Bangalore : కొత్త ప్రియుడుతో కలిసి పాత లవర్‌నే హత్య చేసిన ప్రముఖ టీవీ నటి.. 12 రోజులు ఇంట్లోనే డెడ్‌బాడీ..!
Authored By Suma
| The Telugu News |
Updated on: March 3, 2026, 4:12 pm
Bangalore : కొత్త ప్రియుడుతో కలిసి పాత లవర్‌నే హత్య చేసిన ప్రముఖ టీవీ నటి ..!
Bangalore : కర్ణాటక రాజధాని బెంగళూరులో సంచలనానికి దారి తీసిన హత్యా ఘటన ఆలస్యంగా వెలుగులోకి వచ్చింది. టెలివిజన్ రంగానికి చెందిన ఓ నటి తన లివింగ్‌ పార్ట్నర్‌ను కిరాతకంగా హత్య చేసిన ఘటన స్థానికంగా తీవ్ర కలకలం రేపింది. రెండు వారాల క్రితం జరిగిన ఈ దారుణం తాజాగా బయటపడడంతో పోలీసులు కేసు నమోదు చేసి దర్యాప్తు ప్రారంభించారు.
Bangalore : కొత్త ప్రియుడుతో కలిసి పాత లవర్‌నే హత్య చేసిన ప్రముఖ టీవీ నటి.. 12 రోజులు ఇంట్లోనే డెడ్‌బాడీ..!
Bangalore : ప్రేమ, వివాహం … విభేదాలకు కారణం
పోలీసుల ప్రాథమిక సమాచారం ప్రకారం ఊర్మిలా అలియాస్ బిందు అనే టీవీ నటి కొంతకాలంగా మోహన్ కృష్ణ అనే వ్యక్తితో లివ్‌-ఇన్‌ రిలేషన్‌లో ఉన్నట్లు తెలుస్తోంది. ఇద్దరూ కలిసి నివాసం ఉంటుండగా ఇటీవల బిందుకు లారీ డ్రైవర్ వినయ్‌తో పరిచయం ఏర్పడింది. ఈ పరిచయం క్రమంగా సన్నిహిత సంబంధంగా మారడంతో వినయ్‌ను వివాహం చేసుకోవాలని బిందు నిర్ణయించుకున్నట్లు సమాచారం. ఈ విషయం మోహన్‌కు తెలిసిన తర్వాత ఇద్దరి మధ్య విభేదాలు మొదలయ్యాయి. బిందు నిర్ణయాన్ని మోహన్ ప్రశ్నించడంతో ఉద్రిక్తతలు పెరిగాయి. తన భవిష్యత్తుకు మోహన్ అడ్డుగా ఉన్నాడని భావించిన బిందు, అతన్ని తొలగించుకోవాలనే దురాలోచనకు లోనైనట్లు పోలీసులు చెబుతున్నారు.
Bangalore : పథకం ప్రకారం పార్టీ, అనంతరం దాడి
మోహన్‌ను హత్య చేయాలని బిందు ముందుగానే పథకం రచించినట్లు అనుమానాలు వ్యక్తమవుతున్నాయి. వినయ్‌తో పాటు అతని స్నేహితుడు దనుష్ సహాయంతో కుట్ర పన్నినట్లు తెలుస్తోంది. ప్లాన్ ప్రకారం మోహన్‌తో కలిసి తాను నివసిస్తున్న ఇంట్లోనే పార్టీ ఏర్పాటు చేసింది. మద్యం సేవించిన మోహన్ మత్తులో ఉండగానే ముగ్గురు కలిసి అతనిపై దాడికి పాల్పడ్డారు. కత్తులతో తీవ్రంగా దాడి చేసి మోహన్‌ను హత్య చేసిన తర్వాత నిందితులు అక్కడి నుంచి పరారైనట్లు పోలీసులు తెలిపారు. ఘటన జరిగిన వెంటనే ఇంటిని మూసివేసి వెళ్లిపోవడంతో ఈ దారుణం బయటపడేందుకు సమయం పట్టింది.
Bangalore : రెండు వారాల తర్వాత వెలుగులోకి
హత్య జరిగిన రెండు వారాల తర్వాత ఇంటి నుంచి దుర్వాసన రావడంతో స్థానికులు అనుమానం వ్యక్తం చేశారు. వెంటనే పోలీసులకు సమాచారం అందించడంతో అధికారులు ఘటనా స్థలానికి చేరుకున్నారు. ఇంటి తలుపులు బద్దలు కొట్టి లోపలికి వెళ్లిన పోలీసులు, కుళ్లిపోయిన స్థితిలో ఉన్న మోహన్ మృతదేహాన్ని గుర్తించారు. మృతదేహాన్ని స్వాధీనం చేసుకుని పోస్టుమార్టం నిమిత్తం ఆసుపత్రికి తరలించారు. కేసు నమోదు చేసి దర్యాప్తు ప్రారంభించిన పోలీసులు బిందు, వినయ్, దనుష్‌లను అదుపులోకి తీసుకుని విచారణ జరుపుతున్నారు. ఈ ఘటనతో స్థానికంగా భయాందోళనలు నెలకొన్నాయి. ప్రేమ, వివాహం, అనుమానాలు కలిసొచ్చి ఒక ప్రాణం బలైన ఈ ఘటన నగరాన్ని షాక్‌కు గురి చేసింది.
Also read
