Karthika Deepam : ఇంట్లో నుంచి పారిపోయి ఆటో డ్రైవర్ గా మారిన శౌర్యను హిమ చూస్తుందా? సౌందర్య ఏం చేస్తుంది?

Karthika Deepam : కార్తీక దీపం సీరియల్ లేటెస్ట్ ఎపిసోడ్ ఈరోజు ప్రసారం కాదు. తిరిగి సోమవారం ప్రసారం అవుతుంది. సోమవారం ఎపిసోడ్ 21 మార్చి 2022, ఎపిసోడ్ 1305 హైలైట్స్ ఏంటో ఇప్పుడు చూద్దాం. శౌర్య ఇంకా తన తల్లిదండ్రుల గురించే ఆలోచిస్తూ ఉంటుంది. అన్నం కూడా తినదు. నా కళ్ల ముందే కారు లోయలో పడిపోయిందని చెప్పి బాధపడుతుంది శౌర్య. ఇంతలో ఇంటికి హిమను తీసుకొని వస్తుంది సౌందర్య. తన బిడ్డ పిల్లలు కూడా వస్తారు. ఇంతలో స్వప్న కొడుకులు ఇంట్లోకి వస్తారు. వాళ్లను చూసి ఆనంద రావు షాక్ అవుతాడు. ఆ తర్వాత సౌందర్య లోపలికి వస్తుంది. తన వెనుకే హిమ కూడా వస్తుంది.

హిమను చూసి అందరూ షాక్ అవుతారు. హిమ బతికే ఉందా అని ఆశ్చర్యపోతారు. ఏంటిది సౌందర్య.. హిమ బతికే ఉందా అని అంటారు. శౌర్యకు మాత్రం హిమను చూసి ఎనలేని కోపం వస్తుంది. హిమ.. రా అని ఇంట్లోకి తీసుకెళ్లబోతుంది సౌందర్య. తనను చూసి ఆగు.. అసలు ఎందుకు వచ్చావు అని నిలదీస్తుంది శౌర్య. అమ్మానాన్నలను చంపేశావు కదా. మళ్లీ ఎందుకు వచ్చావు అని అడుగుతుంది శౌర్య. ఇంకేం చేద్దామని వచ్చావు అని అడుగుతుంది. శౌర్య.. ఏమైందమ్మా నీకు అంటుంది. నానమ్మ తనను లోపలికి తీసుకురావద్దు అంటుంది శౌర్య.

అమ్మానాన్నల చావుకు అదే కారణం అంటుంది శౌర్య. అలా మాట్లాడొద్దు అని చెప్పినా శౌర్య వినదు. కానీ.. శౌర్య మీద సీరియస్ అయి.. హిమను లోపలికి తీసుకెళ్తుంది సౌందర్య. ఇంట్లోకి వెళ్లాక నా రూమ్ లోకి రావద్దు అని అంటుంది శౌర్య. తన చేతి మీద ఉన్న హెచ్ అనే పచ్చబొట్టును చెడిపేసుకునేందుకు ప్రయత్నిస్తుంది.

కానీ.. ఆ పచ్చబొట్టు అస్సలు పోదు. నానమ్మ పచ్చబొట్టు అర్జెంట్ గా తీసేయాలంటే ఏం చేయాలి అని అడుగుతుంది. దీంతో ఈ పచ్చబొట్టు చెరిగిపోదు.. మీ బంధం ఎటూ పోదు అంటుంది సౌందర్య. దీంతో నేను దీనితో కలిసి ఉండను.. దీనితో పడుకోను అంటుంది శౌర్య.

దీంతో వెళ్లండి.. ఇద్దరూ కలిసి పడుకోండి అని బెదిరిస్తుంది సౌందర్య. దీంతో కోపంతో లోపలికి వెళ్లి పడుకుంటుంది శౌర్య. రెండుమూడు రోజుల్లో శౌర్యే నార్మల్ అవుతుంది అని అనుకుంటుంది సౌందర్య. కట్ చేస్తే తెల్లారుతుంది. ఉదయం లేవగానే శౌర్య కనిపించదు. ఇల్లంతా వెతుకుతుంది సౌందర్య.

Karthika Deepam :  ఇంట్లో నుంచి వెళ్లిపోయిన శౌర్య

హిమను అడుగుతుంది. దీంతో హిమ కూడా తనకు తెలియదు అంటుంది. శౌర్య కోసం ఎక్కడ వెతికినా కనిపించదు. ఇంతలో ఆదిత్య వచ్చి ఏమైంది అని అడుగుతాడు. శౌర్య కనిపించడం లేదని చెబుతారు. దీంతో ఆదిత్య ఇల్లంతా వెతుకుతాడు కానీ.. శౌర్య కనిపించదు.

శౌర్య.. ఇంట్లో నుంచి పారిపోతుంది. ఎక్కడికి వెళ్తుందో తెలియకుండా గమ్యం లేకుండా ప్రయాణిస్తుంది. కట్ చేస్తే శౌర్య పెరిగి పెద్దవుతుంది. ఓ వ్యక్తిని చితకబాదుతూ కనిపిస్తుంది. ఆటో డ్రైవర్ గెటప్ వేస్తుంది. వస్తావా అంటావా.. అంటూ ఒకడిని కొడుతుంది.

సారీ అక్క.. తప్పయిపోయింది అక్క అంటాడు. దీంతో ఏమన్నావు అంటూ మరో రెండు పీకుతుంది. దీంతో సారీ చెల్లి అంటాడు. అయినా సరే మరో రెండు పీకుతుంది. ఏంటండి ఇది.. అక్కా అంటే కొట్టారు.. చెల్లి అంటే కూడా కొట్టారు అంటాడు అతడు.

దీంతో తెలుగులో నాకు నచ్చని బంధాలు అక్కా చెల్లి.. అంటుంది. ఆ తర్వాత తన ఆటో మీద వదిలేదేలే… అని రాయించుకుంటుంది శౌర్య. ఆ తర్వాత ఏం జరుగుతుందో తెలియాలంటే తరువాయిభాగంలో చూడాల్సిందే.