Mahanati Savitri : మహానటి సావిత్రి జీవితం లో క్లైమాక్స్ లో జరిగిన ఘోరం ఇది .. చదివితే ఏడుస్తారు గ్యారంటీ గా !
Authored By Prahbas Gilakathula
| The Telugu News |
Published on: March 13, 2023, 9:20 pm
Mahanati Savitri : మహానటి సావిత్రి గురించి ప్రత్యేక పరిచయాలు అవసరం లేదు. అప్పట్లో ఈమెకు ఉన్న క్రేజ్ అంత ఇంతా కాదు. టాలీవుడ్ దర్శక నిర్మాతలు తమ సినిమాలల్లో సావిత్రిని తీసుకోవాలని ఎంతో ఆసక్తి చూపించేవారు. కేవలం దర్శకనిర్మాతలు మాత్రమే కాదు అప్పటి స్టార్ హీరోలు సీనియర్ ఎన్టీఆర్, ఏఎన్నార్లు కూడా ఈమె డేట్స్ కోసం ఎదురు చూసేవారు. ఆమె తమ సినిమాలో నటిస్తే ఆ సినిమా పక్కా హిట్ అవుతుంది అని వారి నమ్మకం. ఇక సావిత్రి తన అందం, నటన, అభినయంతో తెలుగు ప్రేక్షకులను కట్టిపడేసింది. ఇక అప్పట్లో సావిత్రి సినిమా వస్తుందంటే చాలామంది ఆమెను చూడడానికి సినిమా చూసేవాళ్ళు. అంతలా ఆమె జనాలను ఆకర్షించుకునేలా నటించారు.
Mahanati Savitri climax life very bad
ఇక మనకు తెలిసిందే ఆమె తమిళ హీరో జెమిని గణేషన్ ప్రేమించి పెళ్లి చేసుకుంది. అయితే అతనికి అంతకుముందే పెళ్లయింది. ఆ విషయం తెలియని సావిత్రి పెళ్లి చేసుకున్నాక ఎంతో బాధపడింది. అంతేకాకుండా ఆర్థిక ఇబ్బందులతో ఆమె మద్యం తాగుడుకు బానిస అయిపోయారు. ఒకానొక సమయంలో ఆమె మద్యం తప్ప ఏమీ ముట్టుకొని పరిస్థితి కి చేరుకుంది. మందు ఉంటే చాలు అనే పరిస్థితికి దిగజారిపోయారు సీనియర్ నటిగా అనేకమందికి మార్గదర్శిగా ఉన్న సావిత్రి ఇలా అయిపోవడం అందరిని బాధ పెట్టింది. ఇదే అలవాటు చివరకు ఆమె అనారోగ్యానికి దారి తీసింది. ఊపిరితిత్తులు పూర్తిగా పాడయ్యాయి దీంతో వైద్యులు మద్యం ముట్టుకోవద్దని తేల్చి చెప్పారు.
అయినా ఆమె వినిపించుకోలేదు. దీంతో ఆమె బిడ్డలు బ్యాంకు పుస్తకాలు దాచిపెట్టి, డబ్బులు ఇవ్వకుండా చేశారు. దీంతో రాత్రివేళ ఇంటి నుంచి వెళ్ళిపోతాను అని సావిత్రి గొడవ చేయడంతో వాళ్లు పొమ్మని తెగేసి చెప్పారు. అయితే ఇటీవల సావిత్రి కుమార్తె విజయ చాముండేశ్వరి ఈ ఘటనపై స్పందించింది. ఆమె మాట్లాడుతూ మేము మా అమ్మ మంచి కోసమే అలా చేశామని, కానీ తప్పు చేశామని అప్పట్లో భావించలేదు అని అన్నారు. ఏదేమైనా మహానటి సావిత్రి చివరి రోజుల్లో దారుణమైన స్థితిలో మరణించడం అత్యంత బాధాకరం. సినిమాల పరంగా సావిత్రి సక్సెస్ అయిన వ్యక్తిగతంగా ఆమెసక్సెస్ కాలేకపోయారు. చివరికి మద్యానికి బానిసై అత్యంత దారుణ పరిస్థితిలో మరణించారు.
Also read
