Kavitha : సోషల్‌ మీడియా హవా పెరిగిన తర్వాత సెలబ్రిటీలపై ఎలాంటి త‌ప్పుడు ప్ర‌చారాలు జ‌రుగుతున్నాయో మ‌నం చూస్తూనే ఉన్నాం. బ్ర‌తికున్న వాళ్ల‌ని చాలా మందే చంపేశారు. వారు తిరిగి మీడియా ముందుకి వ‌చ్చి అస‌లు విష‌యం చెబితే గాని పుకార్ల‌కి బ్రేక్ ప‌డేది కాదు. తాజాగా టాలీవుడ్‌ సీనియర్‌ నటి కవితపై కూడా ఇలాంటి పుకార్లు సోషల్‌ మీడియాలో చక్కర్లు కొడుతున్నాయి. గత రెండు, మూడు రోజులుగా నటి కవిత చనిపోయారంటూ నెట్టింట ఫేక్‌ న్యూస్‌లు సర్క్యులేట్‌ అవుతున్న సంగతి తెలిసిందే.

దీంతో కవిత ఈ వార్త‌ల‌పై స్పందిస్తూ యూట్యూబ్ చానెళ్ల‌కు వార్నింగ్ ఇచ్చారు. సైబ‌ర్ క్రైమ్ పోలీసుల‌కు ఫిర్యాదు చేస్తాన‌ని, చ‌ట్ట‌రీత్యా చ‌ర్య‌లు తీసుకునేలా చేస్తాన‌ని చెప్పారు.తాను ఆరోగ్యంగానే ఉన్నానని, ప్ర‌స్తుతం చెన్నైలో జీ టీవీ సీరియ‌ల్ షూటింగులో పాల్గొంటున్నాన‌ని తెలిపారు. సామాజిక మాధ్య‌మాల్లో వ‌చ్చే ఫేక్‌ న్యూస్‌లు నమ్మకూడ‌ద‌ని ఆమె చెప్పారు. తాను చనిపోయానంటూ యూట్యూబ్ లో కొందరు వీడియోలు పెడుతున్నారని, అవి చూసి త‌న‌ స్నేహితులు, బంధువులు భయభ్రాంతులకు గురవుతున్నారని ఆమె అన్నారు. వెంటనే ఆ వీడియోలు డిలీట్‌ చేయకపోతే సీరియస్‌ యాక్షన్‌ ఉంటుందని హెచ్చ‌రించారు.

Social media killed senior Actress fire on Kavitha

Kavitha : త‌ప్పుడు ప్ర‌చారాలు..

ఎన్నో సినిమాల్లో నటించి దక్షిణాది సినిమా ప్రేక్షకులకు సుపరిచితురాలైన నటి కవిత కుటుంబాన్ని క‌రోనా వ‌ణికించిన విష‌యం తెలిసిందే. క‌రోనాకి ఆమె కుమారుడు సంజయ్‌ రూప్ , భర్త దశరథ క‌న్నుమూసిన విష‌యం తెలిసిందే.తెలుగుతో పాటు తమిళ, కన్నడ, మలయాళ భాషల్లో సినిమాలు చేసి తనకంటూ ప్రత్యేక గురింపు తెచ్చుకుంది కవిత. 11 ఏళ్ల వయసులో వెండితెరపై అడుగుపెట్టిన ఆమె.. కె. విశ్వనాధ్ దర్శకత్వంలో తెరకెక్కిన సిరి సిరి సినిమా ద్వారా ప్రేక్షకులకు పరిచయమైంది. ఆ తర్వాత క్యారెక్టర్ ఆర్టిస్టుగా స్థిరపడి కొన్ని వందల సినిమాల్లో నటించింది.బాలనటిగా వెండితెరకు పరిచయమైన కవిత 350కి పైగా సినిమాల్లో నటించారు.

Follow Us

sandeep

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది