Farmers : రైతులకు గుడ్ న్యూస్.. ఒక్కక్కరికి రూ.6 లక్షలు.. పూర్తి వివరాలు ఇవే !
ప్రధానాంశాలు:
Farmers : రైతులకు గుడ్ న్యూస్.. ఒక్కక్కరికి రూ.6 లక్షలు.. పూర్తి వివరాలు ఇవే !
Farmers : తెలంగాణలోని గిరిజన రైతుల జీవితాల్లో వెలుగులు నింపే లక్ష్యంతో రాష్ట్ర ప్రభుత్వం ప్రతిష్టాత్మకమైన “ఇందిర సౌర గిరి జల వికాసం” పథకాన్ని అమల్లోకి తీసుకువస్తోంది. సాగునీటి సౌకర్యం లేక ఇబ్బంది పడుతున్న అట్టడుగు వర్గాల రైతులకు ఈ పథకం ఒక వరప్రసాదంగా మారనుంది.
Farmers : రైతులకు గుడ్ న్యూస్.. ఒక్కక్కరికి రూ.6 లక్షలు.. పూర్తి వివరాలు ఇవే !
Farmers గిరిజన రైతులకు అండగా ‘ఇందిర సౌర గిరి జల వికాసం’: రూ.6 లక్షల లబ్ధి!
రాష్ట్రంలోని గిరిజన ప్రాంతాల్లో సాగు భూములకు నీటి సౌకర్యం కల్పించేందుకు ప్రభుత్వం ప్రణాళికలు సిద్ధం చేసింది. ముఖ్యంగా అటవీ హక్కుల పత్రాలు (ROFR) కలిగిన సుమారు 2.1 లక్షల మంది రైతుల ఆధీనంలోని 6 లక్షల ఎకరాలకు సాగునీరు అందించడమే ఈ పథకం ప్రధాన లక్ష్యం. దీనికోసం ప్రభుత్వం నాబార్డ్ (NABARD) నుంచి రూ. 600 కోట్ల రుణాన్ని సేకరించనుంది. ఇప్పటికే బడ్జెట్లో మరో రూ. 600 కోట్లు కేటాయించిన ప్రభుత్వం, తొలి దశలో 10 వేల మంది లబ్ధిదారులకు ఈ ఫలాలను అందించేందుకు సిద్ధమైంది. నిధులు అందిన వెంటనే జిల్లాల వారీగా దరఖాస్తుల స్వీకరణ ప్రక్రియ ప్రారంభం కానుంది.
ఈ పథకం కింద ఎంపికైన ప్రతి రైతుకు సుమారు రూ. 6 లక్షల విలువైన సోలార్ పంపు సెట్లు, ప్యానెళ్లను 100 శాతం సబ్సిడీతో పూర్తి ఉచితంగా అందజేస్తారు. గిరిజన ప్రాంతాల్లో విద్యుత్ లైన్లు లేని మారుమూల పొలాలకు కూడా ఈ సోలార్ పంపుల ద్వారా సాగునీరు అందుతుంది. ఇది కేవలం సాగునీటి ప్రాజెక్టు మాత్రమే కాదు, రైతును ఇంధన ఉత్పత్తిదారుడిగా మార్చే ఒక గొప్ప ఆలోచన. పగటిపూట నిరంతరాయంగా ఉచిత విద్యుత్ లభించడం వల్ల పంట దిగుబడి పెరగడమే కాకుండా, విద్యుత్ కష్టాల నుండి రైతులకు శాశ్వత విముక్తి లభిస్తుంది.
అంతేకాకుండా, ఈ పథకంలో ఒక ప్రత్యేక ఆర్థిక వెసులుబాటు ఉంది. వ్యవసాయ అవసరాలకు వాడుకోగా మిగిలిన విద్యుత్ను ప్రభుత్వ గ్రిడ్కు విక్రయించే అవకాశం కల్పిస్తున్నారు. దీని ద్వారా రైతులకు సాగుపై వచ్చే ఆదాయంతో పాటు నెలకు రూ. 3,000 నుండి రూ. 5,000 వరకు అదనపు రాబడి లభిస్తుంది. ముఖ్యమంత్రి రేవంత్ రెడ్డి గతేడాది అమ్రాబాద్లో ప్రారంభించిన ఈ పథకం, ఇప్పుడు నాబార్డ్ సహకారంతో వేగవంతం కావడం గిరిజన రైతుల్లో హర్షాతిరేకాలను నింపుతోంది. మారుమూల అటవీ గ్రామాల్లో వ్యవసాయాన్ని లాభసాటిగా మార్చడంలో ఈ సోలార్ పంపులు కీలక పాత్ర పోషించనున్నాయి.
Also read
