Peanuts Vs Almonds | బరువు తగ్గాలనే లక్ష్యంతో ఉన్నవారు సాధారణంగా తక్కువ క్యాలరీల ఆహారాన్ని ఎంచుకుంటారు. అయితే, ఆరోగ్యకరమైన కొవ్వులు, ప్రోటీన్‌ లతో నిండిన నట్స్‌ (పల్లీలు, బాదం) ఈ ప్రయాణంలో కీలక పాత్ర పోషిస్తాయి. కానీ, ఈ రెండింటిలో ఏది ఉత్తమం? అనే సందేహం చాలామందికి ఉంటుంది. పోషక విలువలు రెండింటిలోనూ ఉన్నప్పటికీ, వాటి ఆరోగ్య ప్రయోజనాల్లో కొన్ని తేడాలు ఉన్నాయి.

బాదంలో పోషకాలు

బాదం ఫైబర్‌, విటమిన్‌ E, మెగ్నీషియం, కాల్షియం, ఐరన్‌ వంటి ఖనిజాలతో నిండిఉంటుంది.
100 గ్రాముల బాదంలో దాదాపు 21 గ్రాముల ప్రోటీన్‌, 10.8 గ్రాముల ఫైబర్‌‌ ఉంటుంది.
ఫైబర్ అధికంగా ఉండటం వల్ల కడుపు త్వరగా నిండిన భావన కలుగుతుంది. ఇది ఆకలిని తగ్గించి, బరువును నియంత్రించడంలో సహాయపడుతుంది.

ప‌ల్లీల లాభాలు

పల్లీలు కూడా ప్రోటీన్‌, విటమిన్లతో నిండివుంటాయి.
100 గ్రాముల వేరుశెనగలో దాదాపు 23 గ్రాముల ప్రోటీన్, 2 గ్రాముల ఫైబర్‌ ఉంటుంది.
ఇవి ఫోలేట్, నియాసిన్‌ వంటి బి విటమిన్లను అందిస్తాయి — ఇవి ఆహారాన్ని శక్తిగా మార్చడంలో, మెటబాలిజం మెరుగుపరచడంలో సహాయపడతాయి.

అధిక ప్రోటీన్‌ కారణంగా పల్లీలు కండరాల ఆరోగ్యాన్ని బలోపేతం చేస్తాయి. ఇవి కూడా బరువు నియంత్రణలో ఉపయోగపడతాయి.

ఏది బెటర్?

రెండూ ఆరోగ్యానికి మంచివే అయినప్పటికీ —

ఫైబర్‌, యాంటీఆక్సిడెంట్లు కావాలంటే బాదం బెస్ట్‌. ఇది ఆకలిని తగ్గించి గుండె, ఎముకల ఆరోగ్యాన్ని మెరుగుపరుస్తుంది.

ప్రోటీన్‌ అవసరమైతే పల్లీలు ఉత్తమం. కండరాల పెరుగుదల, శక్తి కోసం ఇవి బాగుంటాయి.