kubera Movie Review : ధ‌నుష్‌, నాగార్జున కుబేర మూవీ పబ్లిక్ టాక్.. సినిమా ఎలా ఉంది..?

kubera Movie Review : ఈరోజు భారీ అంచనాల నడుమ తెలుగు, తమిళ భాషల్లో ప్రపంచవ్యాప్తంగా విడుదలైన చిత్రం కుబేర. శేఖర్ కమ్ముల డైరెక్ట్ చేసిన ఈ మూవీలో ధనుష్‌, నాగార్జున ప్ర‌ధాన పాత్ర‌లు పోషించ‌గా, ర‌ష్మిక క‌థానాయిక‌గా క‌నిపించి అల‌రించ‌నుంది. ఈ సినిమా నేడు థియేట‌ర్స్‌లోకి రాగా, కొంద‌రు త‌మ అభిప్రాయాల‌ని సోష‌ల్ మీడియా వేదిక‌గా వ్య‌క్త‌ప‌రుస్తున్నారు. మెజారిటీ ఆడియెన్స్ నుంచి కుబేర‌కు పాజిటివ్ రెస్పాన్స్ వ‌స్తోంది. ధ‌నుష్ అవార్డ్ విన్నింగ్ పెర్ఫార్మెన్స్ ఇచ్చాడ‌ని, నాగార్జున అథెంటిక్ రోల్‌లో అద‌ర‌గొట్టార‌ని సినీ ప్రియులు అభిప్రాయ‌ప‌డుతున్నారు.

kubera Movie Review : ధ‌నుష్‌, నాగార్జున కుబేర మూవీ పబ్లిక్ టాక్.. సినిమా ఎలా ఉంది..?

kubera Movie Review : పాజిటివ్ టాక్..

శేఖర్ కమ్ముల రచన మ‌రియు దర్శకత్వం, డీఎస్పీ అందించిన నేపథ్య సంగీతం అద్భుతం అంటూ కామెంట్స్ చేస్తున్నారు. శేఖర్ కమ్ముల కథ చెప్పే విధానం ఆకర్షణీయంగా ఉందంటున్నారు.ర‌ష్మిక త‌న కెరీర్‌లోనే గుర్తుండిపోయే పాత్ర‌లో న‌టించింద‌ని కాంప్లిమెంట్స్ ఇస్తున్నారు. అదే విధంగా సెకండ్ హాఫ్ లో వ‌చ్చే భావోద్వేగ స‌న్నివేశాలు ప్రేక్ష‌కుడి హృద‌యాన్ని తాకుతాయ‌ని.. సినిమాను క‌చ్చితంగా చూడ‌మంటూ రిక‌మండ్ చేస్తున్నారు. అయితే ప్ర‌తి సినిమా మాదిరిగానే కుబేర కూడా కొన్ని ప్రతికూలతలు ఉన్నాయి.

ముఖ్యంగా కథనం వేగం కొంచెం సాగదీసినట్లు అనిపించిందని.. 2 గంటల్లో చెప్పగలిగే కథను 3 గంటలకు లాగారని మూవీ ల‌వ‌ర్స్ కొంద‌రు అభిప్రాయ‌ప‌డుతున్నారు. ఫస్ట్ హాఫ్ లో సాగ‌దీత స‌న్నివేశాలు ఎక్కువ‌గా క‌నిపిస్తాయ‌ని చెబుతున్నారు. మొత్తంగా ప‌బ్లిక్ టాక్ చూస్తుంటే కుబేర హిట్ అయ్యే ఛాన్సులే ఎక్కువ‌గా క‌నిపిస్తాయి. మొత్తంగా నాగార్జున, ధనుశ్ కాంబో వర్కౌట్ అయినట్టే చెబుతున్నారు. కొన్ని చోట్ల శేఖర్ కమ్ముల రొటిన్ సినిమా తీసాడనే కామెంట్స్ వినిపిస్తున్నాయి. మిక్స్ డ్ టాక్ తో ‘కుబేర’ ఏ మేరకు ప్రేక్షకులను ఆకట్టుకుంటుందనేది చూడాలి.