అంత్యక్రియల తర్వాత వెనక్కి తిరిగి చూడకూడదు అని ఎందుకు అంటారో తెలుసా…

సహజంగా మరణం తర్వాత అంత్యక్రియలు చేస్తూ ఉంటారు. అలా అంత్యక్రియలు చేసిన తర్వాత అక్కడికి వెళ్లిన వారిని మళ్లీ వెనక్కి తిరిగి చూడకూడదని చెప్తూ ఉంటారు… అలా ఎందుకు వెనక్కి తిరిగి చూడకూడదో తెలుసా.. మన సాంప్రదాయాలలో ధర్మాలు, ఆచారాలు ఎన్నో ఉంటాయి. అయితే వాటిలో అన్నిటిని పట్టించుకోకపోయినా.. కొన్నిటి మాత్రం అందరూ తప్పనిసరిగా పాటిస్తూ ఉంటారు.
అటువంటి వాటిలో కొన్ని పనులు చేసేటప్పుడు లేదా దేవాలయాలకు వెళ్ళినప్పుడు అక్కడ నుంచి వచ్చేటప్పుడు వెనక్కి తిరిగి చూడకుండా వస్తూ ఉంటారు..

ఎవరైనా చనిపోయినప్పుడు ఆ ఇంట్లో వారు కానీ తెలిసిన వారు కానీ అందరికీ అంత్యక్రియల తర్వాత వెనక్కి తిరిగి చూడకుండా రావాలని చెప్తూ ఉంటారు.. అయితే అందరూ కూడా అలాగే చేస్తూ ఉంటారు. అయితే అలా ఎందుకు చూడకూడదు.. చూస్తే ఏం జరుగుతుందో ఇప్పుడు మనం తెలుసుకుందాం..
హిందూ సంప్రదాయాలలో మరణానికి సంబంధించి ఎన్నో నియమాలు కొన్ని ఉంటాయి. దహన సంస్కారాలు లేదా అంత్యక్రియలకు వెళ్లిన అనంతరం చేయవలసిన అలాగే చేయకూడని పనులు గురించి ఇప్పుడు మనం తెలుసుకుందాం..

Do you know why they say not to look back after the funeral

ప్రజలు తమ ప్రయోజనం అలాగే క్షేమం కోసం పాటించాల్సిన కొన్ని సంస్కారాలను, సనాతన ధర్మం లో చెప్పారు. వీటిలో ఒకటి మనిషి మరణించిన తర్వాత చేసే అంత్యక్రియలకు సంబంధించినది..
మనిషి చనిపోయిన తర్వాత అంత్యక్రియలు ఆచారాలు పూర్తయిన తర్వాత ఆత్మ వెళ్లి దైవంలో కలిసిపోతూ ఉంటుంది. దాని ద్వారా ఆత్మకి ఈ లోకంతో ఉన్న సంబంధాలన్నీ తొలగిపోతాయి. గరుడ పురాణం ప్రకారం అంత్యక్రియల అనంతరం మనిషి తిరిగి వస్తున్నప్పుడు అసలు వెనక్కి తిరిగి చూడకూడదు..

ఒకవేళ చూస్తే మరణించిన వ్యక్తి ఆత్మ చూసిన వారితో అనుబంధం మళ్లీ ఏర్పరచుకుంటుందట. తన చావు వలన ఆ వ్యక్తి ఒక్కరే బాధపడుతున్నారని ఆత్మ అనుకుంటుందట. అటువంటి పరిస్థితుల్లో ఆత్మకు శాంతి కలగదు.. ఆత్మ ఆ వ్యక్తితో అనుబంధాన్ని పెంచుకొని తనతో పాటు ఇంటికి వెళ్లాలని తపన పడుతుందట. ఈ కారణమని అంత్యక్రియల తర్వాత అక్కడున్న వారు వెనక్కి తిరిగి చూడకుండా రావాలని గరుడ పురాణంలో పేర్కొన్నారు.. ఒకవేళ వెనక్కి తిరిగి చూసినట్లయితే ఆ ఆత్మకి శాంతి అనేది కలగదట.