Semiya Payasam Recipe : ఈ దీపావళికి నోరూరించే స్పెషల్స్ స్వీట్ మీకోసం…!

Semiya Payasam Recipe : ఈరోజు మనం ఒక స్పెషల్ స్వీట్ రెసిపీని తయారు చేసుకొని చూద్దాం… దివాలి పండుగ కూడా వచ్చేస్తుంది కదా.. ఇక ఇంటికి వచ్చిన అతిధులకి ఈ స్వీట్ చేసి పెట్టారంటే ఫిదా అవ్వాల్సిందే.. అంత టేస్టీగా ఉంటుంది. మరి ఇంత టేస్టీ స్వీట్ ని ఎలా తయారు చేసుకోవాలో ఇప్పుడు మనం చూద్దాం… దీనికి కావాల్సిన పదార్థాలు : గులాబ్ జామ్ పిండి, సేమ్యా, పంచదార యాలకుల పొడి, ఆయిల్, జీడిపప్పు, కిస్ మిస్ లు నెయ్యి, పాలు మొదలైనవి.. దీని తయారీ విధానం ; ముందుగా గులాబ్ జామూన్ పిండిని తీసుకుని కొంచెం కొంచెంగా వాటర్ పోసి బాగా స్మూత్ గా కలిపి పక్కన ఉంచుకోవాలి.

తర్వాత స్టవ్ పై ఒక పాన్ పెట్టుకుని దానిలో గులాబ్ జామున్లు పిండి ఏ కప్పుతో అయితే తీసుకున్నాము అదే కప్పుతో రెండు కప్పుల పంచదారను తీసుకొని ఆ పాన్ లో వేసుకొని రెండు కప్పుల నీళ్లను వేసి కొంచెం స్టికిగా అయ్యేవరకు పాకాన్ని చేసుకోవాలి. తర్వాత దానిలో కొంచెం యాలకుల పొడి కూడా వేసుకోవాలి. అలా స్టికిగా అయిన తర్వాత స్టవ్ ఆపి పక్కన ఉంచుకోవాలి. తర్వాత ముందుగా కలిపి పెట్టుకున్న పిండి మిశ్రమాన్ని చిన్న బాల్స్ లా చేసుకొని డిప్రెకి ఆయిల్ పెట్టుకొని దాంట్లో వేసి ఎర్రగా వేయించి షుగర్ సిరప్ లో వేసి మూత పెట్టి ఉంచుకోవాలి. తర్వాత స్టౌ పై ఇంకొక పాన్ పెట్టుకుని దానిలో కొంచెం నెయ్యి వేసి దానిలో జీడిపప్పు, కిస్మిస్లను ఎర్రగా వేయించి తీసి పక్కన ఉంచుకోవాలి.

తర్వాత అదే కడాయిలో సేమ్యా వేసి వేయించుకొని దానిలో మూడు కప్పుల పాలను వేసి సేమియా మెత్తబడే వరకు ఉడికించుకోవాలి. తర్వాత గులాబ్ జామున్లు సిరప్ ని బాగా పీల్చుకున్న తర్వాత దానిలో నుంచి షుగర్ సిరప్ ని తీసేసి ఆ సిరప్ ని ఈ సేమియాలో కొద్దికొద్దిగా పోసుకుంటూ పల్చగా అయ్యేవరకు కలుపుకుంటూ ఉండాలి. అలా కలుపుకున్న తర్వాత ముందుగా వేయించి పెట్టుకున్న డ్రై ఫ్రూట్స్ ని దాంట్లో వేసి కొంచెం యాలకుల పొడి కూడా వేసి ముందుగా చేసి పెట్టుకున్న గులాబ్ జాముల్ని కూడా దాంట్లో వేసుకుని సర్వ్ చేసుకోవడమే అంతే ఎంతో టేస్టీగా ఉండే కీర్ గులాబ్ జామున్ లు రెడీ. ఇది ఎంతో రుచిగా ఉంటుంది. ఈ దివాళి పండక్కి వచ్చిన బంధువులకి ఒక్కసారి పెట్టారంటే వాళ్లు ఫిదా అవ్వాల్సిందే…