Sudigali Sudheer : సుడిగాలి సుధీర్‌ను బుల్లితెరపై అందరూ ఓ రేంజ్‌లో ఆడుకుంటారు. ప్రతీ ఒక్కరూ సెటైర్లు వేస్తుంటారు. జూనియర్లు, సీనియర్లు అని తేడా లేకుండా ప్రతీ ఒక్కరూ సుధీర్‌ను కించపరుస్తూ కామెంట్లు చేస్తుంటారు. అవి స్కిట్లో భాగంగానే అయినా కూడా సుధీర్‌ను మాత్రం అందరూ కలిసి ఆడేసుకుంటారు. ఒకప్పుడు జనాలు కూడా వాటిని బాగానే ఎంజాయ్ చేశారు.

కానీ క్రమక్రమంగా సుధీర్ క్రేజ్ పెరుగుతూ వచ్చింది. బుల్లితెరపై స్టార్‌గా సుధీర్ మారిపోయాడు. ఇక అప్పటి నుంచి సుధీర్ మీద వేసే వెకిలి జోకులను అభిమానులు సీరియస్‌గా తీసుకోవడం మొదలుపెట్టారు. అవి కామెడీ స్కిట్లే అయినా కూడా మరీ అంతగా కించపరచాలా? అని ఫైర్ అవుతుంటారు. తాజాగా రష్మీ, రోజా, గలటా గీతు వంటి వారు రెచ్చిపోయారు.

Sudigali Sudheer : రెచ్చిపోయిన రష్మీ, రోజా

సుధీర్ పుష్ప రాజ్‌లా గెటప్ వేశాడు. సుధీర్ మొహం చూడాలంటే లక్ష కావాలి.. లేకపోతే వాడి మొహం ఎవడు చూస్తాడు అంటూ గలాట గీతు కామెంట్ చేస్తుంది. అంటే నేనే ఇన్నాళ్లూ ఫ్రీగా చూస్తున్నానా? అని రష్మీ గౌత‌మ్‌ మరో పంచ్ వేస్తుంది. ఇక వీడ్నీ చూస్తే బేవార్స్ అనిపించలేదా? అని రోజా కౌంటర్ వేస్తుంది. అట్నే ఉన్నాడంటూ గీతూ కూడా రెచ్చిపోతుంది.