AP Health Department : ఏపీ ఆరోగ్య శాఖ‌లో భారీగా ఉద్యోగాలు

AP Health Department : ఏపీ ప్రభుత్వం నిరుద్యోగులకు శుభ‌వార్త చెప్పింది. గ్రామీణ‌, ప‌ట్ట‌ణ ప్రాంతాల్లో ప్రాథమిక ఆరోగ్య సదుపాయాల విస్తరణను లక్ష్యంగా పెట్టుకుని భారీగా పోస్టులు భర్తీ చేయడానికి ఆమోదం తెలిపింది. అర్బన్ క్లినిక్స్ ఏర్పాటు కోసం గతంలో విడుదలైన ఉత్తర్వుల్లో కొన్ని మార్పులు చేస్తూ తాజాగా G.O.Rt.No.357 ను విడుదల చేసింది. వీటిలో కొన్ని కాంట్రాక్ట్ విధానంలో, మరికొన్ని ఔట్ సోర్సింగ్ విధానంలో భర్తీ చేయనున్నట్లు పేర్కొంది.

AP Health Department : ఏపీ ఆరోగ్య శాఖ‌లో భారీగా ఉద్యోగాలు

తాజా ఉత్తర్వుల ప్రకారం అర్బన్ క్లినిక్స్‌ లోని మానవ వనరుల నియామకానికి సంబంధించి వివిధ పోస్టులు భర్తీ కానున్నాయి. మొత్తం 560 మెడికల్ ఆఫీసర్లను కాంట్రాక్ట్ ప్రాతిపదికన నియమించనున్నారు. వీరికి నెలవారీ జీతం రూ. 61,960/- లభిస్తుంది. అదేవిధంగా 1,120 స్టాఫ్ నర్సు పోస్టులు కాంట్రాక్ట్ పద్ధతిలో నియమిస్తారు.

వీరికి నెల‌కు వేత‌నం రూ. 22,500/- . ల్యాబ్ టెక్నీషియన్ పోస్టులు 560. వీరికి నెల జీతం రూ. 23,393/-. ఫార్మసిస్ట్ పోస్టులు 560. వీరికి నెల జీతం రూ.23,500/. డేటా ఎంట్రీ ఆపరేటర్ పోస్టులు 560. ఔట్ సోర్సింగ్ విధానం ద్వారా భ‌ర్తీ. వీరికి నెలకు రూ.18,450/- జీతం. శానిటరీ అటెండెంట్ / లోవర్ గ్రేడ్ సర్వీసెస్ పోస్టులు 560. ఔట్ సోర్సింగ్ విధానంలో భర్తీ. వీరికి నెలవారీ జీతంగా రూ.15,000/- చెల్లించనున్నారు. ఈ ఉత్తర్వు ప్రకారం తదుపరి చర్యలు తీసుకోవాలని సంబంధిత అధికారులను రాష్ట్ర ప్రభుత్వం ఆదేశించింది.