Bharat Brand : భార‌త్ బ్రాండ్ ఫేజ్‌-II ప్రారంభం.. సబ్సిడీపై గోధుమ పిండి, బియ్యం విక్రయం

Bharat Brand : అధిక ధరల నుండి వినియోగదారులకు ఉపశమనం కలిగించేందుకు భార‌త‌ ప్రభుత్వం 2వ దశ గోధుమ పిండి మరియు బియ్యం యొక్క రిటైల్ విక్రయాలను భారత్ బ్రాండ్ కింద సబ్సిడీ ధరలకే అందించే ప్ర‌క్రియ‌ను ప్రారంభించింది. ఎన్‌సిసిఎఫ్, నాఫెడ్ మరియు కేంద్రీయ భండార్ మరియు ఇ-కామర్స్ ప్లాట్‌ఫారమ్‌ల ద్వారా గోధుమ పిండి (అట్టా) కిలో రూ. 30, బియ్యాన్ని 5 కిలోలు మరియు 10 కిలోల ప్యాకెట్లలో కిలో రూ. 34 చొప్పున విక్రయించనున్నారు.

ధరల స్థిరీకరణ నిధి కింద ఫేజ్-2 రిటైల్ జోక్యం కోసం ఫుడ్ కార్పొరేషన్ ఆఫ్ ఇండియా (ఎఫ్‌సిఐ) నుండి 3.69 లక్షల టన్నుల గోధుమలు మరియు 2.91 లక్షల టన్నుల బియ్యాన్ని ప్రభుత్వం కేటాయించింది. కేటాయింపబడిన స్టాక్ అయిపోయే వరకు ఈ జోక్యం కొనసాగుతుందని కేంద్ర మంత్రి ప్ర‌హ్లాద్‌ జోషి చెప్పారు. వినియోగదారులకు ఉపశమనం కలిగించడం మరియు మార్కెట్‌లో ధరలను నియంత్రించడమే త‌మ విధానంగా ఆయ‌న పేర్కొన్నారు.

రాయితీ ధరలకు నాణ్యమైన ఆహార ఉత్పత్తులను అందించేందుకు భారత్ బ్రాండ్ మొదటిసారి అక్టోబర్ 2023 లో ప్రారంభించబడింది. మొదటి దశతో పోలిస్తే, గోధుమ పిండి కిలో ₹27.5 కి , బియ్యం కిలో ₹29 కి విక్రయించగా కొంచెం ధర పెరిగింది.

Bharat Brand : ఎక్కడ కొనుగోలు చేయాలి ?

నేషనల్ అగ్రికల్చరల్ కోఆపరేటివ్ మార్కెటింగ్ ఫెడరేషన్ ఆఫ్ ఇండియా (NAFED) ప్రాథమిక పంపిణీ కేంద్రాల్లో, నేషనల్ కోఆపరేటివ్ కన్స్యూమర్స్ ఫెడరేషన్ (NCCF) కూడా భారత్ బ్రాండ్ ఉత్పత్తులను అందిస్తుంది. అలాగే కేంద్రీయ భండార్ అవుట్‌లెట్‌లు భారత్ బ్రాండ్ ఉత్పత్తులు వివిధ ఇ-కామర్స్ ప్లాట్‌ఫారమ్‌ల ద్వారా కూడా అందుబాటులో ఉన్నాయి.