Shruti Haasan : నిన్న #CSKvsSRH మ్యాచ్ లో చెన్నై ఓడిపోవడంతో కంటతడి పెట్టుకున్న శృతి హాసన్
Shruti Haasan : ఐపీఎల్ 2025 సీజన్లో (IPL 2025) భాగంగా నిన్న జరిగిన చెన్నై సూపర్ కింగ్స్ (CSK) వర్సెస్ సన్రైజర్స్ హైదరాబాద్ (SRH) మ్యాచ్ ఉత్కంఠభరితంగా సాగింది. అయితే చెన్నై అభిమానులను తీవ్రంగా నిరాశపరిచేలా ఈ మ్యాచ్ ముగిసింది. సొంత గడ్డ అయిన చెపాక్ స్టేడియంలో, చెన్నై జట్టు హైదరాబాద్ చేతిలో ఐదు వికెట్ల తేడాతో ఓడిపోయింది. ఇది హైదరాబాద్ జట్టు చెపాక్ లో సాధించిన తొలి విజయమై క్రికెట్ చరిత్రలో నిలిచింది. చెన్నై జట్టు ఓటమిని ఫ్యాన్స్ జీర్ణించుకోలేకపోయారు.
ఈ మ్యాచ్ను ప్రత్యక్షంగా వీక్షించేందుకు వచ్చిన హీరోయిన్ శృతి హాసన్ కూడా చెన్నై ఓటమిని తట్టుకోలేక కన్నీళ్లు పెట్టుకుంది. ఆమె కన్నీళ్లు తుడుచుకుంటూ, చెన్నై ఆటగాళ్ల పోరాటాన్ని అభినందించడం చాలా మంది గుండెలను తాకింది. శృతి హాసన్ కన్నీళ్లు పెట్టుకున్న వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. ఈ సంఘటనతో అభిమానులు తమ జట్లపై ఎంత బలమైన ప్రేమను చూపిస్తారో మరోసారి స్పష్టమైంది.
Shruti Haasan : నిన్న #CSKvsSRH మ్యాచ్ లో చెన్నై ఓడిపోవడంతో కంటతడి పెట్టుకున్న శృతి హాసన్
మ్యాచ్ సందర్భంగా తమిళ సినీ పరిశ్రమకు చెందిన ప్రముఖులు కూడా స్టేడియానికి హాజరయ్యారు. శృతి హాసన్తో పాటు, స్టార్ హీరో అజిత్ కుటుంబం, నటుడు శివ కార్తికేయన్ వంటి వారు కూడా మ్యాచ్ వీక్షించారు. వీరి ఫోటోలు, వీడియోలు సోషల్ మీడియాలో చక్కర్లు కొడుతున్నా, శృతి హాసన్ భావోద్వేగానికి గురైన వీడియో మాత్రం ప్రత్యేకమైన దృష్టిని ఆకర్షించింది.
Also read
