్సిన అవసరం లేదు. దీనికోసం ముందుగా బాలీవుడ్ హీరోయిన్స్ దిశా పాటని , నోరా ఫతేహిను సంప్రదించారట. వీరు నో అనడంతో సామ్ ఎంటరైంది. ఇక విలన్ పాత్రకోసం ముందుగా తమిళ్ హీరో విజయ్ సేతుపతిని ఎంపిక చేశారు. షికావత్ పాత్రకోసం ముందుగా సేతుపతిని అనుకుంటే డేట్స్ అడ్జస్ట్ కాకపోవడంతో ఆయన సినిమాను వదులుకున్నాడు. తర్వాత బెంగాలీ నటుడు జిష్ణు సేన్ గుప్తా, టాలీవుడ్ హీరో నారా రోహిత్‌లను కూడా సంప్రదించారట. వాళ్ళు కూడా నో చెప్పడంతో ఆ ఛాన్స్ మలయాళ నటుడు ఫహద్ ఫాజిల్‌కు దక్కింది. తీరా ఈ సినిమాకు వస్తున్న రెస్పాన్స్‌ను చూసి వారంతా ఇప్పుడు ఫీల్ అవుతున్నట్టు తెలుస్తోంది.