Nalgonda : బ్రేకింగ్‌.. నల్గొండలో మొండెం కలకలం.. మహంకాళి విగ్రహం కాళ్ల వద్ద వ్యక్తి మొండెం ప్రత్యక్షం..!

Nalgonda : నల్గొండ జిల్లా చింతపల్లి మండలంలో దారుణం చోటు చేసుకుంది. గొల్లపల్లి గ్రామంలోని మెట్టు మహంకాళి దేవాలయంలో దేవత కాళ్ళ విగ్రహం వద్ద వ్యక్తి మొండెం వేరు చేసిన తల దర్శనమిచ్చింది. విరాట్ నగర్ లో జరిగిన ఈ ఘటన స్థానికంగా కలకలం రేపింది.

హైదరాబాద్-నాగార్జున సాగర్ రాష్ట్ర రహదారి పై ఉన్న ఈ అమ్మవారి విగ్రహం వద్ద గుర్తు తెలియని దుండగులు… వ్యక్తిని చంపి అతని తలను వదిలి వెళ్ళారు. ఇది చూసిన స్థానికులు భయాందోళనకు గురవుతున్నారు. కాగా మృతుడి పూర్తి శరీరం ఎక్కడుందో.. అసలు ఆ మొండెం ఎవరిది అన్న విషయం మాత్రం ఇంకా తెలియరాలేదు.

ఘటన స్థలానికి చేరుకున్న పోలీసులు స్థానికులను ఆరా తీస్తున్నారు. కేసు నమోదు చేసి.. సమీప ప్రాంతాల్లో గాలింపు చర్యలు చేపట్టారు.