RRR నుంచి మరో లీక్.. రామ్ చరణ్ కూడా అలా చెప్పేశాడు!
Authored By Cinema Desk
| The Telugu News |
Updated on: February 19, 2021, 6:56 pm
RRR : దర్శకధీరుడు రాజమౌళి ఇప్పుడు ఆర్ఆర్ఆర్ షూటింగ్లో బిజీగా ఉన్నాడు. క్లైమాక్స్ షూటింగ్ చేస్తూ ముగింపు పలికే దశలో ఉన్నాడు. మొన్న జరిగిన ఉప్పెన సక్సెస్ మీట్లో ముఖ్య అతిథిగా వచ్చేసిన రామ్ చరణ్ ఆర్ఆర్ఆర్ షూటింగ్ ఎక్కడ జరుగుతోందో లీక్ చేసేశాడు. పుష్ప సినిమా ఎక్కడైతే షూటింగ్ జరుపుకుందో.. ఇప్పుడు మరి కొన్ని చిత్రాలకే అక్కడే లొకేషన్స్ దొరికినట్టున్నాయి.
Rajamouli RRR Shooting Leak Video
మారెడుమిల్లిలో షూటింగ్ చేస్తున్నాను. రాజమండ్రితో అనుబంధం ఉందంటూ రామ్ చరణ్ స్పీచ్ ఇచ్చాడు. అలా ఆర్ఆర్ఆర్ షూటింగ్ అక్కడే జరుగుతోందని లీక్ ఇచ్చినట్టు అయింది. అయితే ఇప్పుడు ఏకంగా ఓ వీడియో కూడా బయటకు వచ్చింది. అందులో రాజమౌళి అసిస్టెంట్లు సీన్స్ను వివరిస్తున్నట్టు కనిపిస్తోంది. అసలే భారీ ఎత్తున షూట్ చేస్తోన్న ఈ క్లైమాక్స్ సీన్స్ థియేటర్లో ఒళ్లు గగుర్పొడిచేలా ఉంటుందని తెలుస్తోంది.
మొదటి నుంచి కూడా ఆర్ఆర్ఆర్ లీకుల బారిన పడుతూనే ఉంది. ఇలా సినిమా ముగింపుదశకు వచ్చినా కూడా లీకులు ఆగడం లేదు. అలా మొత్తంగా బయటకు వచ్చిన ఈ వీడియో ఇప్పుడు వైరల్ అవుతోంది. అది అలా ఉంచితే ఇప్పుడు ఆర్ఆర్ఆర్ బిజినెస్ మీద అందరి కళ్లు పడ్డాయి. తమిళ హక్కులను 42 కోట్లకు లైకా అనే సంస్థ చేజిక్కించుకుందనే వార్త వైరల్ అవుతోంది. ఇక ఒక్క తమిళనాటే ఆ రేంజ్ బిజినెస్ అంటే ఇండియా మొత్తం చూస్తే కళ్లు చెదిరిపోవాల్సిందే.
View this post on Instagram
Also read
