Mustard Seed : ఆవాల‌తో ఆరోగ్య ప్రయోజనాలు..

ఆవాలు, క్యాబేజీ, బ్రోకలీ మరియు కాలే వంటి పోషకాలు అధికంగా ఉండే ఆకు కూరల కుటుంబానికి చెందినవి. ఔషధ గుణాలు మరియు ఘాటైన రుచికి ప్రసిద్ధి చెందిన‌వి. ఆధునిక శాస్త్రం ఇప్పుడు ఆవాల వివిధ‌ ప్రయోజనాలను గుర్తించడం ప్రారంభించింది. ఆవాల్లో అనేక రకాల పోషకాలు ఉన్నాయి. ముఖ్యంగా రాగి, కాల్షియం, ఐరన్, మెగ్నీషియం, ఫాస్పరస్, పొటాషియం, సోడియం, జింక్, మాంగనీస్ మరియు సెలీనియం వంటి అనేక ఖనిజాలు పుష్కలంగా ఉన్నాయి. విటమిన్లు C మరియు K, థయామిన్, రిబోఫ్లావిన్, విటమిన్ B6 మరియు ఫోలిక్ యాసిడ్ వంటి అనేక విటమిన్లను ఆవాలు క‌లిగి ఉన్నాయి. అవి అధిక శాతం డైటరీ ఫైబర్ కలిగి ఉంటాయి. యాంటీ ఆక్సిడెంట్లు, బహుళ అసంతృప్త కొవ్వు ఆమ్లాలు వంటి అనేక బయో యాక్టివ్ సమ్మేళనాలకు మూలం.

20 గ్రాముల ఆవపిండి ఈ పోష‌కాల‌ను క‌లిగి ఉంటుంది :

కేలరీలు : 101.6 కేలరీలు
ఫైబర్ : 2.44 గ్రాములు
ప్రోటీన్ : 5.22 గ్రాములు
కొవ్వు : 7.24 గ్రాములు
విటమిన్ సి : 1.42 మిల్లీ గ్రాములు
విటమిన్ K : 1.08 మైక్రో గ్రాములు
థయామిన్ : 0.16 మిల్లీ గ్రాములు
రిబోఫ్లావిన్ : 0.05 మిల్లీ గ్రాములు
నియాసిన్ : 0.95 మిల్లీ గ్రాములు
ఫోలేట్ : 32.4 మైక్రో గ్రాములు
కాల్షియం : 53.2 మిల్లీ గ్రాములు
ఐరన్ : 1.84 మిల్లీ గ్రాములు
జింక్ : 1.22 మిల్లీ గ్రాములు
రాగి : 0.13 మిల్లీ గ్రాములు
మెగ్నీషియం : 74 మిల్లీ గ్రాములు
భాస్వరం : 165.6 మిల్లీ గ్రాములు
పొటాషియం : 147.6 మిల్లీ గ్రాములు
సోడియం : 2.6 మిల్లీగ్రాములు
మాంగనీస్: 0.49 మిల్లీ గ్రాములు
సెలీనియం : 41.6 మైక్రో గ్రాములు

ఆవాల ఆరోగ్య ప్రయోజనాలు :

ఆవాల్లో యాంటీ ఆక్సిడెంట్లు మరియు గ్లూకోసినోలేట్‌లు పుష్కలంగా ఉన్నాయి. సల్ఫర్‌ను కలిగి ఉండే సమ్మేళనాల సమూహం. ఐసోథియోసైనేట్స్, సినిగ్రిన్ వంటి ఇతర రసాయనాలు కూడా ఉన్నాయి. ఆవాలు AITC విస్తృతమైన యాంటీమైక్రోబయల్ లక్షణాలను కలిగి ఉండ‌డంతో వివిధ రకాల బ్యాక్టీరియా జాతుల నుండి రక్షిస్తాయి. ఆవపిండిలో విస్తృతంగా ఉండే ఫినాలిక్ సమ్మేళనాలు వాటి యాంటీ ఆక్సిడెంట్ చర్యకు ప్రసిద్ధి చెందాయి. ఈ ఫినాలిక్ సమ్మేళనాలు శరీరంలోని ఫ్రీ రాడికల్స్‌తో చర్య జరిపి వాటి హానికరమైన ప్రభావాలను నిరోధిస్తాయి. ఆవపిండిలో కొవ్వులో కరిగే సమ్మేళనాలు ఉంటాయి. క్యాన్స‌ర్‌కు వ్య‌తిరేకంగా పోరాడుతుంది. శ్వాసకోశ సమస్యలు, నొప్పి, జీర్ణ సమస్యల నుండి ఉపశమనం పొందుతుంది. ఆవాలలో ఉండే పీచు జీర్ణ ప్రక్రియను మెరుగుపరుస్తుంది. చర్మ సమస్యలు, సోరియాసిస్ చికిత్సలో దీన్నివినియోగిస్తారు. పంటి నొప్పితో బాధపడేవారు ఆవాలు నీళ్లలో మరిగించి తాగడం లేదా పుక్కిలించడం వల్ల పంటి నొప్పి త్వరగా తగ్గుతుంది. కీళ్ల నొప్పులతో బాధ‌ప‌డేవారు ఒక టీస్పూన్ ఆవాల పొడి, కర్పూరం ను మెత్తగా పొడి చేసి పేస్ట్‌లా త‌యారు చేసి నొప్పి ఉన్న ప్రదేశంలో రాస్తే నొప్పులు చాలా త్వరగా తగ్గుతాయి.