India : రెండవ అతిపెద్ద దేశం గా అవతరించిన భారత్.. అమెరికా , జపాన్ షాక్..!
Authored By Siddhu Manchikanti
| The Telugu News |
Published on: April 10, 2026, 3:00 pm
India : రెండవ అతిపెద్ద దేశం గా అవతరించిన భారత్.. అమెరికా , జపాన్ షాక్..!
India : భారతదేశం అణుశక్తి రంగంలో ఒక అద్భుతమైన మైలురాయిని అధిగమించి ప్రపంచ దేశాలను ఆశ్చర్యపరిచింది. తమిళనాడులోని కల్పాకంలో ఉన్న ప్రోటోటైప్ ఫాస్ట్ బ్రీడర్ రియాక్టర్ విజయవంతంగా క్రిటికాలిటీ దశను చేరుకోవడంతో మన దేశం అగ్రరాజ్యాల సరసన చేరింది. అమెరికా లాంటి దేశాలు కోట్లాది రూపాయలు ఖర్చు చేసి ఏభై ఏళ్ల పాటు ప్రయత్నించినా సాధించలేకపోయిన సాంకేతికతను మన శాస్త్రవేత్తలు మన దేశీయ పరిజ్ఞానంతోనే సాకారం చేశారు. సాధారణంగా అణు రియాక్టర్లు ఇంధనాన్ని వాడుకుని విద్యుత్తును ఇస్తాయి కానీ ఈ రియాక్టర్ ప్రత్యేకత ఏమిటంటే ఇది ఎంత ఇంధనాన్ని వాడుకుంటుందో అంతకంటే ఎక్కువ ఇంధనాన్ని తిరిగి ఉత్పత్తి చేస్తుంది. అంటే మనం వాడుకున్న దానికంటే ఎక్కువ శక్తిని భవిష్యత్తు అవసరాల కోసం ఇది నిల్వ చేస్తుంది.
India : రెండవ అతిపెద్ద దేశం గా అవతరించిన భారత్.. అమెరికా , జపాన్ షాక్..!
భారత అణు కార్యక్రమ పితామహుడు హోమీ జహంగీర్ బాబా దశాబ్దాల క్రితమే మన దేశం కోసం మూడు దశల ప్రణాళికను సిద్ధం చేశారు. అందులో రెండవ దశ అయిన ఈ ఫాస్ట్ బ్రీడర్ రియాక్టర్ల విజయం ఇప్పుడు మూడవ దశకు దారులు వేసింది. మన దేశ తీర ప్రాంతాల్లో ఇసుక రూపంలో తోరియం నిల్వలు భారీగా ఉన్నాయి. ప్రపంచంలో ఎక్కడా లేనంతగా తొమ్మిది లక్షల టన్నులకు పైగా తోరియం మన దగ్గర ఉంది. అయితే ఈ తోరియంను నేరుగా విద్యుత్ తయారీలో వాడలేము. దీనిని ఇంధనంగా మార్చడానికి ఫాస్ట్ బ్రీడర్ రియాక్టర్లు చాలా అవసరం. ఇప్పుడు సాధించిన ఈ విజయంతో మన దగ్గర వృధాగా ఉన్న తోరియంను వాడుకుని రాబోయే నాలుగు వందల ఏళ్ల పాటు ఎటువంటి ఆటంకం లేకుండా నిరంతరం కరెంటును తయారు చేసుకునే అవకాశం మనకు దక్కింది.
India : మన దేశ అణు విద్యుత్ భవిష్యత్తు
ప్రస్తుతం మన అణు రియాక్టర్లకు కావాల్సిన యురేనియం కోసం మనం రష్యా మరియు ఆస్ట్రేలియా వంటి దేశాల మీద ఆధారపడుతున్నాము. దాదాపు డెబ్బై శాతం ఇంధనాన్ని భారీ ధరకు కొనుగోలు చేస్తున్నాము. కానీ ఈ కొత్త రకం రియాక్టర్లు అందుబాటులోకి వస్తే విదేశాల మీద ఆధారపడాల్సిన అవసరం ఉండదు. రాబోయే దశాబ్దాల్లో అణు విద్యుత్ సామర్థ్యాన్ని వంద గిగావాట్లకు పెంచాలని ప్రభుత్వం లక్ష్యంగా పెట్టుకుంది. దీనివల్ల దేశంలో కరెంటు కోతలు అనే మాటే వినిపించదు. ఇప్పటివరకు కేవలం రష్యా మాత్రమే ఈ సాంకేతికతను విజయవంతంగా నడుపుతోంది. ఇప్పుడు ఏ దేశం సాయం లేకుండా సొంతంగా ఈ ఘనత సాధించిన రెండో దేశంగా భారత్ నిలిచింది. ఒకప్పుడు మనల్ని తక్కువ చేసి చూసిన దేశాలన్నీ ఇప్పుడు మన వైపు ఆశ్చర్యంతో చూస్తున్నాయి. ఈ విజయం భారతదేశాన్ని అణుశక్తి రంగంలో తిరుగులేని శక్తిగా మార్చడమే కాకుండా దేశ ఆర్థిక అభివృద్ధికి కూడా పెద్ద ఎత్తున తోడ్పడనుంది. మన శాస్త్రవేత్తలు సాధించిన ఈ విజయం ప్రతి భారతీయుడు గర్వించదగ్గ విషయం. మన దేశం ఇంధన రంగంలో స్వయం సమృద్ధి సాధించడానికి ఇది ఒక గట్టి పునాదిగా నిలుస్తుంది. భవిష్యత్తులో మన అవసరాలకే కాకుండా ఇతర దేశాలకు కూడా దిశానిర్దేశం చేసే స్థాయికి భారత్ చేరుకోబోతోంది. మన దగ్గర ఉన్న సహజ వనరులను సమర్థవంతంగా వాడుకుంటే విద్యుత్ సమస్య అనేది శాశ్వతంగా తీరిపోతుంది. రాబోయే రోజుల్లో ప్రతి పల్లెకు ప్రతి ఇంటికి నిరంతరం చౌకగా కరెంటు అందే రోజులు దగ్గరలోనే ఉన్నాయి.
Also read
