AP Govt Good News : కొత్త పింఛన్ల కోసం ఎదురుచూస్తున్న వారికీ ఏపీ సర్కార్ గుడ్ న్యూస్
Authored By Sudheer Ramanujam
| The Telugu News |
Published on: February 13, 2026, 2:35 pm
AP Govt Good news to New Pensions : ఆంధ్రప్రదేశ్లో పింఛన్ల అంశంపై శాసనమండలి వేదికగా ప్రభుత్వం మరియు ప్రతిపక్షాల మధ్య ఆసక్తికర చర్చ సాగింది. ఎన్టీఆర్ భరోసా పింఛన్ల పంపిణీపై మంత్రి కొండపల్లి శ్రీనివాస్ క్లారిటీ ఇస్తూ, కూటమి ప్రభుత్వం అధికారంలోకి వచ్చిన ఈ 20 నెలల కాలంలో అర్హులైన ఒక్కరి పింఛను కూడా తొలగించలేదని స్పష్టం చేశారు. ఈ కాలంలో సుమారు 4.70 లక్షల మంది పింఛన్ దారులు మరణించారని, ఆ కారణంతోనే డేటాలో సంఖ్య తగ్గినట్లు కనిపించిందే తప్ప కావాలని ఎవరినీ తొలగించలేదని వివరించారు. ముఖ్యంగా గత ప్రభుత్వం నిలిపివేసిన ‘స్పౌజ్ కేటగిరి’ పింఛన్లను పునరుద్ధరించామని, దీనివల్ల భర్త చనిపోయిన వెంటనే భార్యకు పింఛను అందుతుందని, దీని ద్వారా ఇప్పటికే 2.5 లక్షల మంది లబ్ధి పొందుతున్నారని మంత్రి వెల్లడించారు. అలాగే, ఏదైనా కారణంతో ఒక నెల పింఛను తీసుకోలేకపోతే, మరుసటి నెలలో రెండు నెలల నగదు కలిపి ఇచ్చే వెసులుబాటు కల్పించడం భక్తులకు పెద్ద ఊరటనిస్తోంది.
AP Govt Good News : కొత్త పింఛన్ల కోసం ఎదురుచూస్తున్న వారికీ ఏపీ సర్కార్ గుడ్ న్యూస్
మరోవైపు, కొత్త పింఛన్ల కోసం ఎదురుచూస్తున్న ఆశావహులకు త్వరలోనే శుభవార్త చెబుతామని మంత్రి ప్రకటించారు. ప్రస్తుతం రాష్ట్రంలో దివ్యాంగ పింఛన్ల విషయంలో భారీగా అవకతవకలు జరిగినట్లు ఫిర్యాదులు రావడంతో, సుమారు 8 లక్షల పింఛన్లను ప్రభుత్వం పునఃపరిశీలిస్తోంది. ఇప్పటికే 1.40 లక్షల మంది అనర్హులను గుర్తించి నోటీసులు జారీ చేసినప్పటికీ, మానవీయ కోణంలో వారికి ఇంకా పింఛన్లు అందజేస్తున్నట్లు మంత్రి తెలిపారు. ఈ పరిశీలన ప్రక్రియ పూర్తి కాగానే, వృద్ధాప్య మరియు వితంతు కేటగిరీల్లో కొత్త పింఛన్ల మంజూరుకు దరఖాస్తులు స్వీకరించేలా విధివిధానాలు రూపొందిస్తున్నామన్నారు. అయితే, ప్రతిపక్ష నేత బొత్స సత్యనారాయణ ప్రభుత్వంపై విమర్శలు గుప్పిస్తూ, అధికారంలోకి వచ్చి ఇన్నాళ్లయినా ఒక్క కొత్త పింఛను కూడా ఇవ్వలేదని, తల్లికి వందనం వంటి పథకాలు కూడా అరకొరగానే అందుతున్నాయని ఆరోపించారు. ఈ నేపథ్యంలో, కొత్త దరఖాస్తుల ప్రక్రియ ఎప్పుడు ప్రారంభమవుతుందనే దానిపై సర్వత్రా ఉత్కంఠ నెలకొంది.
Also read
