Viral News : ఒక్క రోజులో 11 గుడ్లు పెట్టింది.. ఇది మామూలు కోడి కాదండోయ్..! | The Telugu News : Latest Telugu News | Breaking News Telugu | తెలుగు వార్త‌లు | బ్రేకింగ్ న్యూస్ తెలుగు

Viral News : ఒక్క రోజులో 11 గుడ్లు పెట్టింది.. ఇది మామూలు కోడి కాదండోయ్..!

Viral News : సాధారణంగా ఒక కోడి రోజుకు ఎన్ని గుడ్లు పెడుతుంది.. అని అడిగితే చిన్న పిల్లాడు అయినా సరే.. టక్కున సమాధానం చెబుతాడు. ఒక్క గుడ్డు మాత్రమే పెడుతుంది అని చెబుతారు ఎవ్వరైనా. ఎందుకంటే.. ఏ కోడి అయినా సరే.. రోజుకు ఒక్క గుడ్డు మాత్రమే పెట్టగలదు. కానీ.. ఒక కోడి మాత్రం ఒక్క రోజులోనే ఒకటి కాదు.. రెండు కాదు.. ఏకంగా 11 గుడ్లను పెట్టి అందరినీ ఆశ్చర్యానికి గురి చేసింది. ఇంతకీ […]

 Authored By jagadesh | The Telugu News | Updated on :29 June 2021,9:06 am

Viral News : సాధారణంగా ఒక కోడి రోజుకు ఎన్ని గుడ్లు పెడుతుంది.. అని అడిగితే చిన్న పిల్లాడు అయినా సరే.. టక్కున సమాధానం చెబుతాడు. ఒక్క గుడ్డు మాత్రమే పెడుతుంది అని చెబుతారు ఎవ్వరైనా. ఎందుకంటే.. ఏ కోడి అయినా సరే.. రోజుకు ఒక్క గుడ్డు మాత్రమే పెట్టగలదు. కానీ.. ఒక కోడి మాత్రం ఒక్క రోజులోనే ఒకటి కాదు.. రెండు కాదు.. ఏకంగా 11 గుడ్లను పెట్టి అందరినీ ఆశ్చర్యానికి గురి చేసింది. ఇంతకీ ఆ కోడి ఎక్కడుంది. ఏం తిని అన్ని గుడ్లు పెట్టింది.. అంటారా? అయితే.. పదండి.. ఓసారి కేరళ వెళ్లి అసలు ఏం జరిగిందో తెలుసుకొని వద్దాం.

hen lays 11 eggs in one day in kerala

hen lays 11 eggs in one day in kerala

అది కేరళలోని కోజికోడ్ జిల్లా కొలతూరు అనే ఊరు. అదే గ్రామానికి చెందిన మనోజ్ కొన్ని రోజుల కింద ఓ కోడిని తెచ్చాడు. తనకు తెలిసిన వాళ్లు ఆ కోడిని ఇచ్చారు. అది కోడి పెట్ట. అంటే.. ఆడది అన్నమాట. అది రోజూ గుడ్లు పెడుతుంటే.. దాన్ని కోసుకొని తినడం ఎందుకు.. గుడ్లు పెడుతుంది కదా.. అని దాన్ని తినకుండా ఉంచేసుకున్నాడు మనోజ్. అయితే.. కొన్ని రోజుల పాటు రోజూ ఒక్క గుడ్డే పెట్టిన ఆ కోడి.. కొన్ని రోజుల తర్వాత రోజుకు రెండు గుడ్లు పెట్టడం ప్రారంభించిందట. ఒక రోజు అయితే ఏకంగా ఉదయం నుంచి సాయంత్రం వరకు 11 గుడ్లను పెట్టేసిందట. కోడి అన్ని గుడ్లను పెట్టడం చూసి మనోజ్ షాక్ అయ్యాడట.

Viral News : కోడిని చూడటానికి ఎగబడుతున్న జనం

వామ్మో.. ఒక్క కోడి.. ఇన్ని గుడ్లు పెట్టడం ఏంటి? ఒక్క రోజులోనే ఇన్ని గుడ్లు పెట్టిన కోడిని ఎక్కడా చూడలేదని.. ఆ కోడిని ఒక్కసారైనా చూడాలని.. అక్కడి స్థానికులు ఆ కోడిని చూడటం కోసం మనోజ్ ఇంటికి క్యూ కడుతున్నారు. అయితే.. దీనిపై నిపుణులను సంప్రదించగా… కోడిలోని హార్మోన్ల హెచ్చుతగ్గుల వల్లనే అలా కోడి.. ఎక్కువ గుడ్లు పెడుతోందని చెప్పారట. అయితే.. దీని వల్ల కోడికి ఏం ప్రమాదం లేదని నిపుణులు చెప్పారట. ఏది ఏమైనా.. ఒక్క కోడి.. అన్ని గుడ్లు పెట్టి.. మనోజ్ కు కాస్తో కూస్తో సాయం చేస్తోంది.. అని అక్కడి స్థానికులు చెప్పుకుంటున్నారు.

jagadesh

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది