Sreeja Kalyan Dev : శ్రీజ కల్యాణ్ దేవ్ విడాకులపై మెగా ఫ్యామిలీ మౌనముద్ర..!?

Sreeja Kalyan Dev : సినీ పరిశ్రమలో ఇటీవల కాలంలో సెలబ్రిటీల విడాకుల వార్తలు వస్తూనే ఉన్నాయి. సౌత్ ఇండస్ట్రీ నుంచి మొదలయ్యి నార్త్ వరకు అంతటా ఈ పరిణామాలు చోటు చేసుకుంటున్నాయి. బాలీవుడ్ మిస్టర్ ఫర్ఫెక్ట్ అమీర్ ఖాన్- కిరణ్ రావు, టాలీవుడ్ యంగ్ హీరో అక్కినేని నాగచైతన్య, – సమంతలు డైవోర్స్ అఫీషియల్ గా కన్ఫర్మ్ చేశారు. తాజాగా సూపర్ స్టార్ రజనీకాంత్ డాటర్ ఐశ్వర్య, ధనుష్ విడాకుల వార్త వచ్చింది. ఈ క్రమంలోనే టాలీవుడ్ మెగాస్టార్ చిరంజీవి చిన్న కూతురు శ్రీజ- కల్యాణ్ దేవ్ కూడా విడిపోతున్నారని రూమర్స్ వస్తున్నాయి.

శ్రీజ- కల్యాణ్ దేవ్ విడిపోయారని, ఇప్పుడిద్దరు వేర్వేరుగా ఉంటున్నారని వార్తలు వస్తున్నాయి. దీనికి తోడు ఇన్ స్టా గ్రామ్‌ అకౌంట్‌లో శ్రీ జ తన ఐడీనీ శ్రీజ కల్యాణ్ నుంచి శ్రీజ కొణిదెల మార్చేసింది. దాంతో అనుమానాలు ఇంకా ఎక్కువయ్యాయి. ఈ క్రమంలోనే కల్యాణ్ దేవ్ కూడా శ్రీజను అన్ ఫాలో చేశాడు. అది మరింత సంచలనమయింది. ఈ విషయమై సోషల్ మీడియాలో రోజుకో వార్త వస్తున్నది. అలా నెట్టింట రచ్చరచ్చ అవుతున్నది. ఇక శ్రీజ అకౌంట్ లో షేర్ అయిన ఫొటోల్లోనూ కల్యాణ్ దేవ్ ఫొటోలు కాకుండా మిగతా మెగా హీరోల ఫొటోలున్నాయి. దాంతో ఈ విషయమై విపరీతమైన డిస్కషన్ జరుగుతున్నది.

Mega family silent on Sreeja Kalyan Dev divorce

Sreeja Kalyan Dev: ఇంతకీ అది నిజమేనా..?

ఈ క్రమంలోనే కల్యాణ్ దేవ్ నటించిన ‘సూపర్ మచ్చి’ సినిమా విడుదలైంది. కానీ, ఈ చిత్ర ప్రమోషనల్ యాక్టివిటీస్ లో మెగా హీరోలు ఎవ్వరొక్కరు కనబడలేదు. కల్యాణ్ దేవ్ కూడా మెగా హీరోల ఫంక్షన్లలో ఎక్కడా కనబడుట లేదు. దాంతో నిజంగానే శ్రీజ-కల్యాణ్ దేవ్ విడిపోయారా? అనే ప్రశ్నలు తలెత్తుతున్నాయి. కల్యాణ్ దేవ్-శ్రీజల వివాహం 2016లో జరిగింది. వీరికి ఓ పాప సంతానం. పాప పేరు నవిష్క. అయితే, వీరిరువురి డైవోర్స్ గురించి వస్తున్న వార్తలపైన మెగా ఫ్యామిలీ నుంచి ఎవరూ స్పందించడం లేదు.