Hyper Aadi : హైపర్ ఆది పంచ్ లు వేయడమే కాదు షాక్ లు ఇస్తున్నాడు.. నిర్మాత ఏమన్నాడంటే!
Authored By Prahbas Gilakathula
| The Telugu News | Updated on :
14 April 2022,
8:00 pm 
Hyper Aadi : తెలుగు బుల్లి తెర ప్రేక్షకులకు హైపర్ ఆది గురించి ప్రత్యేకంగా పరిచయం అక్కర్లేదు. ఆయన చాలా స్పెషల్ కమెడియన్ అనడంలో ఎలాంటి సందేహం లేదు. జబర్దస్త్ కి కొత్త ఉత్సాహాన్ని తీసుకు వచ్చిన హైపర్ ఆది అద్భుతమైన కామెడీ చేస్తాడంటూ ఆయన అభిమానులు అభిప్రాయం వ్యక్తం చేస్తూ ఉంటారు. కేవలం జబర్దస్త్ లోనే కాకుండా సినిమాల్లో కూడా ఆయన కామెడీ చూసే వాళ్ళు చాలా మంది ఉంటారు. గత రెండు సంవత్సరాలుగా వరుసగా సినిమా ల్లో నటిస్తున్నాడు. హీరోగా కూడా ఆఫర్లు వస్తున్నా వాటిని కాదని కమెడియన్గా చేసేందుకు ఆసక్తి చూపిస్తున్నాడు. ఆది ప్రస్తుతం భారీ మొత్తం లో పారితోషికాన్ని డిమాండ్ చేస్తున్నాడని సమాచారం అందుతోంది.
ఇటీవల ఒక చిన్న నిర్మాత తన సినిమా కోసం హైపర్ ఆది డేట్లు అడిగేందుకు వెళ్లాడట. 8 నుండి 10 రోజుల డేట్లు అడిగిన నిర్మాతకు హైపర్ ఆది భారీ పారితోషికం డిమాండ్ చేసి షాక్ ఇచ్చాడని సమాచారం అందుతోంది. పది రోజుల రేట్ల కు ఏకంగా పాతిక లక్షల రూపాయల పారితోషకాన్ని హైపర్ ఆది అడిగాడని నిర్మాత అన్నాడు. రోజుకు రెండు లక్షల చొప్పున ఇస్తానన్న కూడా అందుకు నిరాకరించినట్లు గా చెప్పుకొచ్చాడు. తన సినిమాలో నటిస్తున్న హీరో కూడా అంత పారితోషికం లేదని దాంతో చేసేది ఏం లేక హైపర్ ఆది ని కాకుండా మరో కమెడియన్ తో వెళ్లాలని నిర్ణయించుకున్నట్లుగా సదరు నిర్మాత ఆఫ్ ది రికార్డ్ ఆవేదన వ్యక్తం చేశాడు.
hyper aadi New movie remuneration Adout Producer
ఇలా ఎంతో మంది నిర్మాతలకు తన పారితోషికంతో హైపర్ ఆది షాక్ ఇస్తున్నాడు అంటూ పుకార్లు షికార్లు చేస్తున్నాయి. నిజానికి హైపర్ ఆది ప్రస్తుతం స్టార్ గా కొనసాగుతున్నాడు. ఆయన పారితోషికం రోజు కు 5 లక్షల అయినా కూడా పర్వాలేదు అన్నట్లుగా ఉంటుంది. అలాంటిది రెండున్నర లక్షలకు కూడా ఒప్పుకుంటున్నాడు. నిర్మాత ఆ పారితోషికాన్ని కూడా ఎక్కువ అనడం అవివేకం అంటూ కొందరు హైపర్ ఆది అభిమానుల అభిప్రాయం వ్యక్తం చేస్తున్నారు. అయితే సినిమా ను బట్టి.. స్టార్ ని బట్టి… వచ్చే అవకాశాన్ని బట్టి… పారితోషికం తీసుకుంటే బాగుంటుందనే అభిప్రాయాన్ని మరి కొందరు వ్యక్తం చేస్తున్నారు. దీపం ఉండగానే ఇల్లు చక్కబెట్టుకోవాలనే చందంగా హైపర్ ఆది కూడా తనకు క్రేజ్ ఉన్నది కనుక అధిక పారితోషికాన్ని డిమాండ్ చేస్తున్నాడు. ఇందులో తప్పేం లేదు. ఆయన మాత్రమే ఇలా చేయడం లేదు.
Also read
