Ram Charan : 25 లక్షల రూపాయలు గెలుచుకున్న హీరో రామ్ చరణ్

Ram Charan : మీరు మాట్లాడేది టాలీవుడ్ హీరో, మెగాస్టార్ చిరంజీవి కొడుకు రామ్ చరణ్ గురించేనా? అని డౌట్ గా అడగకండి. ఆయన గురించే మేం చెప్పేది. ఆయనే 25 లక్షల రూపాయలు గెలుచుకున్నారు. లాటరీ టికెట్ ఏమైనా కొన్నారా? అని కూడా అడగకండి. ఎందుకంటే.. ఆయన ఏ లాటరీ టికెట్ కొనలేదు. ఆయన సినిమాల్లో తీసుకునే పారితోషకం కూడా కాదు అది. ఆయన గేమ్ ఆడి గెలుచుకున్న డబ్బులు అవి. గేమ్ అంటే ఏ గేమ్ అనుకుంటున్నారు.. ఎవరు మీలో కోటీశ్వరులు అనే షోలో గేమ్ ఆడి 25 లక్షల రూపాయలు గెలుచుకున్నారట రామ్ చరణ్.

జూనియర్ ఎన్టీఆర్ హోస్ట్ గా త్వరలోనే ఎవరు మీలో కోటీశ్వరులు అనే షో ప్రారంభం కానుంది తెలుసు కదా. త్వరలోనే అది ప్రసారం కానుంది. అయితే.. ఆ షో మొదటి ఎపిసోడ్ మొదటి గెస్ట్ రామ్ చరణ్ అట. ప్రస్తుతం ఈ ఇద్దరు స్టార్ హీరోలు.. ఆర్ఆర్ఆర్ సినిమాలో నటిస్తున్న విషయం తెలిసిందే. సో.. ఎవరు మీలో కోటీశ్వరులు షో మొదటి ఎపిసోడ్ ను ఆర్ఆర్ఆర్ స్పెషల్ ఎపిసోడ్ గా తీసుకొస్తున్నారట.

Ram Charan : ఇప్పటికే 16 ఎపిసోడ్స్ షూటింగ్స్ పూర్తి చేసుకున్న షో

ఈ షో ఇప్పటికే 16 ఎపిసోడ్స్ ను పూర్తి చేసుకున్నదట. మొదటి ఎపిసోడ్ లో మెరిసిన రామ్ చరణ్.. కరెక్ట్ సమాధానాలు చెప్పి 25 లక్షల రూపాయలు గెలుచుకున్నారట. ఇంకో రెండు ప్రశ్నలు చెబితే ఆయన కోటి రూపాయలు గెలుచుకొని ఉండేవారు. జూనియర్ ఎన్టీఆర్ సినిమా షూటింగ్ లేని సమయంలో ముందే.. 16 ఎపిసోడ్స్ ను షూట్ చేశారట. ప్రస్తుతం జూనియర్.. విదేశాల్లో సినిమా షూటింగ్ లో బిజీగా ఉన్నారట. ఆయన తిరిగి ఇండియాకు రాగానే.. మిగితా ఎపిసోడ్స్ ను షూట్ చేయనున్నారట.