Shruti Haasan : క‌మ‌ల్ గారాల ప‌ట్టి శృతి హాస‌న్ గురించి ప్ర‌త్యేక ప‌రిచ‌యాలు అక్క‌ర్లేదు. ఈ అమ్మ‌డు సినిమాల క‌న్నా త‌న ఎఫైర్స్‌తో ఎక్కువ‌గా వార్త‌ల‌లో నిలుస్తూ ఉంటుంది. శాంతనుతో ప్రేమలో పడటానికి ముందు ఇటాలియన్ యాక్టర్ మైఖేల్ కోర్స్ లేని శృతి హాసన్ కొన్నాళ్లు డేటింగ్ చేసింది. అత‌నితో బ్రేక‌ప్ చెప్పి శాంత‌నుతో కొన్నాళ్లు ర‌చ్చ చేసింది. తన లవ్, రిలేషన్షిప్‌ గురించి ఎప్పుడూ రహస్యంగా ఉండాలని ఆవిడ అనుకోలేదు. శాంతనుతో దిగిన ఫోటోలు, వీడియోలను తరచూ సోషల్ మీడియాలో పోస్ట్ చేస్తూ హాట్ టాపిక్‌గా మారింది. కొన్నాళ్లుగా శృతి హాసన్ సైలెంట్ అవ్వడంతో జనాలకు డౌట్ వచ్చింది. ఆరా తీయగా… శాంతనుతో ఆవిడ బ్రేకప్ న్యూస్ నెల క్రితం బయటకు వచ్చింది. ఇప్పుడు అది నిజమని ఆవిడ చెప్పింది.

Shruti Haasan పాపం.. ఎన్ని క‌ష్టాలు

రెండేళ్లుగా పైగా డూడుల్ ఆర్టిస్ట్ శాంతను తో శృతి హాసన్ సహజీవనం చేసింది. అత‌నితో విడిపోయాక సింగిల్ అయింది. ఇకపై ప్రేమ జోలికి పోకూడదని ఆమె డిసైడ్ అయినట్లు సమాచారం. అయితే ఇప్పుడు శృతి హాసన్ కి నిద్ర పట్టడం లేదట. లోకం అంతా నిద్ర పోతున్న వేళ ఆమె మాత్రం ఫోన్ లో ఫ్రెండ్స్ కి మీమ్స్ పంపిస్తుందట. ఈ విషయాన్ని ఆమె స్వయంగా తెలియజేసింది. ఇంస్టాగ్రామ్ లో స్టేటస్ పెట్టింది. ఫోన్ లో మీమ్స్ చూడటానికి శృతి హాసన్ అడిక్ట్ అయ్యిందని కొందరు కామెంట్స్ చేస్తున్నారు.బహుశా ఒంటరి తనం వలన శృతి హాసన్ కి నిద్రపట్టడం లేదేమో అని నెటిజెన్స్ కామెంట్స్ చేస్తున్నారు. శృతి హాసన్ చేతిలో చెప్పుకోదగ్గ ప్రాజెక్ట్స్ కూడా లేవు. అడివి శేష్ కి జంటగా డెకాయిట్ అనే ఓ మూవీ చేస్తుంది. సలార్ 2 పట్టాలెక్కితే మరో ప్రాజెక్ట్ ఖాతాలో చేరుతుంది.

సూపర్ స్టార్ రజనీకాంత్ హీరోగా లోకేష్ కనగరాజ్ దర్శకత్వం వహిస్తున్న ‘కూలి’తో పాటు ఓ హిందీ సినిమా కూడా ఉంది. ఇప్పుడు ఆవిడ కాన్సంట్రేషన్ అంతా సినిమాలపై ఉందని సన్నిహితులు చెబుతున్నారు. మళ్లీ తెలుగు, తమిళ భాషల్లో బిజీ కావాలని చూస్తోందట. మ‌రి ఇప్ప‌టికైన శృతి బుద్ది తెచ్చుకొని సినిమాలే చేస్తుందా, లేదంటే మ‌ళ్లీ ఎవ‌రైన ప్రేమ‌లో ప‌డుతుందా అనేది చూడాలి.