Harika : మూన్నాళ్ల ముచ్చటే అయింది.. హారికకు ఎదురుదెబ్బ!

Authored By Cinema Desk | The Telugu News | Updated on : 11 March 2021, 2:32 pm

Harika : బిగ్ బాస్ హారికకు బంపర్ ఆఫర్, అరుదైన గుర్తింపు అంటూ రకరకాల వార్తలు వైరల్ అయ్యాయి. తెలంగాణ టూరిజంకు బ్రాండ్ అంబాసిడర్‌గా హారికను నియమించారంటూ.. వార్తలు వచ్చాయి. మహిళా దినోత్సవం సందర్భంగా అపాయింట్మెంట్ కూడా ఇచ్చేశారు. అయితే ఆ వార్తలు నిజమే అయినా కూడా.. వివాదాలతో అనేక మలుపులు తిరిగింది. చివరకు వచ్చినట్టే వచ్చిన ఆ అవకాశం చేజారిపోయింది.

తెలంగాణ టూరిజం మినిస్టర్‌కు తెలియకుండానే ఈ నియామకం జరిగిందట. అసలు ఆ అమ్మాయి ఎవరో కూడా మంత్రికి తెలియదట. నియామకం జరిగినట్టే తనకు తెలియదని మంత్రి అనడం దుమారం రేగింది. అయితే ఈ విషయం చిలికి చిలికి గాలివానలా మారింది. వెంటనే అధికారిక వెబ్ సైట్‌లో హారిక నియామకానికి సంబంధించిన పత్రాలు మాయమయ్యాయి. అయితే ఈ విషయంపై హారిక స్పందిస్తూ.. అలాంటిదేమీ లేదని చెప్పుకొచ్చింది.

Harika about Termionatin As Ambassador

Harika : హారికకు ఎదురుదెబ్బ!

కానీ చివరగా అవే నిజమయ్యాయి. హారిక ఇదే విషయాన్ని చెబుతూ హర్ట్ అయింది. జరిగిందేదో జరిగింది.. ఏం జరిగినా ముందుకు వెళ్లాలి.. నా జీవితంలో ఎత్తు పల్లాల్లో తోడు ఉన్న అందరికీ థ్యాంక్స్ అంటూ ఓ ఎమోషనల్ పోస్ట్ చేసింది. తనను తీసేశారని నేరుగా చెప్పకుండా అసలు విషయాన్ని చెప్పేసింది. ఏం జరిగినా ముందుకు వెళ్లాల్సిందే అంటూ హారిక చెప్పిన మాటలు ఇప్పుడు వైరల్ అవుతున్నాయి.