BhanuPriya : ప్రభాస్ తల్లి గా అందరికీ గుర్తు ఉన్న భానుప్రియ కి దారుణమైన వ్యాధి .. !

BhanuPriya : అప్పటి స్టార్ హీరోయిన్లలో ఒకరు భానుప్రియ. తన నటనతో, అందంతో, డాన్స్ తో ప్రేక్షకులను తన వైపు తిప్పుకున్నారు. హీరోయిన్ గా స్టార్ హీరోలందరి సినిమాలలో నటించింది. కేవలం హీరోయిన్ గానే కాదు క్యారెక్టర్ ఆర్టిస్ట్ గా కూడా పలు సినిమాలలో నటించి మెప్పించింది. భానుప్రియ అంటే చాలు అందరికీ ఆమె అందమైన కళ్ళు గుర్తొస్తాయి. అంతలా ఆమె కళ్ళతో ఎట్రాక్ట్ చేసి నెమలిలా డాన్స్ వేస్తూ ఇండస్ట్రీలో గుర్తిండి పోయేలా చేసింది.

హీరోయిన్ గా చాలా సినిమాలు చేసిన భానుప్రియ రాజమౌళి దర్శకత్వంలో ఛత్రపతి సినిమాలో ప్రభాస్ కు తల్లిగా నటించింది. ఈ సినిమా ఎంత హిట్ అయిందో అందరికీ తెలిసిందే. ఇక ప్రభాస్ కు తల్లిగా భానుప్రియకు మంచి పేరు వచ్చింది. అయితే ప్రస్తుతం భానుప్రియ చికిత్స లేని వ్యాధితో బాధపడుతున్నారు. ఇటీవల ఒక ఇంటర్వ్యూలో పాల్గొన్న భానుప్రియ తన పర్సనల్ లైఫ్, సినీ లైఫ్ గురించి చెప్పుకొచ్చారు. ఈ క్రమంలోనే ఆమెకు మెమొరీ లాస్ వ్యాధి ఉన్నట్లు అధికారికంగా ప్రకటించింది.

భానుప్రియ మాట్లాడుతూ ఈ వ్యాధి నాకు ఎలా వచ్చిందో నాకే తెలియడం లేదు. మావారు చనిపోయినప్పటి నుంచి ఇలాంటి సమస్యలు వస్తున్నాయి. ముఖ్యంగా నా ఆరోగ్యం పూర్తిగా దెబ్బతిన్నది. నాకు అసలు ఏమి గుర్తు ఉండట్లేదు. ఒక ముద్ర చూసి అది దేనికి సంబంధించిందో చెప్పడం నాకు చాలా కష్టంగా ఉంది. అసలు డాన్స్ అయితే మర్చిపోయాను. దీంతో నా డ్రీం ప్రాజెక్ట్ అయిన డాన్స్ స్కూల్ ని కూడా ఆపేసుకున్నాను. నాకు తెలుసు ఈ వ్యాధికి చికిత్స లేదని, కాని కాలం తో పాటు ముందుకెళ్తున్నాను అని ఎమోషనల్ గా చెప్పుకొచ్చారు.