Memory Tips | చదివిన పాఠాలు గుర్తుంచుకోవాలంటే వ్యాయామమే రహస్యం..!
Memory Tips | చాలా మంది విద్యార్థులు ఎంత కష్టపడి చదివినా, కొన్ని రోజుల్లోనే మర్చిపోతుంటారు. దీనికి తల్లిదండ్రులు పిల్లలను తెల్లవారు జామున లేపి చదివించటం, ఎక్కువ ఒత్తిడి పెట్టడం వంటి పద్ధతులను అవలంబిస్తున్నారు. అయితే తాజాగా నిపుణులు వెల్లడించిన వివరాలు ఈ ఆందోళనలకు సమాధానంగా నిలిచాయి.
నిపుణులు చెబుతున్నట్లుగా, మనం ఏదైనా కొత్త విషయం నేర్చుకున్నప్పుడు మెదడులో ఒక “స్మృతి గుర్తు” ఏర్పడుతుంది. ఇది బలపడటానికి కొంత సమయం అవసరం అవుతుంది. చదివిన వెంటనే వ్యాయామం చేస్తే పెద్ద ప్రయోజనం ఉండదని, కానీ 3-4 గంటల తర్వాత వ్యాయామం చేస్తే మెదడుకు అది ఒక పవర్ఫుల్ బూస్టర్ లా పనిచేస్తుందని తెలిపారు.
#image_title
BNDF ప్రోటీన్ ప్రభావం:
వ్యాయామం చేసినప్పుడు మెదడులో BNDF (Brain-Derived Neurotrophic Factor) అనే ప్రత్యేక ప్రోటీన్ విడుదల అవుతుంది. ఇది కొత్త నరాలు పెరగడానికి, ఉన్న నరాలు బలపడటానికి సహాయపడుతుంది. ఫలితంగా జ్ఞాపకశక్తి మెరుగవుతుంది, చదివిన విషయాలు ఎక్కువ కాలం గుర్తుంటాయి.
నిపుణుల సూచన:
* చదువు లేదా కొత్త నైపుణ్యం నేర్చుకున్న తర్వాత 3–4 గంటలు విరామం ఇవ్వండి.
* తరువాత 20–30 నిమిషాలు చురుకుగా నడవండి, జాగింగ్ లేదా సైక్లింగ్ చేయండి.
* ఇలా చేయడం వల్ల శరీరం ఆరోగ్యంగా ఉండటమే కాకుండా, చదివిన విషయాలు మరింత కాలం గుర్తుంటాయి.
మొత్తం మీద, జ్ఞాపకశక్తి పెంచుకోవాలంటే మందులు, ఒత్తిడి అవసరం లేదు ,రోజూ కొంత వ్యాయామం చేస్తే చాలు!
Also read
