Kalyan Ram : గతేడాది ‘ బింబిసార ‘ సినిమాతో హిట్ ట్రాక్ లోకి వచ్చిన నందమూరి కళ్యాణ్ రామ్ వైవిధ్యమైన పాత్రలు చేస్తూ, హిట్లు ప్లాపులతో సంబంధం లేకుండా, కొత్త కొత్త దర్శకులకు అవకాశం ఇస్తూ, వాళ్లందరికీ తన ప్రొడక్షన్ హౌస్ ద్వారా అవకాశమిస్తూ ముందుకు దూసుకెళుతున్నారు. ‘ బింబిసార ‘ తర్వాత చేసిన ‘ అమిగోస్ ‘ సినిమా అంతగా హిట్ అవ్వలేదు. ఇప్పుడు ‘ డెవిల్ ‘ అనే సినిమాతో త్వరలోనే ప్రేక్షకుల ముందుకు రానున్నారు. ఈ సినిమా ఈనెల 29న విడుదల కాబోతుంది. సలార్ సినిమా విడుదలైన వారం తర్వాత డెవిల్ సినిమా విడుదల కాబోతుంది. ఈ సినిమాకి సంబంధించిన ట్రైలర్ను కూడా ఇటీవల విడుదల చేశారు. అభిషేక్ పిక్చర్స్ బ్యానర్ పైన ఈ సినిమాను నిర్మించారు.

ఈ సినిమా తర్వాత పవన్ సాథినేని అనే డైరెక్టర్ తో కళ్యాణ్ రామ్ ఓ సినిమా చేయబోతున్నారు. ఈ సినిమా చాలా స్పెషల్ అని తెలుస్తుంది. ఈ సినిమాకి సంబంధించిన కథను గురించి ట్రేడ్ వర్గాలు చెబుతున్నాయి. ఈ సినిమాలో ఒక లెజెండరీ పాత్ర కూడా ఉండబోతుందని తెలుస్తుంది. ఆ పాత్ర ఎవరో కాదు నందమూరి హరికృష్ణ. గతంలో పవన్ సాథినేని ‘ ప్రేమ ఇష్క్ కాదల్ ‘ సినిమాను దర్శకత్వ వహించారు. దేవ అనే వెబ్ సిరీస్ కూడా చేశారు. కళ్యాణ్ రామ్ తో గతంలోనే అతను సినిమా చేయాల్సి ఉందట. కొన్ని కారణాల వలన ఆలస్యం కావడంతో ఇప్పుడు ఈ సినిమా ను తెరకెక్కించే ఆలోచనలో ఉన్నారు. డెవిల్ తర్వాత ఈ సినిమా ఉంటుందని తెలుస్తుంది.

ఈ సినిమాలో లెజెండరీ పాత్ర అయినా హరికృష్ణతో ఈ సినిమా చేయాలని డైరెక్టర్ ఎప్పుడు అనుకున్నారట. కానీ ఆయన మరణించడంతో ఈ కథ అక్కడే ఆగిపోయిందట. అయితే ఇప్పుడు ఆ పాత్ర ఎవరు పోషిస్తారు అనేది చర్చనీయాంశంగా మారింది. అయితే ఈ సినిమా మల్టీ స్టారర్ గా తెరకెక్కబోతుంది. తమిళ స్టార్ నటుడు విజయ్ సేతుపతి ఈ సినిమాలో తీసుకోవాలని అనుకుంటున్నారట. కళ్యాణ్ రామ్, విజయ్ సేతుపతి మల్టీ స్టారర్ గా ఈ సినిమాను తెరకెక్కించనున్నారట. పాన్ ఇండియా రేంజ్ లో ఈ కంటెంట్ ఉండబోతుందని తెలుస్తుంది. అయితే హరికృష్ణ పాత్రలో విజయ్ సేతుపతిని తీసుకున్నారంట. దీంతో ఈ సినిమా ఎప్పుడెప్పుడు వస్తుందా అని అభిమానులు ఎదురుచూస్తున్నారు. హరికృష్ణ పాత్రలో విజయ్ సేతుపతి ఎలా నటిస్తారో అని అందరిలో ఆసక్తి నెలకొంది.