Kasthuri Shankar : వివాదాస్ప‌ద కామెంట్స్‌తో ఎప్పుడూ వార్త‌ల‌లో నిలిచే క‌స్తూరి తాజాగా మ‌రోసారి వివాదంలో చిక్కుకుంది.ఇటీవలే ఓ ప్రసంగంలో పాల్గొన్న ఆమె వేదిక మీద‌ మాట్లాడుతూ.. అంతఃపుర మహిళలకు సేవ చేసేందుకు తెలుగు వారు తమిళనాడుకు వచ్చారని.. అలా వచ్చిన వారు ఇప్పుడు తమిళులుగా చలామణి అవుతూ పెద్దపెద్ద మాటలు మాట్లాడుతున్నారు అంటూ కామెంట్‌ చేసింది. ఈ వ్యాఖ్యలను తమిళనాడులోని పలు తెలుగు సంఘాలు తీవ్రంగా ఖండిస్తున్నాయి. దీంతో అగ్గి రాజుకుంది. తమిళనాడులో పలు జిల్లాల్లో తెలుగు నేతలు ఇచ్చిన ఫిర్యాదుపై ఎగ్మూర్‌ పోలీసులు కేసు నమోదు చేశారు. చెన్నై ఎగ్మూరు పోలీస్‌స్టేషన్‌లో నాలుగు సెక్షన్లతో ఆమె పై కేసులు నమోదయ్యాయి. దీంతో కస్తూరి అరెస్టుకు రంగం సిద్దమైనట్లు తెలుస్తోంది.

Kasthuri Shankar అరెస్ట్ చేస్తారా..

ఏ సమయంలో నైన పోలీసులు ఆమెను అరెస్టు చేయనున్నట్లు వార్తలు వస్తున్నాయి.మరోవైపు ఈ అంశంపై నటి కస్తూరి క్షమాపణ కోరారు. తెలుగు భాషతో ప్రత్యేక బంధం ఉండటం అదృష్టమన్నారు. తెలుగు ప్రజలు తనకు పేరు, ప్రతిష్ట, కుటుంబాన్ని ఇచ్చారని తెలిపారు. తాను మాట్లాడింది ప్రత్యేకించి కొందరి గురించేనని, తెలుగు ప్రజలందరినీ కాదని మళ్లీ ఒకసారి చెబుతున్నానన్నారు. తెలుగు కుటుంబాలను గాయపరచటం తన ఉద్దేశం కాదని తెలిపారు. తాను చేసిన వ్యాఖ్యలకు చింతిస్తున్నానన్నారు.నేను కుల, ప్రాంతీయ భేదాలకు అతీతంగా జీవించాను. నేను నిజమైన జాతీయవాదిని. తెలుగు ప్రజలు నాకు పేరుతో పాటు ప్రేమ, కీర్తిని అందించారు. కొందరి వ్యక్తుల గురించి మాత్రమే నేను మాట్లాడానని గ్రహించగలరు. తెలుగు సమాజం మొత్తాన్ని ఉద్దేశిస్తూ నేను మాట్లాడలేదు. అనుకోని సంఘటనకు నన్ను క్షమించండి” అంటూ లేఖలో రాసింది.

Kasthuri Shankar : న‌టి క‌స్తూరి చుట్టూ బిగిస్తున్న ఉచ్చు.. అరెస్ట్‌కి రంగం సిద్ధం చేస్తున్న పోలీసులు

ఇటీవలే రాజీయాల్లో ఎంట్రీ ఇచ్చారు కస్తూరి. కమలం పార్టీ తరఫున వకాల్తా పుచ్చుకున్నారు. ట్విట్టర్‌ ఖాతా కోసమో.. ఇంగ్లీష్ పత్రికల కోసమో అప్పుడప్పుడూ సోషల్ ఇష్యూస్ మీద కాలమ్స్‌ రాస్తారు కూడా. తెలుగు టీవీ సీరియల్స్‌తో గ్లామర్ ఇండస్ట్రీలో లైమ్‌లైట్‌లోకొచ్చి.. రీల్సూ గట్రా చేస్తూ.. మళ్లీ ఫేమస్సయ్యారు. అలా వచ్చిన పాపులారిటీకి తనదైన నోటి దురుసు యాడైంది. ఇంకేముంది.. సీజనుకో స్టేట్‌మెంట్‌తో కాంట్రవర్సియల్ క్వీన్ అనే పేరు తెచ్చుకుంది కస్తూరి శంకర్.

Follow Us

ramu

Tandu Ramalingaiah ( Ramu ) is experienced in Media field. He worked in various Telugu media houses for about 15 years. Iam worked as a Prajasakti Daily Newspaper , Surya Daily Newspaper , Namasthe Telangana Daily Newspaper News Reporter, Chief Editor, Digital Media Expert , Social Media Expert, Technical Expert and Digital Marketing Expert. As a News reporter, he wrote various articles on Human angle, Local news live reporting, special stories. He is also expert in news analyzing, proof editing and best title editing. He is the present Chief Editor of thetelugunews.com website. Contact Details : thetelugunews1@gmail.com