Karthika Deepam 13 Sep Monday Episode : కోర్టుకు దీప తీసుకొచ్చిన సాక్ష్యం ఎవరు? కార్తీక్ కు శిక్ష పడకుండా దీప ఎలా ఆపింది? మోనితను దీప ఏం చేసింది?

Karthika Deepam 13 Sep Monday Episode : కార్తీక దీపం సీరియల్ క్లయిమాక్స్ స్టేజ్ కు వచ్చేసినట్టు అనిపిస్తోంది. సోమవారం ఎపిసోడ్ తో సీరియల్ ను డైరెక్టర్ ముగించేస్తాడా? లేదా.. ఆ వారంలో ముగిస్తాడా? అనేది సస్పెన్స్ గా మారింది. ఎందుకంటే.. మోనిత చేతికి దీప దొరికితే.. తన రూమ్ కు తీసుకెళ్లి.. తను రహస్యంగా ఉండే ప్రదేశాన్ని దీపకు చూపించి మోనిత అడ్డంగా దొరికిపోయింది. అలాగే.. చంపేస్తా.. అంటూ దీపకు గురి పెట్టి.. అదీ ఇదీ మాట్లాడుతుండగా.. దీప తెలివితో మోనిత చేతుల్లో నుంచి గన్ లాక్కొని తనకు గురిపెట్టింది.

దీంతో.. ఏం చేయాలో తెలియక తన కాళ్లు పట్టుకుంటుంది మోనిత. నాకు నీ మొగుడు అంటే చాలా ఇష్టం.. నాకు నీ మొగుడు కావాలి.. అందరం హ్యాపీగా ఉందాం. నేను కూడా కార్తీక్ తో ఉంటా.. అంటూ తెగ బాధపడిపోయింది మోనిత. కానీ.. మోనిత ఎత్తులను దీప పట్టించుకోకుండా.. నా మొగుడిని నీకు ఇవ్వడం ఏంటి.. నీ కుట్రలకు ఇక అంతం పడింది.

ఇక నీ పని అయిపోయింది. ఇన్నేళ్లు.. నన్ను పట్టించుకున్నావు కాబట్టి.. నేను ఏమనలేదు కానీ.. నా భర్త జోలికి వస్తే నేను ఊరుకుంటానా? నా భర్తనే జైలుకు పంపించాలని చూస్తావా? అంటూ దీప మోనితపై సీరియస్ అవుతుంది.

Karthika Deepam 13 Sep Monday Episode :కార్తీక్ నేరం చేశాడంటూ కోర్టు రుజువు

మరోవైపు కోర్టులో కార్తీక్ విచారణ జరుగుతుంటుంది. ఇరు వర్గాల లాయర్ల వాదోపవాదాలు విన్న జడ్జి.. తీర్పు వెలువరించేందుకు సన్నద్ధం అవుతాడు. లాయర్ల వాదనతో పాటు.. కార్తీక్ వాదనను, కార్తీక్ తల్లి సౌందర్య వాదనను కూడా వింటాడు. దీంతో కార్తీకే ఈ నేరం చేసినట్టుగా రుజువు అయింది అని అంటాడు.

కార్తీక్ మీద మోపిన అభియోగం.. డాక్టర్ మోనితను చంపాడు.. అని చెప్పడం నిజమే అని నిరూపితమైంది.. అని అంటాడు. నేరం రుజువైనందున కార్తీక్ కు.. ఏ శిక్ష వేయాలో చెప్పబోతుండగానే.. కోర్టుకు దీప వస్తుంది.

ఆగండి.. యువర్ ఆనర్ అంటుంది.. నేను కార్తీక్ భార్యను. బోనులో నిలబడ్డ వ్యక్తి నా భర్త. ఈ కేసుకు సంబంధించి ముఖ్యమైన సాక్షిని ప్రవేశపెట్టడానికి అనుమతి ఇవ్వాల్సిందిగా కోర్టును కోరుతున్నట్టు చెబుతుంది. దీంతో.. కోర్టు పర్మిషన్ ఇస్తుంది. జడ్జి కూడా ఓకే ప్రవేశపెట్టండి.. అంటాడు.

Karthika Deepam 13 Sep Monday Episode : కోర్టుకు వచ్చిన దీప.. ముఖ్యసాక్షిని ప్రవేశపెట్టడానికి కోర్టు అనుమతి

దీంతో అందరూ ఎవరా సాక్షి అని అంతా ఆతృతగా ఎదురు చూస్తుంటారు. అసలు.. ఆ సాక్షి ఎవరు? కార్తీక్ నేరం చేయలేదు.. అని చెప్పే అతిముఖ్యమైన సాక్షి ఎవరు? అని అంతా చూస్తుంటారు. ఏసీపీ రోషిణి ఆ సాక్షిని చూసి షాక్ అవుతుంది. సౌందర్య, ఆనంద రావు, ఆదిత్య.. అయితే.. ఒక్కసారిగా ఆ సాక్షిని చూసి నిలబడతారు.

కార్తీక్ కూడా ఆ సాక్షిని చూసి షాక్ అవుతాడు. ఇంతకీ ఆ సాక్షి ఎవరు..? మోనితనే గన్ తో బెదిరించి దీప కోర్టుకు తీసుకొస్తుందా? లేక మోనితను చంపేసి.. తన శవాన్ని తీసుకొస్తుందా? లేక వారణాసి.. మోనితను చూశాడు కాబట్టి.. మోనిత గురించి చెప్పడానికి వారణాసిని తీసుకొస్తుందా? అనే విషయాలు తెలియాలంటే.. సోమవారం ఎపిసోడ్ కోసం వెయిట్ చేయాల్సిందే.

ఒకవేళ.. మోనితను బెదిరించి.. దీప కోర్టుకు తీసుకొస్తే మాత్రం ఇక సీరియల్ అయిపోయినట్టే. సీరియల్ క్లయిమాక్స్ కు చేరుకున్నట్టే. మోనిత జైలుకు వెళ్తుంది. కార్తీక్ రిలీజ్ అవుతాడు. దీప, పిల్లలతో సంతోషంగా ఉంటాడు. ఒకవేళ దీప దగ్గర్నుంచి మోనిత తప్పించుకున్నా.. మోనిత ఉండే ఇల్లు.. అవన్నీ తెలుసు కాబట్టి.. పోలీసులకు చెప్పి వారణాసితో సాక్ష్యం ఇప్పించి మరీ మోనితను పట్టుకునేలా దీప చేస్తుందా? అనే విషయం తెలియాలంటే సోమవారం ఎపిసోడ్ దాకా వెయిట్ చేయాలి.

Karthika Deepam 13 Sep Monday Episode : కార్తీక్ నిర్దోషిగా రిలీజ్ అవుతాడా?

అయితే.. శనివారం ఎపిసోడ్ లో కార్తీక్ తప్పు చేశాడని.. మోనితను చంపింది కార్తీక్ అని కోర్టులో రుజువు అవుతుంది. మోనితకు కడుపు చేసి.. కావాలని మోనిత పీడ విరగడ చేసేందుకే చంపాడని.. కార్తీక్ డాక్టర్ కాదు.. అనుమానిత మొగుడు అని.. అందుకే దీపను పదేళ్ల పాటు వదిలేశాడని.. పిల్లలు కూడా తన పిల్లలు కాదన్నాడని మోనిత తరుపు లాయర్ అంటాడు. మరోవైపు దీప తలకు గన్ గురిపెట్టి మోనిత.. తను ఉండే రహస్య ప్రదేశానికి తీసుకెళ్లి చంపేద్దామని భావిస్తుంది కానీ.. అది కుదరలేదు. తన గన్ ను లాక్కొని దీప.. మోనితకే గురి పెట్టడంతో కథ మొత్తం ఒక్కసారిగా మారిపోతుంది.