Aloevera flower |  సాధారణంగా ప్రతి ఇంటిలో పెరిగే కలబంద మొక్క ఆరోగ్యానికి, అందానికి అనేక ప్రయోజనాలు అందిస్తుందని అందరికీ తెలిసిందే. అయితే ఈ మొక్క పూసే పువ్వులు కూడా విశేష ఆధ్యాత్మిక ప్రయోజనాలను కలిగి ఉంటాయని జ్యోతిష్య నిపుణులు చెబుతున్నారు. నారింజ లేదా ఎరుపు రంగు పువ్వులతో వికసించే కలబంద మొక్కను శుభ సంకేతంగా పరిగణిస్తారు.

ఎంత ఉప‌యోగాలు తెలుసా?

అలాంటి పువ్వులు సంపదను ఆకర్షించే శక్తిని కలిగి ఉంటాయని విశ్వాసం. ఈ పువ్వులు వికసించిన ఇంట్లో ఆనందం, శ్రేయస్సు నెలకొని కుటుంబ సభ్యుల మధ్య ప్రేమ పెరుగుతుందని అంటున్నారు. అంతేకాకుండా ఆర్థిక సమస్యలు తగ్గిపోవడంలో కూడా ఇవి సహాయపడతాయని నమ్మకం.

అయితే ప్రతి కలబంద మొక్క పూలు పూయదు. సరైన సంరక్షణ పొందిన మొక్కలే పుష్పిస్తాయి. ఆర్థిక లాభాల కోసం కలబంద పువ్వులను ఎర్రటి వస్త్రంలో చుట్టి పూజా మందిరంలో లేదా డబ్బు దాచుకునే చోట ఉంచాలని నిపుణులు సూచిస్తున్నారు. దీని వలన ఆర్థిక పరిస్థితి మెరుగుపడుతుందని విశ్వాసం ఉంది. అందువల్ల కలబంద మొక్క మాత్రమే కాదు, దాని పువ్వులు కూడా ఇంటికి శుభం, సంపద, ఆరోగ్యం తెస్తాయని భావిస్తున్నారు.