Sitara : సూపర్ స్టార్ మ‌హేష్ బాబు ముద్దులు కూతురు సితార గురించి ప్ర‌త్యేక ప‌రిచ‌యం అక్క‌ర్లేదు. సినిమాల‌లోకి రాకుండానే విప‌రీత‌మైన ఫ్యాన్ ఫాలొయింగ్ సంపాదించింది సితార‌. ఈ చిన్నారి సోష‌ల్ మీడియాలో చాలా యాక్టివ్‌గా ఉంటూ తెగ సంద‌డి చేస్తుంటుంది. ముఖ్యంగా త‌న తండ్రితో చేసే హంగామా మాములుగా ఉండ‌దు. ఇటీవలే త‌న‌ స్వీట్ డాడ్ మ‌హేష్‌తో క‌లిసి డాన్స్ ఇండియా డాన్స్ ప్రోగ్రామ్ కి సితార హాజరైన సంగతి తెలిసిందే. దీనికి సంబంధించిన ప్రోమోల‌, ఫోటోలు సోష‌ల్ మీడియాలో తెగ సంద‌డి చేశాయి. ఇది చూసి అభిమానులు కూడా తెగ మురిసిపోయారు.

ఇక ఆ షోని తండ్రి-కుమార్తెలిద్దరు తెగ ఎంజాయ్ చేసారు. షోలో పిల్లి గిన్నిలో వేడి వేడి పాలు తాగితే ఏమవుతుందని ఓ ప్రశ్న వేస్తుంది సీతాపాప. దానికి మహేష్ గెడ్డం పట్టుకుని సీరియస్ గా ఆలోచిస్తాడు. చివరిగా చించి చించి మూతి కాలిపోద్దమ్మా అంటాడు. దానికి సితార క్యూట్ గా కాదు అంటుంది. సరే మరేం? అవుద్ది అంటే? బౌల్ ఖాళీ అయిపోతుందని పంచ్ వేస్తుంది. బ్యాక్ గ్రౌండ్ లో శెభాష్ శెభాష్ అంటూ వాయిస్ ఓవర్ వస్తుంది. జబర్దస్త్ తరహాలో జోక్ భలే పేలిందని ఆడియన్స్ అంతా పగలబడి నవ్వుతారు. కుమార్తె చేతిలో మ‌హేష్ ఇలా బోల్తా ప‌డ‌డంతో ఆ సరదా మూవ్ మెంట్ని తాను ఎంతో ఎంజాయ్ చేసాడు. తండ్రికి తగ్గ తనయ అని మురిసిపోయాడు.

Sitara : పంచ్ అదిరింది..!

మొత్తానికి సెటైర్లు..పంచ్ లు వేయడంలో! సితార తండ్రి నోటి నుంచి ఊడిపడినట్లే కనిపిస్తుంది. అంతేనా? సితార మంచి డాన్సర్ కూడా. సోషల్ మీడియా వేదికగా తన ప్రతిభను చాటుతూనే ఉంటుంది. సర్కారు వారి పాటలో పెన్ని సాంగ్ కి సితార డాన్స్ చేసిన సంగతి తెలిసిందే. కానీ ఆ పాట వీడియోని సోషల్ మీడియా వరకే పరిమితం చేసారు. సినిమా లెంగ్త్ పెరిగిపోవడంతో సితార డాన్స్ ని ఎడిట్ చేసి సినిమా రిలీజ్ చేసారు. ఆరకంగా సితార డెబ్యూ మిస్ అయింది. రానున్న రోజుల‌లో మ‌హేష్ త‌న కూతురిని త‌ప్ప‌క హీరోయిన్‌ని చేయ‌డంలో ఆశ్చ‌ర్యం లేద‌నే టాక్ కూడా వినిపిస్తుంది.