Green Tea vs Matcha: ఆరోగ్యంపై శ్రద్ధ వహించే వారిలో ‘గ్రీన్ టీ’ Green Tea ఎప్పుడూ ముందుంటుంది. కానీ ఈ మధ్య కాలంలో ‘మచ్చా టీ’ Matcha Tea కూడా విపరీతంగా ఆదరణ పొందుతోంది. అసలు ఈ రెండింటి మధ్య తేడా ఏంటి? ఏది ఎక్కువ ఆరోగ్యకరమైనది? అనే సందేహాలు చాలా మందిలో ఉన్నాయి. ఈ రెండు టీలు ‘కామెల్లియా సినెన్సిస్’ Camellia sinensis అనే మొక్క నుంచే వచ్చినప్పటికీ, వీటిని పండించే విధానం, ప్రాసెస్ చేసే పద్ధతుల్లో తేడా ఉంటుంది. ఆ వివరాలేంటో ఇప్పుడు చూద్దాం.

Green Tea vs Matcha: మచ్చా Matcha అంటే ఏమిటి?

సాధారణ గ్రీన్ టీలా కాకుండా, మచ్చా టీ మొక్కలను కోతకు ముందు సుమారు 20-30 రోజుల పాటు నీడలో Shade-grown పెంచుతారు. దీనివల్ల ఆకులలో క్లోరోఫిల్ Chlorophyll, ఎమినో ఆమ్లాలు Amino Acids స్థాయిలు పెరుగుతాయి. ఆ తర్వాత ఆకులను ఎండబెట్టి, మెత్తటి పొడిలా Powder చేస్తారు. మనం గ్రీన్ టీలో ఆకులను వేడినీటిలో ముంచి తీసేస్తాం, కానీ మచ్చా టీలో ఆకు మొత్తాన్ని పొడి రూపంలో నీటితో కలిపి తాగుతాం. దీనివల్ల ఆకులోని పోషకాలన్నీ 100 శాతం మన శరీరానికి అందుతాయి.

Green Tea vs Matcha: గ్రీన్ టీ, మచ్చా టీ ప్రయోజనాలు Health Benefits

రెండింటిలోనూ యాంటీ యాక్సిడెంట్లు ఉంటాయి. మచ్చాలో గ్రీన్ టీ కంటే 3 రెట్లు ఎక్కువ ఉంటాయి. రెండు టీలు బరువు తగ్గడంలో సహాయపడతాయి. మెదడు పనితీరును మెరుగుపరుస్తాయి. గుండె ఆరోగ్యాన్ని పదిలంగా ఉంచుతాయి.

ఏది బెస్ట్?

ఆరోగ్య పరంగా చూస్తే, మచ్చా కొంచెం ఎక్కువ ప్రయోజనకరంగా ఉంటుంది. ఎందుకంటే ఇందులో యాంటీఆక్సిడెంట్లు, కెఫిన్ గాఢత ఎక్కువగా ఉంటుంది. ఒక కప్పు మచ్చా టీ, దాదాపు 3 కప్పుల సాధారణ గ్రీన్ టీతో సమానం అని నిపుణులు చెబుతుంటారు. అయితే, మచ్చా ధర కాస్త ఎక్కువ, రుచి కొంచెం వగరుగా ఉండవచ్చు.

జాగ్రత్తలు Side Effects

మచ్చాలో కెఫిన్ ఎక్కువగా ఉంటుంది కాబట్టి, రోజుకు 1-2 కప్పులకు మించి తాగకూడదు. ఖాళీ కడుపుతో తాగితే ఎసిడిటీ Acidity సమస్యలు రావచ్చు. గర్భిణీలు, చిన్న పిల్లలు వైద్యుల సలహా మేరకు తీసుకోవడం మంచిది. ఆరోగ్యకరమైన జీవనశైలి కోసం మీ దినచర్యలో గ్రీన్ టీ లేదా మచ్చా టీని భాగం చేసుకోండి, కానీ అతిగా తాగడం మంచిది కాదని గుర్తుంచుకోండి.