IRS Officer : భారత దేశ సివిల్ సర్వీసెస్ చరిత్రలో అనూహ్య ప‌రిణామం.. పురుషుడిగా మారిన లేడీ ఆఫీస‌ర్

IRS Officer : ఇటీవ‌లి కాలంలో చాలా మంది లింగ మార్పిడి చేసుకుంటున్నారు. అబ్బాయి నుంచి అమ్మాయిగా మారడానికి లింగ మార్పిడి ఆపరేషన్ చేయించుకున్నారన్న వార్తలు ఎక్కువగా చదువుతూ ఉంటాం. ఇక్కడ ఆపరేషన్ల లాంటి గోలేం లేకుండా… అమ్మాయి అబ్బాయిగా మారిపోయింది. అంతా అధికారికంగా జరిగిపోయింది. ఇలా మార్చుకున్న వారు సాదాసీదా వ్యక్తి కాదు సివిల్ సర్వీస్ కు చెందిన ఐఆర్ఎస్ అధికారి కావడం చ‌ర్చ‌నీయాంశంగా మారంది. ఐఆర్ఎస్ (ఇండియన్ రెవెన్యూ సర్వీస్) కు చెందిన సీనియర్ అధికారిణి తనకు సంబంధించిన అధికారిక రికార్డుల్లో పేరు, జండర్ మార్చుకున్నారు.

IRS Officer అనసూయ కాదు అనుకతిర్ సూర్య

ఈ మేరకు సదరు ఐఆర్ఎస్ అధికారి చేసిన అభ్యర్థనకు కేంద్ర ఆర్థిక మంత్రిత్వ శాఖ సైతం ఆమోద ముద్ర‌ వేసింది. ఇలాంటి కీలక పరిణామం చరిత్రలో ఇదే తొలిసారి అంటున్నారు. ఇలా పేరు, జండర్ మార్చుకున్న ఆఫీసర్ ప్రస్తుతం హైదరాబాద్ లోనే పనిచేస్తున్నారు. తమిళనాడులోని చెన్నైకి చెందిన 2013 బ్యాచ్‌ ఐఆర్‌ఎస్‌ ఆఫీసర్‌ ఎం.అనుసూయ.. కొంతకాలంగా హైదరాబాద్‌లోని ‘కస్టమ్స్‌ ఎక్సైజ్‌ అండ్‌ సర్వీస్‌ ట్యాక్స్‌ అప్పిలేట్‌ ట్రైబ్యునల్‌ (సీఈఎ్‌సటీఏటీ)’ చీఫ్‌ కమిషనర్‌ కార్యాలయంలో జాయింట్‌ కమిషనర్‌గా పనిచేస్తున్నారు. ఇకపై తనను పురుషుడిగా అనుసూయ.. ఇక అనుకతిర్‌ సూర్య గుర్తించాలని.. ఎం.అనసూయకు బదులుగా తన పేరును ఎం.అనుకతిర్‌ సూర్యగా మార్చుకోవడానికి, రికార్డుల్లో తన లింగాన్ని మార్చుకోవడానికి అనుమతించాలని కోరుతూ కేంద్ర ఆర్థిక శాఖలోని రెవెన్యూ విభాగానికి చెందిన ‘సెంట్రల్‌ బోర్డ్‌ ఆఫ్‌ ఇన్‌డైరెక్ట్‌ ట్యాక్సెస్‌ అండ్‌ కస్టమ్‌’ను అభ్యర్థించారు. దీనికి కేంద్ర ఆర్థిక శాఖ అనుమతించింది.

లింగ మార్పిడికి సంబంధించి 2014లో ‘నేషనల్‌ లీగల్‌ సర్వీసెస్‌ అథారిటీ (నల్సా)’ కేసులో సుప్రీంకోర్టు తన తీర్పులో పలు కీలక వ్యాఖ్యలు చేసింది. తాము పురుషులుగా ఉండాలా లేక మహిళలుగా ఉండాలా అనేది వ్యక్తుల వ్యక్తిగత నిర్ణయమని స్పష్టం చేసింది. అనుకతిర్ సూర్య విషయానికి వస్తే.. 2013 బ్యాచ్ కు చెందిన ఇండియన్ రెవెన్యూ సర్వీస్ అధికారి ఎం అనసూయ. 2018లో డిప్యూటీ కమిషనర్ గా ప్రమోషన్ పొందారు. గత ఏడాది నుంచి హైదరాబాద్‌లో బాధ్యతలు నిర్వహిస్తున్నారు.