Rashmika Mandanna : రష్మికకు కూడా ఇలియానా పరిస్థితే వస్తుందా? ఎవరూ పట్టించుకోరా?
Authored By mallesh
| The Telugu News |
Published on: January 5, 2022, 4:00 pm
Rashmika Mandanna : రష్మిక మందన.. ఈ పేరు ప్రస్తుతం టాలీవుడ్లో మారిమోగిపోతోంది. ఛలో మూవీతో తెలుగు ఇండస్ట్రీలోకి ఎంట్రీ ఇచ్చిన ఈ కన్నడ భామ.. మొదటి మూవీతోనే హిట్ అందుకుంది. తర్వాత విజయ్ దేవరకొండతో కలిసి గీతగోవిందం మూవీలో యాక్ట్ చేసి మరో హిట్ను తన ఖాతాలో వేసుకుంది అప్పటికే కాస్త స్టార్ డమ్ దక్కడంతో ఏకంగా ప్రిన్స్ మహేశ్ బాబుతో సరిలేరు నీకెవ్వరూ మూవీలో యాక్ట్ చేసే చాన్స్ కొట్టేసింది. ఈ మూవీ సైతం బ్లాక్ బస్టర్ హిట్ కావడంతో టాప్ హీరోయిన్స్ సరసన చేరిపోయింది రష్మిక.. ఇదిలా ఉండగా..
తాజాగా స్టైలిష్ స్టార్ అల్లు అర్జున్ హీరోగా వచ్చిన పుష్ప మూవీలో శ్రీవల్లి క్యారెక్టర్ లో యాక్ట్ చేసింది ఈ ముద్దుగుమ్మ. ఆ మూవీ సైతం ప్రస్తుతం సూపర్ హిట్ కావడంతో.. రష్మిక పేరు టాలీవుడ్ తో పాటు బాలీవుడ్ లోనూ మార్మోగుతోంది. ఇప్పటికే టాలీవుడ్ హీరోలు, డైరెక్టర్లు ఆమె డేట్స్ కోసం క్యూ కడుతున్నారు. ఇటీవలే టాలీవుడ్లో ఓ స్టార్ హీరో సరసన నటించే చాన్స్ వచ్చినా దానిని రిజక్ట్ చేసిందంట ఈ భామ.. టాలీవుడ్ లో వస్తున్న ఆఫర్లను వదులకుని కేవలం బాలీవుడ్ పైనే ఫోకస్ చేయాలని భావిస్తోందట ఈ అమ్మడు.
Rashmika Mandanna focus on bollywood
Rashmika Mandanna : బాలీవుడ్ పైనే కన్ను
కానీ తెలుగులో చాలా మంది స్టార్ హీరోల సరసన ఇంకా ఈ అమ్మడు నటించనే లేదు. ఈ టైంలో ఫోకస్ మొత్తం బాలీవుడ్ పై పెట్టి టాలీవుడ్ ను చిన్నచూపు చూస్తున్నదని అంటున్నారు టాలీవుడ్ ఫ్యాన్స్. గతంలో ఇలియానా సైతం టాలీవుడ్ లో కొంచెం క్రేజ్ రాగానే బాలీవుడ్ వైపు వెళ్లిపోయింది. తర్వాత టాలీవుడ్ ను పట్టించుకోలేదు. బాలీవుడ్లో కొన్ని రోజుల తర్వాత ఎవరూ పట్టించుకోకపోవడంతో తిరిగి టాలీవుడ్ కు వచ్చింది. కానీ అప్పటికే ఆమెకు క్రేజ్ లేకపోవడంతో ఆమెకు ఆఫర్స్ రాలేదు. ఇలియానా మాదిరిగానే రష్మికకు అలా కాకూడదని ఆమె ఫ్యాన్స్ కోరుకుంటున్నారు.
Also read
